Felepiɛŋ 3:17 - Ŋ̀âla Kɔlɔ Maa Waai

¹⁷ Ŋánûa, ka kɛ́ a ḿbɔkɔɔŋ-ƃela gîe ma ka diai maa kpɛ́ɛ da sîa yɛ̂ɛ berei kwa sîa lai.

Felepiɛŋ 3:17 ပူးပေါင်းရင်းမြစ်များ

Wule-woo-ŋa 37:37

Deniŋ ƃô-ƃelai da diai díkaa lii-see su, dímaa kpɛ́ɛ. Ƃa pâi gâai a gɛɛ dísuui su kɛ̂tɛi.

Lomaŋ 16:17

Ŋa kákpera fêi, ŋánûa, a gɛ́ɛ ka kámɛi káa a diai da pâ a ŋa-kɔlɛ-mɛni da mɛni-kpanaŋ nyɔ́mɔɔ-ŋa, nyíi-ŋai dítɔɔ̂i zɛŋ-lɛɛi ma ka zɔlɔ ƃôi; ka yao dîa.

Kɔleŋtiɛŋ Maa-ŋuŋ 10:32

Káfe Zûu-ŋai líi soli, kpaa máŋ Gurii-ŋai, kpaa máŋ Ɣâla-toli-kpɔŋ,

Kɔleŋtiɛŋ Maa-ŋuŋ 11:1

Ka kɛ́ a ḿbɔkɔɔŋ-ƃela, yɛ̂ɛ berei ŋ́gaa la a Kôrai-pɔkɔɔŋ-nuui.

Kɔleŋtiɛŋ Maa-ŋuŋ 4:16

Gɛ̀ ní, ŋa kalia-woo ƃôi, ká kɛ́ a ḿbɔkɔɔŋ-ƃela.

Felepiɛŋ 4:9

Mɛni-ŋai kélee ká maa kɔ́ri ńyêei, ká zɔlɔ ƃó ńyêei, ká mɛni ǹái, ká ŋ́gaa gɛ̂i, ka díkɛ. Nii-see-Ɣalai a pâi kɛ̂i kákɔlɛ.

Tɛsɛlôniɛŋ Maa-ŋuŋ 1:6

Ǹyaŋ ká kɛ̀ a kúpɔkɔɔŋ-ƃela da Kúnuu-namui, kpɛ́ni fêi, ká ŋ̀óoi sɔlɔ ƃo mɛni-kpɔ̂lu támaa su a lii-nɛ̃ɛ nyíi M̀ɔlêŋ Maa Waai è bù kákponôi.

Tɛsɛlôniɛŋ Veerɛi 3:14

À kɛ̀ núu da kélee fé faa ni a gɛ́ɛ é ǹyée see m̀ɛni-ŋai mu kú mò gɔlɔi ŋí sui, maa-nuui maa mɛ̂ni é lɛ́ɛ kákili ŋá, ka dîa-ni káfe nɛ̃ɛ. Ka gɛ́ ti a gɛ́ɛ maa-nuui é ŋumɛ.

Tɛsɛlôniɛŋ Veerɛi 3:7

Kpɛ́ni fêi, kákelee ká gɔ́lɔŋ berei fɛ̂ɛ ká kúpɔkɔɔŋ lai. Kúfe kɛ́ ni a nyɛ̃ŋ-nyɛ̃ŋ-ƃela tãi kú kɛ̀ la kásamâi.

Tɛsɛlôniɛŋ Veerɛi 3:9

È kɛ̀ a sɛŋ a gɛ́ɛ kú mii-sɛŋ mii káyêei kúfe vela-fei kɛ̀, kɛ́lɛ, kú mii-sãai fela-fei kɛ̀ a gɛ́ɛ kúmɛni-kɔɔŋ-maa tɛ́ɛ kápɔ kútûa-perei su ka kúpɔkɔɔŋ.

Temete Maa-ŋuŋ 4:12

Ífe ǹɛɛ naa núu da fé ŋɛi naɣîŋ ímɛi a gɛ́ɛ íkaa a lôloŋ, kɛ́lɛ, naa-la-ƃelai lɛ́ a mɛni-kɔɔŋ-maa ílono-woo su, ítûa-pere su, wɛli-kɛ-maa su, laa-la su, da maa-waa-laa.

Ibulu 13:7

Ka kákili ŋá sia é pîlaŋ kátuɛ-ƃelai dîa nyíi-ŋai Ɣâla ŋɔwóoi ƃò kâai. Ka kákili ŋá sia é pîlaŋ la m̀ɛnii mâ kɛ̀ a dífulu-laai, ka dílaa-lai pɔ́ɔ kɔɔ̂ŋ.

Pitɛ Maa-ŋuŋ 5:3

Diai kákaa dímɛi, káfe dímɛi kàa a wala-wala-laa, kɛ́lɛ, ká kɛ́ a pɔkɔɔŋ ǹúu-kpului mɛni ma.