Felepiɛŋ 3:14 - Ŋ̀âla Kɔlɔ Maa Waai

¹⁴ Ŋa kɔ̂i a gɛ́ɛ ŋa seri m̀ɛnii mâ gáa ŋ́gili ŋái, a gɛ́ɛ ŋá m̀aa pui sɔlɔ ƃo gáa Ŋ̀âla-taa-tolii mɛni ma nyíi Ɣâla a m̀ôi a kua Zîsɛ Kôrai kponôi.

Felepiɛŋ 3:14 ပူးပေါင်းရင်းမြစ်များ

Lûu 16:16

“Dɔ̂ŋ-kɔlɔi da Ɣâla ŋɔlóno-kɛ-ƃelai ƃe ŋwála-wala-laai e kɛ̀ díyêei e lɛɛ zu Zɔ̂ŋ e pa; é kúla tãi ti ma, Duŋ Lɛ́lɛɛi, nyii bîlaŋɔɔi Ɣâla ŋɔkâloŋ-laai mai, a ƃó, ǹyaŋ ǹûai kélee da díkpîŋ pûi zu a wala-wala-laa.

Lomaŋ 11:29

Kpɛ́ni fêi, Ɣâla fa ŋɔsama-sãai da ŋɔtólii siɣe pôlu.

Kɔleŋtiɛŋ Maa-ŋuŋ 9:24

Káfe gɔ́lɔŋ a gɛ́ɛ diai kélee da gbakpa-fulɔi kɛ̀i da gɛ̀ díkelee, kɛ́lɛ, núu tɔnɔ nɔ́ ƃa m̀aa-pui sɔlɔ ƃô? Ka kîrɛ siɣe a berei tí a gɛ́ɛ ka zɔlɔ ƃo.

Kɔleŋtiɛŋ Veerɛi 4:17

Kpɛ́ni fêi, tãi kpuâi ŋí su m̀ɛni-kpɔ̂lu-loŋ a wɔlɔ-wɔlɔ folo-laa kɛ́tɛ kpɛtɛ̂i ká mɛni ma, nyíi gɔ̀ɔŋ-maa fé mai.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Kolasiɛŋ 2:18

Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Tɛsɛlôniɛŋ Maa-ŋuŋ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Ibulu 3:1

Mɛni ma, m̀arâa maa waa-ŋai, káai kwa kâa-ni kú ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.

Ibulu 6:1

Mɛni ma kwaa kpéra Kôrai maa-mɛni-lɛɛ ma nyíi vii kpɛɛi, kú lí zɛŋ-lɛɛi mâ nyíi gbanaŋɔɔ̂i. Maa fé nɛ̃ɛ ní ŋɔ́nɔ a gɛɛ kú zɛŋ fii-kpɛɛ-ŋai ŋí lɛ́ɛ kɔ́ɔ pîlaŋ ŋɔ́nɔ a nina nyíi-ŋai díkaa a kú kɛ́ɛ kú kúpôlu tɔɔ tua-pere nyɔŋ ma. Laa-la é kɛ́ kúyêei nyíi gáa Ɣâla mɛni ma,

Pitɛ Maa-ŋuŋ 1:13

Mɛni ma ka kákili-ŋa-siai kpɛtɛ ká kɛ́ a káŋuŋ sú séɣeŋɔɔ, ká kákili-kɛ-zui kélee pú m̀ɛlɛ-seei ma nyíi pâi kápɔ a Zîsɛ Kôrai lɛ́ ɣelei.

Pitɛ Maa-ŋuŋ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee Ɣalai nyíi a kátoli ŋɔwɔlɔ-wɔlɔ fólo-laai mâ Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Pitɛ Veerɛi 1:3

Ŋɔɣâla-laai su wala-walai a sɛŋ kélee tɛ́ɛ kúpɔ nyíi-ŋai díkaa fúlu-laa da Ɣâla-mɛni kɛ́-mɛni mai, dárei sarâi nyíi kùla ǹúui yêei kútòli a gbîŋ-folo-laai da ŋɔkɛ́tɛ-laai.

M̀ɛni-lɛɛi 3:21

Ǹúui a yee-tɛɛ-maa kɛ̂i, ŋa pâi ǹɛɛ̂i naa kwa ǹyaa ku sée ŋákâloŋ-see-sɛŋ ŋá, yɛ̂ɛ berei ńyãa kpîŋ ŋá yee-tɛɛ-maa kɛ̀ la kwa Ńâŋ kú sée ŋɔkâloŋ-see-sɛŋ ŋái.