Felepiɛŋ 3:13 - Ŋ̀âla Kɔlɔ Maa Waai

¹³ Ŋánûa, fé m̀ôi a gɛ́ɛ ŋá gɛ́ a ḿbɔɔ. Kɛ́lɛ, ŋá mɛni tɔnɔ kɛ̂i. Ŋa niâi m̀ɛnii ma gáa ḿbôlu-perei. Ŋa kɔ̂i a gbanaŋɔɔ m̀ɛnii nyíi gáa ńduɛ-perei mɛni ma.

Felepiɛŋ 3:13 ပူးပေါင်းရင်းမြစ်များ

Wule-woo-ŋa 27:4

Ŋa Yâwɛɛ marê kɛ̂i mɛni tɔ̂nɔ mɛni ma. M̀ɛni tɔ̂nɔi kpɔ́ nɔ́ ŋa ŋ̀wɛ̂lii lai ǹyaa ƃa, ŋá kɛ́ nɔ́ Yâwɛɛ ŋɔpɛ́rɛi mu a tãi nɔ́ ŋ́gaa la ɣele mai, ŋ́gɛ ƃò naa ŋ́gɛ ŋɔsɔŋ lɛ̂lɛi kâa, ŋ́gɛ vɛ̀li.

Wule-woo-ŋa 45:10

Yái gâloŋ a gbɛ̀tɛ a gɛɛ é íkula a nɛnîi, íwoli tɔ́ɔ m̀ɛnii ma ŋa pá m̀ôi yâi. Nia ínûai dîa da íkaa-laai su-ƃelai kpéle-ŋai.

Lûu 10:42

mɛni tɔnɔ ƃe gbanaŋɔɔ̂i. Mere a ǹɛ́lɛɛ síɣe zu nyii dífe pâi gulâi ǹyêei.”

Lûu 9:62

Zîsɛ è mò ma, ǹyɛɛi, “Núu da fa pɔ̂ri díi-kɛ-kɔlii sonîi é bôlu-pere káa, pɔ̂ri é kɛ́ mì a gɛɛ é kɛ́ a Ɣâla ŋɔkâloŋ-laai su-nuu da.”

Kɔleŋtiɛŋ Veerɛi 5:16

Mɛni ma é síɣe tãi ŋí ma e li tuɛ-pere, kúfa núu maa-mɛni ŋá tèe yɛ̂ɛ núu-kpune ŋɔmɛni ŋá-tee-pere; berei máŋ tãi tɔnɔ ku Kôrai maa-mɛni ŋá tèe la yɛ̂ɛ núu-kpune ŋɔmɛni ŋá-tee-perei, kúfa ŋɔ́nɔ maa-mɛni ŋá tèe ti.

Felepiɛŋ 2:12

Mɛni ma ŋáwɛli-kɛ-maa-ƃelai, yɛ̂ɛ berei ka wɔ́lɔ woo mɛni kɛ̀ lai, ka nâa kákpîŋ ƃalo-laa kɔri a yao-maa da maa kpɛ̃liŋ. Vè kɛ̀ nɔ́ a ŋ́ɛi, kɛ́lɛ, fɛ̂ɛ nɔ́ ká gɛ́ máŋ ŋ́ɛi pôlu.

Felepiɛŋ 3:12

Vé a sɛŋ a gɛ́ɛ ŋa nâa nyíŋi sɔlɔ ƃo, kpaa máŋ da ŋ́gɛ ńaa a fɛ̂ɛ. Kɛ́lɛ, ŋa kɔ̂i a gɛ́ɛ ŋá gɛ́ a ḿbɔɔ, kpɛ́ni fêi, Zîsɛ Kôrai a ŋ́gɛ a bɔ́ɔ.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Ibulu 6:1

Mɛni ma kwaa kpéra Kôrai maa-mɛni-lɛɛ ma nyíi vii kpɛɛi, kú lí zɛŋ-lɛɛi mâ nyíi gbanaŋɔɔ̂i. Maa fé nɛ̃ɛ ní ŋɔ́nɔ a gɛɛ kú zɛŋ fii-kpɛɛ-ŋai ŋí lɛ́ɛ kɔ́ɔ pîlaŋ ŋɔ́nɔ a nina nyíi-ŋai díkaa a kú kɛ́ɛ kú kúpôlu tɔɔ tua-pere nyɔŋ ma. Laa-la é kɛ́ kúyêei nyíi gáa Ɣâla mɛni ma,

Pitɛ Veerɛi 3:8

Kɛ́lɛ, ŋáwɛli-kɛ-maa ƃelai, káfe nia mɛni tɔnɔi ŋí ma, a gɛɛ fólo tɔnɔ káa Kúnuu-namui ŋɛ́i yɛ̂ɛ kóraŋ wála tɔnɔ (1,000). Kóraŋ wála tɔnɔ (1,000) kɛ̀ ƃo ŋ̀ɛi yɛ̂ɛ fólo tɔnɔ.