Felepiɛŋ 3:12 - Ŋ̀âla Kɔlɔ Maa Waai

¹² Vé a sɛŋ a gɛ́ɛ ŋa nâa nyíŋi sɔlɔ ƃo, kpaa máŋ da ŋ́gɛ ńaa a fɛ̂ɛ. Kɛ́lɛ, ŋa kɔ̂i a gɛ́ɛ ŋá gɛ́ a ḿbɔɔ, kpɛ́ni fêi, Zîsɛ Kôrai a ŋ́gɛ a bɔ́ɔ.

Felepiɛŋ 3:12 ပူးပေါင်းရင်းမြစ်များ

Zôo 17:9

É máŋ kɛ́ tí, ǹúui nyii ǹâai a Ɣâlai a pâi kɛ̂i nɔ́ Ɣâla pôlu. Ǹyaŋ ǹúui nyii ǹyée ma waâi dɔɔ̂i a pâi kɛ̂i nɔ́ a gbanaŋɔɔ a ɣele kélee.

Wule-woo-ŋa 119:5

Gɛ́ kili kɛ-zu kɛ́ ƃò ńyêei a gɛɛ ŋá sía a ítɔ̂ŋ-ŋai a teniŋ ƃô-pere, dímɛi káa pere su.

Wule-woo-ŋa 138:8

M̀ɛnii í mòi, ya pâi gélee ŋ̀aa see kɛ̂i. Óo Yâwɛɛ, íwɛli-kɛ-maai káa naa wɔ́lɔ-wɔlɔ. Díi yá gɔ́ɔ pîlaŋ, gbéli kpɛ́ɛ.

Wule-woo-ŋa 42:1

Berei kpele-wɛli a pîlaŋ sua sòŋ la gɛ́ yá kɛ̂i kɔ̀ri a gɛɛ é gbele lai, bere nɔ́ ƃé Ŋáɣâlai maa mɛ̂ni kpáaŋ káa la ḿâ.

Wule-woo-ŋa 63:8

Ŋ́ganaŋɔ̂ɔi yâ, ǹyaŋ yá ƃé ya ḿaa kɔ̃ɔ.

Wule-woo-ŋa 84:2

Ŋa ŋ̀wɛ̂lii nɔ́ ŋ́gɛ ƃò m̀u. Yâwɛɛ Ŋɔpɛ́rɛ Kɛ́tɛi maa mɛ̂ni káa ńii su a ŋ̀ánaa. Ŋà kɛ̀ naa, ŋa kɛ̂ wule toôi ŋ́gɛ koi-nɛ̃ɛ kùla, gɛ-ɣele ma Ɣalai mɛni ma.

Wule-woo-ŋa 94:15

Gâloŋ-ŋai da pâi kɛ̂i mɛni-saa ƃôi a teniŋ ƃô-pere. Deniŋ ƃô-ƃelai da pâi tɔɔ̂i díwoo pôlu.

Táre-woo-ŋa 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Azaya 51:1

Yâwɛɛ è m̀o ǹyɛɛi, “Ka káwoli tɔ́ɔ ḿâ, káai wɛ̂lii a ŋuŋ ma ƃôi. Káai ŋ̀wɛ̂lii a kpɔŋ mâai, ka pá ḿbɔ. Ka ká kíli ŋá sía é pîlaŋ gɔnii ma nyii ká kùla zui, ká kákili ŋá sía ƃɛ́i ma dí gɔnii tí sàa naai.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Maafîu 5:48

Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa Naŋ láa fɛɛ̂i la a wɛli-kɛ-maai.

Zia-ƃelai Kɛ́-mɛni-ŋai 9:15

Kɛ́lɛ, Kúnuu-namui è mò mà, ǹyɛɛ, “Lí, kpɛ́ni fêi, gáa a ǹúui ŋa ǹɛ́ a ŋátii kɛ́-nuui dɔnɔ a gɛ́ɛ é lí a ńaa Zɛ̃tai-ŋai sáma, gâloŋ-ŋai da Eezuɛ-ƃelai.

Lomaŋ 8:39

mɛi-pere, kpaa máŋ mu-pere, kpaa máŋ ŋ̀éniɛi su-sɛŋ kélee, fé pâi pɔ̂rii kúkulâi Ɣâla ŋɔwɛli kɛ́-maai ma Kúnuu-namui Zîsɛ Kôrai sarâi.

Kɔleŋtiɛŋ Maa-ŋuŋ 13:10

Kɛ́lɛ, tãi m̀ɛnii nyíi ǹáa fɛɛ̂i a pá lai, mɛni kpûra-ŋai ŋí da pâi tɛɛ̂i.

Kɔleŋtiɛŋ Maa-ŋuŋ 13:12

Tãi ŋí su kúfa kwaa kâa a zu ponoɔɔ. Gáa nɔ́ yɛ̂ɛ núu à kɛ̀ sɛŋ da kâai mɛ̃lɛ-mɛ̃lɛ su. Kɛ́lɛ, nàa pôlu ma, kwa pâi mɛni-ŋai kpîŋ kâai yɛ̂ɛ berei díkaa lai. Tãi ŋí su ŋámɛni-kɔlɔŋɔɔi káa nɔ́ a gbua. Kɛ́lɛ, tãi tí sú ŋa pâi gélee kɔ́lɔnîi yɛ̂ɛ berei máŋ Ɣâla è ŋ́gɔlɔŋ la a ǹɛ́lɛɛi.

Kɔleŋtiɛŋ Maa-ŋuŋ 9:24

Káfe gɔ́lɔŋ a gɛ́ɛ diai kélee da gbakpa-fulɔi kɛ̀i da gɛ̀ díkelee, kɛ́lɛ, núu tɔnɔ nɔ́ ƃa m̀aa-pui sɔlɔ ƃô? Ka kîrɛ siɣe a berei tí a gɛ́ɛ ka zɔlɔ ƃo.

Kɔleŋtiɛŋ Veerɛi 13:9

Kpɛ́ni fêi, kúlii nɛ̃ɛ̂i à kɛ̀ kúfii kpɛɛ̂i kákponôi kpanaŋɔɔ. M̀ɛnii kwa Ɣâla fɛlîi mɛni mai, ǹyaa ƃa kámaa-mɛni kélee su é sã́a.

Kɔleŋtiɛŋ Veerɛi 7:1

Ŋáwɛli-kɛ-maa-ƃelai, tãi nɔ́ gono-tee-ŋai ŋí káa la kúyêei, kwaa kúkpîŋ maa wáa ku kúla kúkponôi da kúmɔlêŋ dísɔnyɔ̂ŋ su, kúkɛ kpɔ́ a kúmaa waa a ǹɛ́lɛɛ Ɣâla ŋɔyao-maai su.

Galesiɛŋ 5:17

Kpɛ́ni fêi, núu ŋɔkɛ-pere-nyɔŋ tɔɔ̂i M̀ɔlêŋ ma, M̀ɔlêŋ ǹyaŋ tɔɔ núu ŋɔkɛ-pere-nyɔŋ ma. Kpɛ́ni fêi, nyíi-ŋai tɔɔ̂i díkîe-ni dîa, a gɛ́ɛ káfe m̀ɛnii kɛ̂ ka ŋ̀wɛ̂lii ká gɛ́i.

Ifisiɛŋ 1:4

É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Ifisiɛŋ 4:12

a gɛ́ɛ Ɣâla ŋɔnûai dí kɛ́ a díkpɛtɛɛ ŋɔtíi mɛni ma, a gɛ́ɛ Kôrai kponoi é tɔ́ɔ,

Felepiɛŋ 1:1

Ńyãa Pɔ̂ɔ kwa Temete kúkaa a Zîsɛ Kôrai yée-mu-ƃela, Felepâ Ɣala-ƃelai kélee da nàa Kôrai-toli-kpɔŋ ŋɔtíi-mɛi-ƃelai é pɛ́lɛ nàa dìkɛŋ-ŋai dîa nyíi-ŋai díkaa Zîsɛ Kôrai kponôi:

Felepiɛŋ 3:16

Tɔɔ nɔ́ zɛŋ nyíi kwa zɔlɔ ƃói, kú maa-tua kɛ́.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Tɛsɛlôniɛŋ Maa-ŋuŋ 5:15

Ka gáa a gɛ́ɛ káfe mɛni nyɔ́mɔɔ gba kula a mɛni nyɔ́mɔɔ, kɛ́lɛ, ka kɔ́ a tãi kélee a gɛ́ɛ ká mɛni lɛ́lɛɛ kɛ́ a kákîe-ni da núu kélee.

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Temete Maa-ŋuŋ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́. Fɛ̂ɛ é kɛ́ a ǹúui a nîa-pɛlɛɛ kula zu, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔ̂lu káa ƃelai kùla mɛni-kpɔ̂lu su, gɛ gbîŋ pu tíi lɛ́lɛɛ kɛ́ɛ su pere sii kélee sui.

Temete Maa-ŋuŋ 6:19

Dà gɛ̀ ti, gɛ̀ ní díkaa díkpîŋ kpɛtɛ̂i tínaa tuɛ-pere mɛni ma a gɛ́ɛ dí vulu-laai sóŋ a gbanaŋɔɔ nyíi gáa a fulu-laa kpíŋ.

Ibulu 12:14

Ka kɔ́ a gbanaŋɔɔ a gɛɛ lii-sêe é kɛ́ káloai ká núu kélee da maa-waa-laa nyíi à wàla kɛ́ núu yêei va Kúnuu-namui kâai.

Ibulu 12:23

Ka seri bɔɔ-sɛŋ sɔlɔ ƃó-ƃelai maa-kpɔŋ mâ, nyíi-ŋai dílaa káa Ɣâla-taai, da mɛni-ŋa-tee nuui nyíi gáa a núu kélee Ŋɔɣâlai, da maa-waa-ƃelai dímɔlêŋ nyíi-ŋai dí maa-waa-laai láa fɛ́ɛi Ɣâla-taai.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Zĩi 3:2

Kúkelee kwa pɔara-mâa támaa kɛ̀, ǹyaŋ ǹúui va pɔara-mâa kɛ̀ ǹóno-woo sui, maa-nuui maa waâi. Pɔ̂ri káa mì a gɛɛ é gbonoi kélee mɛi káa máŋ.

Pitɛ Maa-ŋuŋ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee Ɣalai nyíi a kátoli ŋɔwɔlɔ-wɔlɔ fólo-laai mâ Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Pitɛ Veerɛi 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ tí.