Felepiɛŋ 3:10 - Ŋ̀âla Kɔlɔ Maa Waai

¹⁰ a gɛ́ɛ ŋa gɔ́lɔŋ da ŋɔmu-siɣe saa-yeei ŋɔwála-walai, ŋa ŋɔmɛni-soli-kaai da sɔlɔ ƃo, ŋá tela kɛ́ yɛ̂ɛ ǹyaa ŋɔsaai su.

Felepiɛŋ 3:10 ပူးပေါင်းရင်းမြစ်များ

Zɛlemaya 9:23

Yâwɛɛ è mò ǹyɛɛi, “Ǹúui nyíi dáreɛɛ̂i, vé gíli tɔ̀ɔ ŋɔtárei ma. Ǹúui ŋ̀wála-walaai, vé gíli tɔ̀ɔ ŋɔwála-laai ma. Ǹúui nyíi dɔɔ̂i, vé gíli tɔ̀ɔ ŋɔtɔɔ-sãai ma.

Maafîu 20:23

È díwoo su tòo ǹyɛɛ diai, “Tɔ̃yâ ma, ka pâi kákpelêi ŋákpele-kɔɛi su. Kɛ́lɛ, ve a ŋámɛni a gɛɛ ŋa faa mu ká sée ńaa-mii-yee mɛi da ŋ́gɔɔ-yee mɛi. Kɛ́lɛ, gáa diai mɛni ḿâ Ńâŋ è nàa kpɛ̀tɛ dîɛi.”

Zɔ̂ŋ 10:18

Núu da fa pɔ̂ri gulâi ńyêei. Kɛ́lɛ, ŋa dɛ̀ɛ ŋ́gbɔɔi-yee ma. Wala-wala káa ńyêei a gɛɛ ŋa dɛ́ɛ la, wala-wala kɛ́ ƃo ŋɔ́nɔ ńyêei a gɛɛ ŋa zɔlɔ ƃo. Dɔ̂ŋ ŋí ƃe ŋa gula Ńâŋ yêei.”

Zɔ̂ŋ 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Lomaŋ 8:17

À kɛ̀ ǹyaŋ kúkaa a ǹônii, kúkaa a pɔɔ-sɛŋ namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Lomaŋ 8:29

Kpɛ́ni fêi, diai è díkɔ̀lɔŋ a maa-ŋuŋ è dísèe díŋuŋ ŋá máŋ a maa-ŋuŋ a gɛ́ɛ dí ƃóloŋ Ǹóŋ ma a gɛ́ɛ Ǹóŋ é kɛ́ a ǹóŋ maa-ŋuŋ ǹeɣe-ni sama.

Lomaŋ 8:36

Yɛ̂ɛ berei bɔ̃yɛɛ̂i lai, “Díkaa kúpaâi ímaa mɛni ma é síɣe ɣele-wala ma e too ɣele-wulii ma; da kúkàa yɛ̂ɛ ƃála-ŋa nyíi-ŋai díkaa nɔ́ naa dípaa mɛni ma.”

Kɔleŋtiɛŋ Veerɛi 1:10

È kúkùla zaa-woloi tí lá, ǹyaŋ a pâi ŋɔ́nɔ kúkula-yeei kɛ̂i; kwa kúkili pu ma a gɛ́ɛ a pâi ŋɔ́nɔ kúkula-yeei kɛ̂i.

Kɔleŋtiɛŋ Veerɛi 1:5

Kpɛ́ni fêi, à kɛ̀ ku Kôrai ŋɔmɛni-solii dámaa sɔlɔ ƃô, bere nɔ́ ƃe ǹyaŋ kwa pâi ŋa-nɛnɛ támaa sɔlɔ ƃôi la máŋ Kôrai sârai.

Kɔleŋtiɛŋ Veerɛi 13:4

Kpɛ́ni fêi, dí gbamo wúru su-tíyeŋɔɔ ma fii-kpɛɛ su, kɛ́lɛ, gáa ɣele ma a Ɣâla ŋɔwála-walai. Kpɛ́ni fêi, kúfii kpɛɛ̂i gbonôi, kɛ́lɛ, kútûa-perei su a káa, kwa dîa-ni kwa pâi kɛ̂i ɣele ma a Ɣâla ŋɔwála-walai.

Galesiɛŋ 2:20

Kwa Kôrai dí kúkpàmo wúru su-tíyeŋɔɔ ma. Ǹyaŋ fé ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi. Vulu-laai ŋa nâa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Galesiɛŋ 6:17

É síɣe tãi ŋí ma núu da fé ŋɔ́nɔ ḿvũa-fũa. Kpɛ́ni fêi, Zîsɛ pɔ́ɔ káa ŋ́gbono ma.

Ifisiɛŋ 4:13

é lɛ́ɛ la zu kúkelee kúlaa-lai é kɛ́ tɔnɔ da Ɣâla Ǹóŋ maa-tarei, a gɛ́ɛ kú ƃɔlɔ kúmɔlêŋ kponôi kú kɛ́ yɛ̂ɛ Kôrai.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Kolasiɛŋ 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa m̀ɛni-solii ŋí ŋ̀aa-see kɛ̂i a ŋ́gbono. Kôrai è m̀ɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Kolasiɛŋ 2:13

Ká kɛ̀ a kásâa tɔ̂ŋ karaa su. Dífe kásee-ní kpono mâ. Kɛ́lɛ, Ɣâla è ká kɛ̀ a káfulu ka Kôrai-ni, é kútɔ̂ŋ karaa-ŋai kélee su-mɛni lɛɛ.

Kolasiɛŋ 3:1

À kɛ̀ ǹyaŋ ka Kôrai-ni ká kámu siɣe saa yêei gîe ma, gɛ̀ ní ka zãâi kɔ̂ri nyíi-ŋai díkaa kúmɛi-perei, ƃɛi Kôrai káa naa seêni Ɣâla laa-mii-yee mɛi.

Pitɛ Maa-ŋuŋ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sarâi,

Pitɛ Veerɛi 1:13

Ŋá ŋ́gili ŋá sìa a gɛɛ gáa a mɛni lɛ́lɛɛ tãi nɔ ŋ́gbonôi káa niî la a vúlui a gɛɛ ŋa kálii mu siɣe a mɛni-toɔɔ kákili ŋá,

Zɔ̂ŋ Maa-ŋuŋ 2:3

Nyíŋi a nɛ̀ a tɔ̃yâ a gɛɛ kú gɔ́lɔŋ, à kɛ̀ kwa ŋɔtɔ̂ŋ ŋai mɛi kâa.

Zɔ̂ŋ Maa-ŋuŋ 2:5

Kɛ́lɛ, ǹúui a ŋ̀óo lâai kɛ̀i, tɔ̃yâ ma, ŋwɛli-kɛ-maai gáa gbonôi Ɣâla maa-mɛni mai, ǹáa fɛɛ̂i. Ǹyaŋ nyíŋi a nɛ̀ kûa a tɔ̃yâ a gɛɛ kúkaa gbonôi.

M̀ɛni-lɛɛi 1:18

da gɛ-ɣele-ma-nuui. Ŋá sàa, ǹyaŋ gáa, ŋ́gaa a ḿvulu wɔlɔ-wɔlɔ da wɔlɔ-wɔlɔ. Saa da Saa-taa díkîi káa ńyêei.