Felepiɛŋ 3:1 - Ŋ̀âla Kɔlɔ Maa Waai

¹ Gbɛɛ ŋái, ŋánûa, ka lii-nɛ̃ɛ kula Kúnuu-namui kponôi. Vé ḿâ a mɛni kpanaŋ a gɛ́ɛ ŋa m̀ɛni tɔnɔi pɔ̃yɛ kâa, ǹyaŋ ǹɛ́lɛɛ̂i kámɛni ma.

Felepiɛŋ 3:1 ပူးပေါင်းရင်းမြစ်များ

Kɔlɔnikɔ Maa-ŋuŋ 15:28

Eezuɛ-ŋai kélee dí tɔ̀ɔ Yâwɛɛ Ŋɔkpanaŋ-woo kɛ́ɛ maa Gãlai ma dí pá la Zerusâlɛŋ díkɛ làɣi kpɔ́ a zu kɛ́tɛ, díkɛ lii-nɛ̃ɛ kùla, díkɛ sua-mĩla turu fɛ̀ɛ. Dí kɛ̀ nyɛ̃ŋ-nyɛ́ŋ ɣàlei, kɔnîŋ da pêle kɛ́-sãa da kpɛ́ni-ŋa.

Kɔlɔnikɔ Maa-ŋuŋ 16:10

Ka lii-nɛ̃ɛ kula, kpɛ́ni fêi, kúkaa a bɔ́ɔ. Tɔɔ diai kélee da vɛlii, dí lii-nɛ̃ɛ kula.

Kɔlɔnikɔ Maa-ŋuŋ 29:22

Dí dílaa m̀ii dí díkpele Yâwɛɛ ŋɛ́i-tuɛ a maa ɣelei ti a lii-nɛ̃ɛ su-kɛ́tɛ. Nya ƃe dí naa Saloma kɛ̀ a kâloŋ a tãi veerɛ ɣelei. Dí wúlɔ pú ŋ̀ûa Yâwɛɛ láai su, dí Zadɔ lɛ́ a zâla láa-soŋ-nuui.

Niɛmaya 8:10

Niɛmaya è mò ǹûai dîa ǹyɛɛi, “Ka lí nâa kápɛrɛ-ŋai lá. Ka lí ká kátaa tûlɛ-ŋai da paa, ká kúu kɛ́, ká ŋwã̂ai kpele, ká lii nɛ̃ɛ kùla. Kà zãâi ŋí da tɛ̀ɛ diai pɔ́ da kɔ́ri pɔ̂ri maa fé dîɛi. Káfe sèe a malôŋ pere. Ŋ̀elei ŋí káa a ɣele maa waa Kánuu-namui Yâwɛɛ mɛni ma. A pâi lii sêe tɛɛ̂i kápɔ é kákponôi kpanaŋ.”

Zôo 22:26

À kɛ̀ tí, Ŋ̀wála-wâla kélee Ɣalai a pâi kɛ̂i a íkili tɔɔ-maai. A pâi ílii-nɛ̃ɛi su kɛ̂tɛi.

Wule-woo-ŋa 149:2

Tɔɔ Eezuɛ é lii-nɛ̃ɛ kula ŋɔkpɛtɛ-nuui mɛ̂ni ma. Tɔɔ Zãiyɔŋ ǹônii dí lii-nɛ̃ɛ kula Díkâloŋ mɛni ma.

Wule-woo-ŋa 32:11

M̀ɛni ma, káai a deniŋ ƃô-ƃelai, ka lii-nɛ̃ɛ kula ɣelêi pere m̀ɛni lɛ́lɛɛ-ŋai mɛ̂ni ma Yâwɛɛ a gɛ́ kâai. Káai ka Yâwɛɛ wóo mɛnii, ka láɣi ɣelêi pere a lii-nɛ̃ɛ kɛ́tɛ!

Wule-woo-ŋa 33:1

Káai kélee a Yâwɛɛ ŋɔnûai, ka koi-nɛ̃ɛ kula ɣelêi pere gɛ́ mɛ̂ni lɛ́lɛɛ-ŋai mɛni ma. Káai kélee ka Yâwɛɛ wóo mɛnii, ka ǹáa maa tɛ́.

Wule-woo-ŋa 37:4

Yâwɛɛ wɛ́li. Zãai ǹɛ̂lɛɛi ímɛni mai, a pâi dɛɛ̂i ípɔ.

Wule-woo-ŋa 42:4

Ŋa ŋ́gili ŋá sìa é pîlaŋ ŋ̀ele-ŋai dîa ŋá kâa kɛ̀ ḿarâai téniŋ tɔɔ̂i la kúkɛ lɔ̀ Ɣâla ŋɔpɛ́rɛi mui, ńii a tòo pôlu a ŋ̀ánaa. Berei da kâa kɛ̀ Ɣâla láa ma tɛ̂i la ɣelêi perei, maa koi-nɛ̃ɛ wooi tíŋ káa niî ŋ́ôlii.

Wule-woo-ŋa 5:11

Kɛ́lɛ tɔɔ diai da pâ ípɔ ŋuŋ ma ƃo mɛni mai dí lii-nɛ̃ɛ kula. Ǹɛɛ naa dí lii-nɛ̃ɛ wule-ŋa too yâ. Diai íwɛlinii, dí maa kɔ̃ɔ. Da pâi lii-nɛ̃ɛ kulâi ísarâi.

Wule-woo-ŋa 97:1

Yâwɛɛ káa a kâloŋ. Ŋ̀éniɛi su-ƃelai kélee, ka koi-nɛ̃ɛ kula. Káai máŋ dîŋ-ŋai sui, ka lii-nɛ̃ɛ kula.

Azaya 41:16

Ka pâi dífɛ̂ɛi, vãai é lí a dia, dítaa-taa. À kɛ̀ tí, ka pâi lii-nɛ̃ɛ kulâi, kpɛ́ni fêi, ńyãa ƃa Káɣâlai. Gɛ̀ ní, ńyãai a Eezuɛ Ŋɔɣâla Maa Waai ka pâi ńaa ma tɛ̂i.

Azaya 61:10

M̀ɛnii Yâwɛɛ è gɛ̀i Zerusâlɛŋ a m̀aa koi-nɛ̃ɛ kula. Zerusâlɛŋ a m̀aa ɣíri yɛ̂ɛ nɛnî ƃé liî surɔ̂ŋ kulâi. Ɣâla a Zerusâlɛŋ m̀aa ɣíri a ƃálo-laa da yee-tɛɛ maa lâa.

Azaya 65:14

Ŋá tíi kɛ́-ƃelai da pâi wule toôi a lii-nɛ̃̂ɛ pere, kɛ́lɛ ka pâi wɔ̂lɔi a lii-too pôlu pere kásɛŋ-sôli maai su.

Zooɛ 2:23

“Óo Zãiyɔŋ-ƃela, ka lii-nɛ̃ɛ kúla Káɣâlai Yâwɛɛ mɛni ma kpɛ́ni fêi, a dunai maa-ŋuŋ tɛ́ɛ kákpɔŋ mâa mɛni ma. A tuna támaa tɛ́ɛ kámɛni ma. A dunai maa-ŋuŋ da gbɛɛ-ŋai tɛ́ɛ yɛ̂ɛ berei a kâa gɛ̀ lai.

Zɛfɛnâya 3:14

Óo Zãiyɔŋ ǹóŋ-nɛnii, láɣi a wule-woo, óo Eezuɛ, láɣi! Óo Zerusâlɛŋ ǹóŋ nɛnii, lii nɛ̃̂ɛ kula a ílii kélee!

Zɛfɛnâya 3:17

Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Zɛkɛrâya 10:7

Ǹyaŋ Ifiraŋ a pâi kɛ̀i yɛ̂ɛ kɔ́-kuluƃa wála-wâla, ǹyaŋ dílii a pâi nɛ̃ɛ̂i yɛ̂ɛ berei núu líi a nɛ̃̂ɛ la ŋwã̂ai mai. Mɛnii ŋí a pâi lɛɛ̂i dílônii kíli ŋá, ǹyaŋ dílii a pâi nɛ̃ɛ̂i Yâwɛɛ ŋɔkpɔŋ-mâai mɛni ma.

Maafîu 5:12

Kálii é nɛ̃ɛ kpɔ́ a ŋánaa, kpɛ́ni fêi, káfela-fei kɛ́tɛ̂i Ɣâla-taa. Kpɛ́ni fêi, bere nɔ ƃe dí Ɣâla ŋɔlóno-kɛ-ƃelai kpɔ̂ara la, nyii-ŋai kɛ̀ kátuɛi.

Lûu 1:47

ǹyaŋ ŋámɔ̂leŋ líi a nɛ̂ɛ Ɣâla kponôi, Ŋáƃalo-nuui,

Lomaŋ 5:11

Kɛ́lɛ, m̀ɛnii da kpɛ́ni ká ŋí. Kwa lii-nɛ̃ɛ kùla Ɣâla kponôi Kúnuu-namui Zîsɛ Kôrai sârai, nyíi a pá a kúa pôlu Ɣâla pɔ́i.

Kɔleŋtiɛŋ Veerɛi 13:11

Gbɛɛ ŋái, ŋánûa, káɣele-wulii. Ka kátûa-perei pɛ́ŋ pɛ́lɛ, ká káwoli tɔ̂ɔ m̀ɛnii ŋí ma ŋa môi kâai, ka káwoo kɛ́ zu tɔnɔɔ, ká kɛ́ lii-sêe su, gɛ̀ ní ŋwɛli-kɛ-maa da nii-see-Ɣalai a pâi kɛ̂i kákɔlɛ.

Ifisiɛŋ 6:10

Gbɛɛ ŋái, kákponôi é kpánaŋ Kúnuu-namui kponôi da ŋɔwála-wala-laai ŋɔsu-kpanaŋ.

Dutɛrɔnome 12:18

Kɛ́lɛ fɛ̂ɛ ká mìi ƃɛ́i Káɣâlai Yâwɛɛ a pâi naa lɛ̂i. Ka mii ka kálônii sinaai da kálônii nɛyãai, káyee mu-sinaai da nɛyãai é pɛ́lɛ Liiva-ŋai dîa kátaai sui. Ka koi-nɛ̃ɛ kula Káɣâlai Yâwɛɛ ŋɛ́i-tuɛ m̀ɛni-ŋai kélee su ka gɛi.

Dutɛrɔnome 16:11

Ka koi-nɛ̃̂ɛ kula ŋ̀ɛ́i-tuɛ ƃɛ́i è nàa lɛ̀i. Ka kálônii sinaai, ǹɛyâai, ǹuɛ sinaai, ǹɛyâai, Liiva-ŋai, ŋɔ̃ya-ŋai dee-lôŋ-ŋai da bɔɔ-nɛyâai kásamai.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Felepiɛŋ 4:4

Ka lii-nɛ̃ɛ kula Kúnuu-namui kponôi a ɣele kélee. Ŋa ŋɔ́nɔ m̀ôi káa a gɛ́ɛ ká lii-nɛ̃ɛ kula.

Felepiɛŋ 4:8

Gbɛɛ ŋái, ŋánûa, m̀ɛnii nyíi kélee gáa a tɔ̃yâi, zɛŋ nyíi kélee ƃaa kɛ́-maa káa mai, tenîŋ mo-mɛni kélee, zɛŋ nyíi kélee maa waâi, zɛŋ nyíi kélee ǹɛ́lɛɛ̂i, zɛŋ nyíi kélee laa-maa-tɛ káa mai, mɛni lɛ́lɛɛ kélee à kɛ̀ naa, da zɛŋ nyíi kélee maa nɛ̃ɛ̂i dí ǹáa maa tɛ́i, ka kákili ŋá sia é pîlaŋ dîa.

Tɛsɛlôniɛŋ Maa-ŋuŋ 4:1

Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ká káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Tɛsɛlôniɛŋ Maa-ŋuŋ 5:16

Ka lii-nɛ̃ɛ kula a ɣele kélee,

Zĩi 1:2

Ŋánûa, kà su-kɔɔ̂ŋ sii támaa sɔlɔ ƃô, ka lii-nɛ̃ɛ kula,

Pitɛ Maa-ŋuŋ 3:8

Gbɛɛ-ŋai, kákelee kákili é kɛ́ tɔnɔ, maloŋ-see é kɛ́ káyêei, ká kákîe-ni wɛ́li, maloŋ-kaa é kɛ́ káyêei da líi-maa-yeŋɔɔ.

Pitɛ Maa-ŋuŋ 4:13

Kɛ́lɛ, ka lii-nɛ̃ɛ kùla yɛ̂ɛ berei Kôrai è mɛni-solii sɔlɔ ƃo lai, a gɛɛ káa máŋ ka lii-nɛ̃ɛ kúla lii-laa é kɛ́ káyêei tãi ŋɔfólo-laai a lɛ́ lai.

Pitɛ Veerɛi 3:1

Ŋánûa, gɔlɔi veerɛi ká ŋí ŋa bɔ̃̀yɛ kápɔ naa. Gɔlɔi veerɛi ŋí sú, ŋa kátɔ̃yâ-kili mu siɣe nâa a mɛni-toɔɔ kákili ŋá.

Samia Maa-ŋuŋ 2:1

Aana è Ɣâla láa maa tɛ̀ ǹyɛɛi, “Ńii nɛ̃ɛ̂i Ɣâla Yâwɛɛ sârai. A ŋuŋ ma ƃô tɛ̀ɛ ḿbɔ. Mɛni ma ŋa pɔri lii-nɛ̃ɛ kulâi, ŋá ɣɛ́lɛ ŋ́gbɔara-ƃelai dîa.