Felepiɛŋ 2:9 - Ŋ̀âla Kɔlɔ Maa Waai

⁹ Maa-mɛni ma Ɣâla è m̀aa tɛ̂ a gɛ́tɛ, é láa see ma nyíi dɛɛ̂i láa kélee mai,

Felepiɛŋ 2:9 ပူးပေါင်းရင်းမြစ်များ

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ́rɔni íŋuŋ ma, yáŋ ya pâi dínyinîi díkɔɔ ma.”

Wule-woo-ŋa 110:1

Yâwɛɛ è m̀o ŋánuu-namui ma ǹyɛɛi, “See ǹúu-pɔlɔ-ŋai see kwaai ma ńaa mii yee mɛi-pere. Ŋa pâi íkpɔara-ƃelai pûi íkɔɔ mu.”

Wule-woo-ŋa 110:5

Ǹuu-namui káa ílaa mii yee mɛi pere. A ǹíi ŋwàna, a pâi kâloŋ-ŋa yée mɛi ɣâlei.

Wule-woo-ŋa 89:27

Ŋa pâi gɛ̂i a ńoŋ-surɔŋ maa-ŋuŋ. Ǹyaa ƃé pâi kɛ̂i a gâloŋ gɛ́tɛi kâloŋ-ŋa kélee sáma.

Wule-woo-ŋa 91:14

Ɣâla è mò ǹyɛɛi, “Diai ŋ́wɛlinii, ŋa pâi díŋuŋ maa ƃôi. Diai ŋ́gɔlɔŋ, ŋa pâi dí maa kɔ̃ɔ̂i.

Azaya 52:13

Yâwɛɛ è m̀o ǹyɛɛi, “Ŋá pâi gɛ̂i a gɛ́ɛ m̀ɛnii kélee ńyee mu nuui a ǹyée pìli zui, ŋ̀aa-see é kɛ́ ǹyêei a ǹɛ́lɛɛ, ƃaa kɛ́-maa kɛ́ ƃò m̀a.

Azaya 53:12

Ŋa pâi gɛ̂i ƃâa kɛ́ ƃò m̀a núu-kpune sáma, m̀u-wuyɛɛ, wála-wala-laa su kɛ́tɛ kɛ́ ƃò ǹyêei, kpɛ́ni fêi, è ŋɔfúlu-laai tɛ̂ɛ gbîŋ yee ma, da zɔnyɔ̂ŋ-ƃelai dí mɔ̃́lɛ a bɔriɛɛ. È sàa núu támaa dísɔnyɔ̂ŋ-ŋai mɛni ma. È Ɣâla fɛ̀li a gɛ́ɛ é dísu mɛni lɛɛ.”

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Danîa 7:14

Dí wála-wala-laa, ƃaa kɛ́-maa da lɛɛ-yeei-sɛŋ tɛ̀ɛ bɔ́. Sîi kélee ɣele mai dí pɛ̀lɛ gɔ́ɔ mu dí vɛ̀li. Ŋɔkɛ-naa-laai káa naa wɔ́lɔ-wɔlɔ da wɔ́lɔ-wɔlɔ. Núu da fé pâi wɔ́lɔ ŋɔkâloŋ-laai su-karai.

Maafîu 11:27

Nàŋ-nuui a sɛŋ kélee tɛ́ɛ ḿbɔ. Núu da fé Nòŋ-nuui kɔ́lɔŋ fɛ̂ɛ Nàŋ-nuui, kpaa máŋ núu da fé Nàŋ-nuui kɔ́lɔŋ fɛ̂ɛ Nòŋ-nuui, bɛlɛɛ ǹúui ma nyii Nòŋ-nuui a zìɣe a gɛɛ é ǹɛ́ mài.

Maafîu 28:18

Nya ƃe Zîsɛ è pà dípɔ é lóno dípɔ, ǹyɛɛi, “Wála-wala-laa kélee tɛɛ̂i ḿbɔ Ɣâla-taa da ǹɔii ma.

Lûu 10:22

Ńâŋ a sɛŋ kélee tɛ́ɛ ḿbɔ; núu da fé Nòŋ-nuui kɔlɔŋ fɛ̂ɛ Nàŋ-nuui, kpaa núu da fé Nâŋ-nuui kɔlɔŋ fɛ̂ɛ Nòŋ-nuui, bɛlɛɛ la ǹúui ma nyii Nòŋ-nuui a ziɣe a gɛɛ e ǹɛ mai.”

Zɔ̂ŋ 13:3

Zîsɛ e gɔ̀lɔŋ a gɛɛ Nàŋ-nuui a sɛŋ kélee tɛ́ɛ bɔ a gɛɛ ǹyaŋ e kula Ɣâla yée ŋá gɛ ŋɔ́nɔ li bɔ,

Zɔ̂ŋ 17:11

Ḿve ŋɔ́nɔ ǹɔii su. Kɛ́lɛ, díkaa ǹɔii su, ǹyaŋ ŋa pâi ípɔ. Ńâŋ Maa Waai, dímɛi káa ílaâi su, diai ya dítɛɛ ḿbɔi, a gɛɛ dí kɛ́ tɔnɔ yɛ̂ɛ berei kúkaa la tɔnɔi.

Zɔ̂ŋ 17:12

Tãi ŋa kɛ̀ la díkɔlɛi, ŋá dímɛi kàa ílaâi su, diai í dítɛ̀ɛ ḿbɔi. Ŋá dímɛi kàa, ǹyaŋ díta fé laŋ ní, fɛ̂ɛ ǹóŋ láŋɔɔi, a gɛɛ Ŋ̀âla-kɔlɔi ŋa-see é kɛ́.

Zɔ̂ŋ 17:5

Ńâŋ, tãi ŋi su, ŋáfolo-laai maa tɛ́ íkpîŋ ŋɛi, volo-laai nyii kɛ̀ ńyêei, íkɔlɛ ǹɔii é lɛ́ɛ pâi kpɛtɛ̂i.

Zia-ƃelai Kɛ́-mɛni-ŋai 5:31

Ɣâla è m̀aa tɛ̀ a ǹáa mii-yee a nuu túɛ-nuu da nuu-ƃalo-nuu, a gɛ́ɛ é gɛ́ Eezuɛ-ƃelai dí dílii pene Ɣâla é dísɔnyɔ̂ŋ-ŋai su mɛni lɛɛ.

Ifisiɛŋ 1:10

Ɣâla a gbɛtɛ gíli ŋá a gɛ́ɛ tãi à sèri, é ŋ̀elei-su sãai da ǹɔii-ma sãai kélee pú gîei Kôrai kponôi.

Kolasiɛŋ 1:18

Gáa a gbonoi ŋuŋ nyíi gáa a Kôrai-toli-kpɔŋ. Gáa a gɔɔ-pîlanii, gɛ ƃo a ǹúui maa-ŋuŋ kùla saa yêei, a gɛ́ɛ dɔɔ̂i é kɛ́ a gɛ́tɛ mɛni kélee su.

Tɛsɛlôniɛŋ Veerɛi 1:12

Ǹyaŋ bere sîi ŋí ƃé Kúnuu-namui Zîsɛ láai ŋɔfólo-laai m̀aa a pâi tɛ́i la kásarâi, káaŋ káfolo-laai maa é tɛ́ zarâi, yɛ̂ɛ berei Kúɣâlai da Kúnuu-namui Zîsɛ Kôrai díƃɛlɛ-sêei káa lai.

Ibulu 1:4

Dɛɛ̂i ŋ̀âla-taa kela-ŋai dîa kpɛ́ni fêi ǹáai è zɔlɔ ƃôi gɛ́tɛ̂i é tɛ́ɛ díwɔ̂i ma.

Ibulu 1:9

Í tɔ̃yâ-laa wɛ́li ní. Ya wôya-mɛni kpɔara. Mɛni ma Ɣâla nyíi gáa a Íɣâlai a ísiɣe zu a lii-nɛ̃ɛ kɛ́tɛ da ƃaa-kɛ-maa kɛ́tɛ tɛ́ɛ ípɔ a tɛ̂ɛ íƃarâai dîa.”

Ibulu 12:2

Kwaa kúŋɛi kɛ́ Zîsɛ ma nyíi kúlaa-lai kɔ́ɔ pìlaŋ é maa waai, nyíi zaa-wurui siɣe a ǹii-nɛ̃ɛi nyíi kɛ̀ ŋ̀ɛi-tuɛi é ŋ̀ɛi nàɣîŋ ŋumɛ mɛ́i é see Ɣâla ŋɔsee-sɛŋ láa-mii-yee mɛi.

Ibulu 2:9

Kɛ́lɛ, kwa Zîsɛ kàa nyíi Ɣâla è gɛ̀ ŋ̀âla-taa kela-ŋai mu-pere a da-loŋ. È fólo-laa da ƃaa-kɛ-maa ƃɔrɔ sèe ŋ̀ûa, kpɛ́ni fêi, è mɛni-soli kàa saa yêei a gɛɛ Ɣâla ŋɔƃɛlɛ-sêei sarâi é sáa kɔɔ̂ŋ núu kélee mɛni ma.

Pitɛ Maa-ŋuŋ 3:22

nyíi a lí Ɣâla-taa gáa seêni Ɣâla láa-mii-yee mɛi da ŋ̀âla-taa kela-ŋai, núu-mɛi-ƃelai, é pɛ́lɛ ŋwála-wala-ƃelai dîa nyíi-ŋai díkaa mui.

Pitɛ Veerɛi 1:17

È ƃaa-kɛ-maa da folo-laa sɔlɔ ƃô Ɣâla Nàŋ-nuui yêei. Volo-laa kɛ́tɛi è ŋ̀óoi ŋí tɛ̀ɛ bɔ naa, nyíi mò, nyɛɛi, “Ŋáwɛli-kɛ-maa loŋ ká ŋí, nyíi ǹíi lâai mɛni mai.”

Zɔ̂ŋ Zaaƃai 1:7

Kpɛ́ni fêi, da liî Ɣâla láai sú, ǹyaŋ dífe sɛŋ da soŋ ni Zɛ̃tai-ŋai yêei.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋãai,

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturui fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

M̀ɛni-lɛɛi 19:16

Láa è kɛ̀ a pɔ̃yɛɛ ŋɔyokpoi ma da ŋ̀wɛ́rɛ ma, nyíi kɛ̀ a kâloŋ-ŋa kélee Díkâloŋ da nuu-namela kélee Dínuu-namui.

M̀ɛni-lɛɛi 3:21

Ǹúui a yee-tɛɛ-maa kɛ̂i, ŋa pâi ǹɛɛ̂i naa kwa ǹyaa ku sée ŋákâloŋ-see-sɛŋ ŋá, yɛ̂ɛ berei ńyãa kpîŋ ŋá yee-tɛɛ-maa kɛ̀ la kwa Ńâŋ kú sée ŋɔkâloŋ-see-sɛŋ ŋái.

M̀ɛni-lɛɛi 5:12

Dí kɛ̀ m̀ôi a díwoo su kɛ́tɛ, díyɛɛi, “M̀ála-loŋ dí bàai, maa nɛ̃ɛ̂i a gɛɛ é wala-wala sɔlɔ ƃó, tɔɔ-laa, táre, ƃaa-kɛ-maa, fólo-laa, é pɛlɛ lûwa ma!”