Felepiɛŋ 2:7 - Ŋ̀âla Kɔlɔ Maa Waai

⁷ Kɛ́lɛ, e Ŋɔɣâla-mɛnii làa, é gbîŋ kɛ́ yɛ̂ɛ luɛ. Dí zɔlɔ ƃo yɛ̂ɛ núu-kpune.

Felepiɛŋ 2:7 ပူးပေါင်းရင်းမြစ်များ

Wule-woo-ŋa 22:6

Fé ŋɔ́nɔ núu kɔ̀lɔi. Ŋ́gaa nɔ́ yɛ̂ɛ kpeli. Ǹûai da díyee kúla ḿû, díkɛ ɣɛ́lɛ-maa kùla ŋ́gonôi.

Azaya 42:1

Yâwɛɛ a m̀ôi ǹyɛɛi, “Ŋátii kɛ́-nuui ká ŋí. Ǹyaa ƃé ŋá zìɣe zu. Ńii lâai ǹyêei. Ŋa pâi Ŋámɔlêŋ pûi gbonôi, ŋá wála-wala tɛɛ bɔ́. A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ŋûŋ-ŋai su.

Azaya 49:3

È m̀o ḿâ ǹyɛɛi, “Eezuɛ, yá ƃa ŋátii kɛ́-nuui. Ísarâi ƃé nûa da pâi ŋákɛtɛ-laai kɔ́lɔnîi la.”

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Danîa 9:26

Da pâi ǹúu láa túɛ-nuui ŋí paâi a góraŋ-ŋai ŋí kpɛɛ ŋá tãi ǹaa é lɛ́ɛ a vólo. Lɔii-ŋuŋ da kpɛ́ni su-ƃela láa túɛ nuu da ŋɔkɔ-kuluƃa-ŋai da pâi Zerusâlɛŋ su karâi da Ŋ̀âla-pɛrɛ Kɛ́tɛi. Kɔ́ a pâi kɛ̂i nɔ́ kɔ̂i naa yɛ̂ɛ ya fɛ̂ɛ yɛ̂ɛ berei Ɣâla è gbɛ̀tɛ lai.

Zɛkɛrâya 3:8

Zasua, íwoli tɔ́ɔ, yái íkaa a zâla láa-soŋ-nuu kɛ́tɛi. Ǹyaŋ káai a zâla láa-soŋ-ƃela kpéli-ŋai, ka káwoli tɔ́ɔ: Káa ƃa ŋɛi-kɛ-maa mɛni lɛ́lɛɛ mɛni ma tínaa-tuɛ-pere. Ŋa pâi ńyee-mu-nuui lɛ̂i nyii da dòli a Ŋ̀oŋoi!

Zɛkɛrâya 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Maafîu 12:18

“Ka Ŋátii-kɛ-nuui káa, nyii ŋá zìɣe zu, ńii-ma tii-kɛ-nuui, nyii m̀aa-mɛni a Ŋámɔ̂leŋ líi láai. Ŋa pâi ŋámɔ̂leŋ pûi gbonôi, ǹyaŋ a pâi dɔ̃yâ mɛnii lɛ̂i Zɛ̃tai-ŋai dîa.

Maafîu 20:28

Núu-kpune Ǹóŋ fé pá ní la a gɛɛ dí tíi kɛ́ mì, kɛ́lɛ, è pà a gɛɛ é tíi kɛ́ núu-kpune mì, é ŋɔfúlu-laai tɛ́ɛ a núu támaa maa-tee-sɛŋ.”

Mâki 9:12

È díwoo su tòo ǹyɛɛ dîai, “Ilaiza a pâi kpɔ́ fúlɔi a gɛ́ɛ é m̀ɛnii kélee su sã́a. Kɛrɛ̂e, bɔ̃yɛɛ̂i Ŋ̀âla-kɔlɔi su a gɛ́ɛ fɛ̂ɛ núu-kpune Ǹóŋ é mɔ̃lɛ mɛni támaa su, dí tûa la yɛ̂ɛ luɛ?

Lûu 22:27

À kɛ̀ tí, gbɛ̂ɛ ƃa ǹúui gɛ́tɛi, ǹúui a sêe teƃelei mai, kpaa mii-sɛŋ láa-lɛ-nuui? Ǹyaa ƃa ǹúui a sêe teƃelei mai, vé tí? Kɛ́lɛ, ŋ́gaa kásama yɛ̂ɛ mii-sɛŋ láa-lɛ́-nuu.

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Lomaŋ 1:3

Duŋ lɛ́lɛɛi ŋí pîlaŋɔɔi Ǹóŋ ma, nyíi dí m̀aa sɔlɔ ƃo Deeƃé ŋɔsuui su, yɛ̂ɛ berei núu-kpune maa-sɔlɔ ƃo-pere káa lai.

Lomaŋ 15:3

Kpɛ́ni fêi, Kôrai fé gbîŋ líi láa ni. Kɛ́lɛ, yɛ̂ɛ berei bɔ̃yɛɛ̂i lai, “Mɛni nyɔ́mɔɔ-ŋai dí mò é pîlaŋ yâi, gélee è pù ŋ́ûa.”

Lomaŋ 15:8

Ŋa môi a gɛ́ɛ Kôrai è kɛ̀ a núu seɛɛ kpono-mɛi maa mɛni yee-mu-nuu Ɣâla ŋɔtɔ̃yâi mɛni ma a gɛ́ɛ é Ɣâla ŋɔkono-tee-ŋai ŋ̀aa-see kɛ́ nyíi è gɛ̀ kúnuu-pɔlɔ-ŋai yêei,

Lomaŋ 8:3

Kpɛ́ni fêi, Ɣâla a mɛnii kɛ́ nyíi Dɔ̂ŋ fa pɔ̂ri gɛ̂i nyíi kúkpîŋ tua-perei e zu saai. È ǹyaa kpîŋ-Loŋ tɛɛ a gɛ́ɛ gbono e kɛ́ ma yɛ̂ɛ kúkpono nyíi ǹáa fɛɛ̂i a sɔnyɔ̂ŋ a gɛ́ɛ e saa sɔnyɔ̂ŋ mɛni ma. Berei-sii ŋí su ƃe e sɔnyɔ̂ŋ su kara la núu-kpune kpîŋ-tua-pere su,

Kɔleŋtiɛŋ Veerɛi 13:4

Kpɛ́ni fêi, dí gbamo wúru su-tíyeŋɔɔ ma fii-kpɛɛ su, kɛ́lɛ, gáa ɣele ma a Ɣâla ŋɔwála-walai. Kpɛ́ni fêi, kúfii kpɛɛ̂i gbonôi, kɛ́lɛ, kútûa-perei su a káa, kwa dîa-ni kwa pâi kɛ̂i ɣele ma a Ɣâla ŋɔwála-walai.

Kɔleŋtiɛŋ Veerɛi 8:9

Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.

Galesiɛŋ 4:4

Kɛ́lɛ, tãi kpîŋ páai, Ɣâla è Ǹóŋ tɛ̀ɛ, nyíi nɛnî è zɔlɔ ƃôi. È pà dɔ̂ŋ yée mu. È pà a gɛ́ɛ é diai maa tée kɛ̂ dɔ̂ŋ mui,

Felepiɛŋ 2:6

Berei máŋ è kɛ̀ la a Ɣâlai, ve kánaŋ ni Ŋɔɣâla-laai ma.

Ibulu 12:2

Kwaa kúŋɛi kɛ́ Zîsɛ ma nyíi kúlaa-lai kɔ́ɔ pìlaŋ é maa waai, nyíi zaa-wurui siɣe a ǹii-nɛ̃ɛi nyíi kɛ̀ ŋ̀ɛi-tuɛi é ŋ̀ɛi nàɣîŋ ŋumɛ mɛ́i é see Ɣâla ŋɔsee-sɛŋ láa-mii-yee mɛi.

Ibulu 13:3

Ka kákili ŋá sia é pîlaŋ diai dîa díkaa kpini-pɛrɛ mui yɛ̂ɛ kà dîa-ni kà kɛ̀ naa. Ka kákili ŋá sia é pîlaŋ diai dîa da dísoŋ a nyɔ́mɔɔi, tãi nɔ káa máŋ kákaa la a ǹúu-kpune-ŋai.

Ibulu 4:15

Kpɛ́ni fêi, zâla láa soŋ-nuui gáa kúyêei vé a zâla láa soŋ-nuu nyíi pɔ̂ri fé mì a gɛɛ é kúmalôŋ káa kúfii-kpɛɛi sui, kɛ́lɛ, gáa a zâla láa soŋ-nuui nyíi su-kɔɔ̂ŋ è pà bɔ̀ pere sii kélee su yɛ̂ɛ kúai. É máŋ kɛ́ tí vé sɔnyɔ̂ŋ kɛ́ ní.