Felepiɛŋ 2:3 - Ŋ̀âla Kɔlɔ Maa Waai

³ Káfe ŋɛi-kpala-mɛni kélee da kɛ̀ kpaa máŋ yoŋka-mɛni kélee, kɛ́lɛ, ka kákpîŋ maa yeŋ, ka káƃarâai siɣe a nûa lɛ́lɛɛ e tɛɛ káa kpîŋ kâa.

Felepiɛŋ 2:3 ပူးပေါင်းရင်းမြစ်များ

Táre-woo-ŋa 13:10

Yoŋka-nuu a pâ a laa-saa, kɛ́lɛ táre a pâ a ǹúui nyii a lia-woo mɛ̀nii.

Lûu 18:14

Ŋá m̀ó kâa, nalôŋ ŋi e lì bɔ naa a zɔŋ kpɛɛ ma, kɛ́lɛ, m̀arâŋ-nuui fei; kpɛ́ni fêi, ǹúui kélee a gbîŋ kɛ̀tɛi, m̀aa a pâi yenîi. Kɛ́lɛ, ǹúui a gbîŋ maa yêŋ, a pâi kɛ̂i a gɛ́tɛ.”

Lomaŋ 12:10

ka kákîe-ni wɛli a núu-laa wɛli-kɛ-maa; ka kɔ́ kpɔ́ a gbanaŋɔɔ ka ƃaa kɛ́-maa tɛ́ɛ kákîe-ni pɔ.

Lomaŋ 13:13

Kwaa sia a tenîŋ-ƃo yɛ̂ɛ núu à kɛ̀ siâi a ɣele-ƃɔ́ɔ. Ƃoo-pele kɛ́ɛ fei, da lɔɔ ŋɔnúu kɛ́ɛ, wulu-wulu kɛ́ɛ, wolii-kpɔlɔ, laa-sâa, é pɛlɛ tólo ma.

Lomaŋ 2:8

Kɛ́lɛ, diai da tûa nɔ́ a díkpîŋ nia pere dífa dɔ̃yâi mɛni siɣe a tɔ̃yâ, kɛ́lɛ, díkɛ ŋ̀wana-lɔ̂ɔ mɛni siɣe a tɔ̃yâi, Ɣâla a pâi díkula maa kɛ̂i.

Kɔleŋtiɛŋ Maa-ŋuŋ 15:9

Kpɛ́ni fêi, ŋ́guro têi zia-ƃelai sama ǹyaŋ ḿaa fé nɛ̃ɛ ní a gɛ́ɛ dí ńdoli a sia-nuu, kpɛ́ni fêi, ŋá mɛni ŋánaa kɛ̀ a Ɣâla-toli-kpɔŋ.

Kɔleŋtiɛŋ Maa-ŋuŋ 3:3

Kpɛ́ni fêi, kákaa nîi kákpîŋ-tua-pere nyɔŋ su. Kpɛ́ni fêi, tãi tólo káa la kásama da laa-saai, káfe kákpîŋ tua-pere-nyɔŋ pôlu, kakɛ tua a nuu-kpune tua-pere?

Kɔleŋtiɛŋ Veerɛi 12:20

Kpɛ́ni fêi, ŋ́gaa yáôi a gɛ́ɛ tãi da ŋà pà fa kákàa yɛ̂ɛ berei ŋa ŋ̀wɛ̂lii lai, káa máŋ káfa ŋ́gaa yɛ̂ɛ berei ka ŋ̀wɛ̂lii lai. Tãi da laa-saa a pâi kɛ̂i kásama, tólo, lii-ŋwana, ŋɛi-kpala, laa-kara, laa-ƃo, lii-kɛtɛ, da woo-taa-taa.

Galesiɛŋ 5:15

Kɛ́lɛ, ká kákîe-ni nyìŋ, kákɛ kákîe-ni mii, ká kámɛi káa a gɛ́ɛ káfe kákîe-ni su kara.

Galesiɛŋ 5:26

Kúfe kɛ́ a yoŋka-ƃela, kúfe kúkîe-ni líi ŋwana-mɛni kɛ̀, kpaa máŋ kú tólo kúla kúkîe-ni dîa.

Ifisiɛŋ 4:2

da maa-yeŋ-pere, ƃɛlɛ-laa, é pɛ́lɛ lii-kpele ma, a gɛ́ɛ ká kálii kpele kákîe-ni yêei wɛli-kɛ-maa su.

Ifisiɛŋ 5:21

Ka kɛ́ kákîe-ni mu Kôrai ŋɔyao-maai su.

Felepiɛŋ 2:14

Ka mɛni kélee kɛ́, káfe káŋuŋ-su-woo sàa, káfe mare-kɛɛ kɛ̀,

Kolasiɛŋ 3:12

Káa ƃa ǹûai Ɣâla a kálɛ, a kámaa waa, a káwɛli. Mɛni ma, maloŋ-kâa é kɛ́ káyêei, sɔŋ-lɛlɛ, maa-yeŋ, lii-lɛlɛ, da lii-kpele.

Kolasiɛŋ 3:8

Kɛ́lɛ, ka tée nyíi-ŋai kélee dîa máŋ, lii-ŋwana, kpɔara, laa-kara, larâŋ woo-ŋa dí kula kála.

Temete Maa-ŋuŋ 6:4

gɛ̀ ní maa-nuui líi kɛ́tɛ̂i. Vé mɛni da kɔ́lɔŋ. A kili-ŋa-sia nyɔ́mɔɔ wɛ̂lii mare-kɛɛ mɛni ma da wóo da-ni maa sia-toɔɔ nyíi-ŋai da pâ a tólo, laa-saa, laa-kara, da núu maa kili-ŋa-sia nyɔ́mɔɔ.

Pitɛ Maa-ŋuŋ 3:8

Gbɛɛ-ŋai, kákelee kákili é kɛ́ tɔnɔ, maloŋ-see é kɛ́ káyêei, ká kákîe-ni wɛ́li, maloŋ-kaa é kɛ́ káyêei da líi-maa-yeŋɔɔ.

Pitɛ Maa-ŋuŋ 5:5

Káai kákaa a ǹúu tɔɔ-ŋai máŋ ká kɛ́ ǹúu-pɔlɔ-ŋai mu a bere sii tí. Kákelee ka kámaa ɣiri a maa-yeŋ-lii kákîe-ni mɛni ma, kpɛ́ni fêi, “Ɣâla tɔɔ̂i yoŋka-nuu ma, kɛ́lɛ, a ƃɛlɛ-sêe tɛ̀ɛ maa-yeŋ-nuu pɔ.”