Felepiɛŋ 2:29 - Ŋ̀âla Kɔlɔ Maa Waai

²⁹ Mɛni ma ka káyee see mù a lii-nɛ̃ɛ Kúnuu-namui kponôi. Ka ƃâa kɛ́ núu kɛ́ɛ ŋí ma.

Felepiɛŋ 2:29 ပူးပေါင်းရင်းမြစ်များ

Azaya 52:7

Ka gáa, gáa a mɛni lɛ́lɛɛ a gɛɛ í lii-sêe tuŋ ƃó-nuu káa gɛ́ kùla ǹyée-ŋai su. A pâi a lii-see maa tûŋ lɛ́lɛɛ. A m̀ôi Zãiyɔŋ-ƃelai dîa ǹyɛɛi, “Káɣâlai ƃa gâloŋ.”

Lûu 9:5

Ƃɛi nɔ da wàla díyee see naa kamui, tãi kà kɛ̀ kulâi la daai ti sui, ka kákɔɔ-ŋa-muluŋ kpɛ́mɛŋ. Gáa a dímɛni-lɛɛ maa-sere.”

Zɔ̂ŋ 13:20

Tɔ̃yâ kpîŋ, ŋá m̀ó kâa, ǹúui nyii kélee a ǹyée sèe ǹúui mu ŋá dɛ̀ɛi, a ǹyée sée ḿû. Ǹyaŋ ǹúui a ǹyée see ḿûi, a ǹyée sèe ǹúui mu ńdɛ̀ɛi.”

Zia-ƃelai Kɛ́-mɛni-ŋai 2:46

Ǹaa-la-ƃelai díkɛ̀ liî Ŋ̀âla-pɛrɛ kɛ́tɛi mu gîe ma. Dímii-sãai kélee è kɛ̀ nɔ́ gîe ma. Da kâa dílaa mii gîe ma a lii-nɛ̃ɛ da lii-lɛlɛ.

Zia-ƃelai Kɛ́-mɛni-ŋai 28:10

Dí sama-sɛŋ támaa tɛ̀ɛ kúpɔ. Tãi kú kɛ̀ kulâi la naai, dí sɛŋ kélee pu géleŋ su kúmɛni ma, nyíi-ŋai kú kɛ̀ ŋ̀wɛ̂lii.

Zia-ƃelai Kɛ́-mɛni-ŋai 8:8

Lii-nɛ̃ɛ kɛ́tɛ è kɛ̀ daai tí su.

Lomaŋ 10:15

Ǹyaŋ nûa da Ɣâla-woo ƃò leŋ, à kɛ̀ dífe dítɛɛ ni? Yɛ̂ɛ berei bɔ̃yɛɛ̂i lai, “Diai da Duŋ Lɛ́lɛɛi taa-taai dítuɛ ponoɔ̂i!”

Lomaŋ 16:2

a gɛ́ɛ ka káyee see mù Kúnuu-namui kponôi yɛ̂ɛ berei Ɣâla-ƃela da gɛ̀ lai. Ka kpɔŋ-mâa tɛɛ bɔ mɛni kélee su a ŋ̀wɛli káyêei. Kpɛ́ni fêi, a kpɔŋ-mâa tɛɛ núu támaa pɔ, a kpɔŋ mâa tɛɛ ḿbɔ máŋ.

Kɔleŋtiɛŋ Maa-ŋuŋ 16:10

Temete à pà, ka gáa a gɛ́ɛ ve yao, é kɛ́ kásama, kpɛ́ni fêi, gáa Kúnuu-namui ŋɔtíi kɛ̂i yɛ̂ɛ ńyãa.

Kɔleŋtiɛŋ Maa-ŋuŋ 16:18

Kpɛ́ni fêi, dí ŋámɔ̂leŋ ŋá nɛ̀nɛ yɛ̂ɛ káwɔ̂i máŋ. Ka ƃaa kɛ́-maa tɛ́ɛ ǹûa sii-ŋai tí pɔ́.

Kɔleŋtiɛŋ Veerɛi 10:18

Kpɛ́ni fêi, ǹúui Kúnuu-namui a ǹyée sèe mui va gbîŋ lɛ̀, kɛ́lɛ, Kúnuu-namui ƃa maa-nuui lɛ̂.

Kɔleŋtiɛŋ Veerɛi 7:2

Ka kálii láa ƃó kûɛ. Kúfe niî mɛni nyɔ́mɔɔ kɛ́ ni a núu da, kúfe niî núu da líi sóli ni, kúfe niî núu da mɔ̃lɛ ni.

Felepiɛŋ 2:28

Mɛni ma ŋa ŋ̀wɛ̂lii kpɔ́ a gɛ́ɛ ŋa dɛɛ a gɛ́ɛ kà gàa ka lii-nɛ̃ɛ kula ŋɔ́nɔ, a gɛ́ɛ ŋɔ́nɔ ńii fé sɛlɛŋ a dámaa.

Kolasiɛŋ 4:10

Arisitakɔ nyíi gáa a ḿarâŋ-kpini pɛrɛ mu nuui è fàa kâa. Mâki máŋ nyíi gáa a Banaba ǹêɣei è fàa kâa (nyíi ŋa wɔ́lɔ maa-mɛni ƃo kâai, à pà kápɔ naa, ka káyêei see mu).

Tɛsɛlôniɛŋ Maa-ŋuŋ 5:12

Ŋánûa, kwa kákpera fêi a gɛ́ɛ ká ƃaa kɛ́-maa tɛɛ díi-kɛ-ƃelai pɔ́ kásama, nyíi-ŋai díkaa kamɛi Kúnuu-namui kponôi, díkɛ kália-woo ƃoi.

Temete Maa-ŋuŋ 5:17

Ǹúu-pɔlɔ-ŋai nyíi-ŋai díkaa a nuu-tuɛ-ƃela lɛ́lɛɛ-ŋai, maa nɛ̃ɛ̂i a gɛ́ɛ ƃaa kɛ́-maa támaa é lí dípɔ, é tela kɛ́ kpɔ́ a diai dítii ƃa Ɣâla-woo-ƃoɔɔ da sɛŋ-lɛɛi.

Ibulu 13:17

Ka kátuɛ-ƃelai wóo mɛni ká kɛ́ dímu. Kpɛ́ni fêi, díkaa kámɔlêŋ mɛi kâai yɛ̂ɛ ǹûai fɛ̂ɛ dí díkoraŋ ƃoi. Tɔɔ dí gɛ́ a lii-nɛ̃ɛ, dífe gɛ a lii-too pôlu, kpɛ́ni fêi, à kɛ̀ da kɛ̀ a lii-too pôlu, gɛ̀ ní káfe pâi mɛni lɛ́lɛɛ kulâi zu.

Zɔ̂ŋ Zaaƃai 1:10

Mɛni ma ŋà pà, m̀ɛnii gáa gɛ̂i ŋa pâi maa-mɛni toôi ǹûai kíli ŋá. Gáa tɔɔ̂i kûa a wóo nyɔ́mɔɔ-ŋa. Nyíti fa ǹíi làa, va fâa ma ǹyaa kpîŋ a gɛɛ é ǹyée sée kúƃarâai mu. Diai da ŋ̀wɛ̂li dí díyee sée dímui, a díkpèra é díkula Kôrai-toli-kpɔŋ su.