Felepiɛŋ 2:26 - Ŋ̀âla Kɔlɔ Maa Waai

²⁶ Kpɛ́ni fêi, è kɛ̀ ŋ̀wɛ̂lii é kákelee kákaa kpɔ́ a maa félaa, ǹyaŋ mɛni-kpɔ̂lu è kùla ma, kpɛ́ni fêi, ká mɛ̀ni a gɛ́ɛ è kɛ̀ kɔ́lɛ̂i.

Felepiɛŋ 2:26 ပူးပေါင်းရင်းမြစ်များ

Samia Veerɛi 13:39

Deeƃé kɛ́ɛ ǹíi ŋáa a yèŋ Amɔŋ paa mɛni mai, è kɛ̀ ŋ̀wɛ̂lii a gɛ́ɛ é Asalɔŋ káa.

Samia Veerɛi 24:17

Deeƃé kɛ́ɛ a ŋ̀âla-taa kelai káa pâi ǹûai su-kara mɛni mai, è mò Yâwɛɛ ma ǹyɛɛi, “Gáa, ŋa sɔnyɔ̂ŋ kɛ́ a yá. Ńyãa ƃé zɔnyɔ̂ŋ kɛ̀. Ǹûai ŋí díwɔ̂ sɔnyɔ̂ŋ ƃa lé? Dí lɛ̀ɛ nɔ́ ḿbôlu yɛ̂ɛ ƃála-ŋa da lɛ̀ɛ ƃála mɛi káa nuu pôlu. Ŋa íkpera fêi a gɛ́ɛ í íyee síɣe dímɛi. Ŋ́gula maa kɛ́ kwa ŋánûai.”

Zôo 9:27

Ɣâla, à kɛ̀ ŋa kpèra mɛni saâi yâ, ŋa pâi ŋ́ɛi ponôi íperêi a lii-nɛ̃ɛ.

Wule-woo-ŋa 69:20

Larâŋ a ńii kara-kara ŋ́goi. Ńii a too pôlu. Ŋa maloŋ kâa kɔ̂rii, kɛ́lɛ fa gàa, ŋ́gɛ nûa kɔ̀ri a gɛɛ dí kɛ́ a ŋáa nɛnɛ-ƃela, kɛ́lɛ fa dɔnɔ kpîŋ sɔlɔ ƃô.

Táre-woo-ŋa 12:25

Lii-sɛlɛŋ a núu ŋɔlii-nɛ̃ɛi su kàra, kɛ́lɛ wóo lɛ́lɛɛ a núu líi nɛ̃ɛ.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi laa maa tɛ̂ yokpo tôo dîa. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Maafîu 11:28

Ka pá ḿbɔ, káai kélee ka mɔ̃lɛ̂i, da káai tĩa wuyɛ káa káyêei. Ǹyaŋ ŋa pâi fii-tɔɔ tɛɛ̂i kápɔ.

Maafîu 26:37

È lì a Pitɛ è pɛlɛ Zɛƃɛdi ǹóŋ-surɔŋ feerɛi ma. Nya ƃe malôŋ è pɛ̀lɛ toôi ma, ǹíi kɛ́ kɔ́-kɔ.

Zia-ƃelai Kɛ́-mɛni-ŋai 21:13

Kɛ́lɛ Pɔ̂ɔ è kúwoo su too, ǹyɛɛi, “Lé ƃé kákaa wɔ̂lɔi kákɛ ńii solii? Ŋ́gbîŋ fé kpɛtɛ ní nɔ́ a gɛ́ɛ dí ŋíri, kɛ́lɛ, ŋ́gbîŋ kpɛtɛ̂ɛi a gɛ́ɛ máŋ ŋá sáa Zerusâlɛŋ Kúnuu-namui Zîsɛ láai mɛni ma.”

Lomaŋ 1:11

Kpɛ́ni fêi, ŋa ŋ̀wɛ̂lii kpɔ́ a gɛ́ɛ ŋá kákaa a gɛ́ɛ ŋa M̀ɔlêŋ ŋɔsama-sɛŋ da tɛɛ kápɔ kákponôi é kpanaŋ.

Lomaŋ 12:15

Ka lii-nɛ̃ɛ kula ka diai da lii-nɛ̃ɛ kùlai. Ka wɔ́lɔ ka diai da wɔ́lɔ̂i.

Lomaŋ 9:2

a gɛ́ɛ malôŋ támaa toɔɔ̂i mâ, lii-soli kɛ́ ƃo ńii su nyíi ve pâi wɔ́lɔ kperâi.

Kɔleŋtiɛŋ Maa-ŋuŋ 12:26

A kɛ̀ gbonoi woŋo-ŋai dɔnɔ à mɛni-soli kàa, gélee a mɛni-soli káa gîe ma. A kɛ̀ dɔnɔ a ƃaa kɛ́-maa sɔlɔ ƃô, gélee a lii-nɛ̃ɛ kula gîe ma.

Kɔleŋtiɛŋ Veerɛi 9:14

Káwɛli káa díkɛ̂i, díkɛ Ɣâla fɛli kámɛni ma Ɣâla ŋɔƃɛlɛ-sêe kɛ́tɛi kákponôi mɛni ma.

Galesiɛŋ 6:2

Ka kákîe-ni díkpîri wuyɛɛ-ŋai síɣe, a gɛ́ɛ ká Kôrai ŋɔtɔ̂ŋ ŋ̀aa-see kɛ́.

Ifisiɛŋ 3:13

Mɛni ma ŋa kámarê kɛ̂i a gɛ́ɛ káfii fé kpɛ̀ɛ ŋámɛni-soli-kaai ma kámɛni ma, nyíi gáa a káfolo-laai.

Felepiɛŋ 1:3

Tãi kámaa-mɛni a tôo la ŋ́gili ŋái, ŋa sɛɣɛi-fei tɛ̀ɛ Ŋáɣâlai pɔ.

Felepiɛŋ 1:8

Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Felepiɛŋ 2:25

Ŋa ŋ́gili ŋá sía ŋa gáa a gɛ́ɛ ǹɛ́lɛɛ̂i ŋa Ipafulɔditɔ tɛɛ kápɔ naa. Gáa a ḿarâŋ nuu, gɛ ƃo a ḿarâŋ tii-kɛ-nuu. Gáa ŋɔ́nɔ a ḿarâŋ-kɔkuluƃa. Gáa a kákela da ŋákpɔŋ-mâa-nuu.

Felepiɛŋ 2:27

Tɔ̃yâ ma è kɛ̀ kɔ́lɛ̂i. È kɛ̀ pâi saâi. Kɛ́lɛ, Ɣâla è m̀alôŋ kàa. Ǹyaa tɔnɔ nɔ́ fei, kɛ́lɛ, è ḿalôŋ kàa ńyãa máŋ a gɛ́ɛ malôŋ támaa fé tôo má.

Felepiɛŋ 4:1

Mɛni ma, ŋánûa, káai ŋa káwɛli ni, ŋ́gɛ ŋ̀wɛli a gɛ́ɛ ŋá kákaâi, ŋálii-nɛ̃ɛi da ŋákâloŋ-bɔrɔi, ka tɔɔ a gbanaŋɔɔ Kúnuu-namui kponôi, ŋáwɛli-kɛ-maa-ƃelai.

Pitɛ Maa-ŋuŋ 1:6

Ka lii-nɛ̃ɛ kula nyíŋi sú. Berei máŋ nàa kuro à kɛ̀ tí, ka pâi mɛni-soli kâai su-kɔɔ̂ŋ sii támaa sui,