Felepiɛŋ 2:25 - Ŋ̀âla Kɔlɔ Maa Waai

²⁵ Ŋa ŋ́gili ŋá sía ŋa gáa a gɛ́ɛ ǹɛ́lɛɛ̂i ŋa Ipafulɔditɔ tɛɛ kápɔ naa. Gáa a ḿarâŋ nuu, gɛ ƃo a ḿarâŋ tii-kɛ-nuu. Gáa ŋɔ́nɔ a ḿarâŋ-kɔkuluƃa. Gáa a kákela da ŋákpɔŋ-mâa-nuu.

Felepiɛŋ 2:25 ပူးပေါင်းရင်းမြစ်များ

Táre-woo-ŋa 25:13

Tɔ̃yâ-worɛ-woo ƃó-nuu a ŋ̀orɛ̂-woo tɛɛ-nuui líi làa, yɛ̂ɛ berei ya lâɣi a tíi-kpanaŋ kɛ́-nuu líi làa lai.

Zɔ̂ŋ 13:16

Tɔ̃yâ kpîŋ, ŋá m̀ó kâa, yée-mu-nuu fe tɛɛ ni ŋɔnuu-namui ma; kpaa máŋ ǹúui da dɛɛi dɛɛ ŋɔtɛɛ-nuui ma.

Zɔ̂ŋ 17:18

Yɛ̂ɛ berei í ńdɛ̀ɛ la ǹɔii sui, bere nɔ ƃe ŋa dítɛɛ la ǹɔii su.

Lomaŋ 16:3

Ka kála ti Purisela ma da Akoila, nyíi-ŋai díkaa a ḿarâa-tii kɛ-ƃela Kôrai kponôi,

Lomaŋ 16:9

Ka kála tí Ɔɔbânɔ ma, nyíi gáa a kúƃarâŋ-tii kɛ-nuu Kôrai kponôi da ŋáwɛli-kɛ-maa-nuui Siteezi.

Kɔleŋtiɛŋ Maa-ŋuŋ 3:9

Kpɛ́ni fêi, kúkaa a Ɣâla ŋɔtii-kɛ-ƃela gîe ma. Kákaa a Ɣâla ŋɔkpâlaŋ, ká ƃò a ŋɔpɛ́rɛ.

Kɔleŋtiɛŋ Veerɛi 2:13

kɛ́lɛ, ńii fe kɛ́ ni a ǹáa, kpɛ́ni fêi, fé ḿarâŋ Taitɔ káa ni naa. Mɛni ma ŋá dílɛ̀ɛ naa ŋa li Masadonia.

Felepiɛŋ 2:26

Kpɛ́ni fêi, è kɛ̀ ŋ̀wɛ̂lii é kákelee kákaa kpɔ́ a maa félaa, ǹyaŋ mɛni-kpɔ̂lu è kùla ma, kpɛ́ni fêi, ká mɛ̀ni a gɛ́ɛ è kɛ̀ kɔ́lɛ̂i.

Felepiɛŋ 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.

Felepiɛŋ 4:3

Ŋa ímarê kɛ̂i máŋ Sizigɔ, yái íkaa a tɔ̃yâ-nuu. Kpɔŋ nɛni-ŋai ŋí dîa, kpɛ́ni fêi, kwa dîa-ni kwa tíi kɛ̀ Duŋ Lɛ́lɛɛi su, é pɛlɛ Kilɛmɛ ma da marâa-tii-kɛ-ƃelai kpeli-ŋai, nyíi-ŋai dílaa káa vulu-laa-kɔlɔi sui.

Kolasiɛŋ 1:7

yɛ̂ɛ berei Ɛpafɔlɛ è nɛ̀ la kâai, nyíi gáa a kúƃarâŋ-wɛli-kɛ́-maa yée-mu-nuui. Gáa a Kôrai ŋɔtii-kɛ-nuu sãa kúpɔɔ ŋá.

Kolasiɛŋ 4:11

Zîsɛ nyíi da kɛ̂ ma Zɔsitɔi, è fàa kâa máŋ. Ǹûai ŋí nɔ́ ƃe díkaa a Zûu-Korai-ƃela ḿarâa-tii-kɛ ƃelai sama Ŋ̀âla-taa kâloŋ-laai mɛni ma, nyíi-ŋai da wɔ́lɔ kɛ́ a ŋá-nɛnɛ-ƃelai.

Tɛsɛlôniɛŋ Maa-ŋuŋ 3:2

Kú kúƃarâŋ Temete tɛ̀ɛ, nyíi gáa a Ɣâla yée-mu-nuu Kôrai ŋɔtuŋ lɛ́lɛɛi ƃó mɛni mai. Kú dɛ̀ɛ a gɛ́ɛ é kálaa-lai kpanaŋ é kália-woo ƃo

Falemɔŋ 1:24

Mâki ǹyaa máŋ, Arisitakɔ, Diima, da Lûu, nyíi-ŋai díkaa a ḿarâŋ tii-kɛ-ƃelai, dí fàa yâ.

Ibulu 3:1

Mɛni ma, m̀arâa maa waa-ŋai, káai kwa kâa-ni kú ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.