Felepiɛŋ 2:2 - Ŋ̀âla Kɔlɔ Maa Waai

² ka ŋálii-nɛ̃ɛi lá fɛ́ɛ a kili-ŋa-sia tɔnɔ, wɛli-kɛ-maa tɔnɔ, a gɛ́ɛ ká kɛ́ zu tɔnɔɔ kili-ŋa-sia tɔnɔ é kɛ́ káyêei.

Felepiɛŋ 2:2 ပူးပေါင်းရင်းမြစ်များ

Wule-woo-ŋa 122:8

Ŋ́gaayɔɔ-ŋai da ǹâoi-ni mɛni ma, ŋa m̀ôi Zerusâlɛŋ ma, “Lii-see é kɛ́ yâ.”

Zɔ̂ŋ 3:29

Ǹúui nyii nɛnî káa ǹyêei, ǹyaa ƃe gáa a nɛnî-kula-nuui. Ǹɛnî-kula-nuui ǹaoi nyii a tɔɔ̂ni, gɛ ŋ̀óo mɛni, nɛnî-kula-nuui wóo a ǹíi nɛ̀ɛ a dámaa. À kɛ̀ ti, gɛ̀ ní, ŋálii-nɛɛi ŋi lá a nâa fɛɛ.

Zia-ƃelai Kɛ́-mɛni-ŋai 1:14

Ǹûai ŋí kélee díkɛ̀ zu tɔnɔɔ dí díkpîŋ pu Ɣâla fɛliɛ su, da nɛyâai, Zîsɛ ǹee Mere da ǹêɣe-sinaâi.

Zia-ƃelai Kɛ́-mɛni-ŋai 2:1

Pɛŋtekɔ ɣelei seriɛɛi, ǹaa-la-ƃelai kélee díkɛ̀ a díŋaa tɛ́ɛ gîe ma kwaa tɔnɔ ma.

Zia-ƃelai Kɛ́-mɛni-ŋai 2:46

Ǹaa-la-ƃelai díkɛ̀ liî Ŋ̀âla-pɛrɛ kɛ́tɛi mu gîe ma. Dímii-sãai kélee è kɛ̀ nɔ́ gîe ma. Da kâa dílaa mii gîe ma a lii-nɛ̃ɛ da lii-lɛlɛ.

Zia-ƃelai Kɛ́-mɛni-ŋai 5:12

Zia-ƃelai dí ŋɛi-kɛ-maa támaa da mɛni kpaya-kpaya-ŋa kɛ̀ ǹûai ŋɛ́i. Díkelee dí kɛ̀ zu tɔnɔɔ Saloma ŋɔkâlai ŋá.

Lomaŋ 12:16

Ka tûa a kákîe-ni a ǹɛ́lɛɛ; káfè kɛ̀ a su-mɛni-kɛtɛ-ƃela, ka ŋa-yeŋ-ƃela ka kɛ́ kákîe-ni pôlu. Káfe kákpîŋ kɛ̀tɛ.

Kɔleŋtiɛŋ Maa-ŋuŋ 1:10

Ŋánûa, ŋa kákpera fêi Kúnuu-namui Zîsɛ Kôrai láai su a gɛ́ɛ kákelee ka fáa a gɛ́ɛ káfè kɛ̀ a káŋa kɔlɛɛ, kɛ́lɛ, ka kɛ́ zu tɔnɔɔ gili-ŋa-sia tɔnɔi su da m̀ɛni-ŋa-teɛɛ tɔnɔi.

Kɔleŋtiɛŋ Veerɛi 13:11

Gbɛɛ ŋái, ŋánûa, káɣele-wulii. Ka kátûa-perei pɛ́ŋ pɛ́lɛ, ká káwoli tɔ̂ɔ m̀ɛnii ŋí ma ŋa môi kâai, ka káwoo kɛ́ zu tɔnɔɔ, ká kɛ́ lii-sêe su, gɛ̀ ní ŋwɛli-kɛ-maa da nii-see-Ɣalai a pâi kɛ̂i kákɔlɛ.

Kɔleŋtiɛŋ Veerɛi 2:3

Ŋá nyíŋi pɔ̃yɛ a gɛ́ɛ tãi ŋá pà lai, káai ka pɔ̂ri ŋ́gɛ̂i ńii é nɛ̃ɛi, káfe ńii tòo pôlu, kpɛ́ni fêi, ńaâi kpɔ́ a kákelee a ǹɛ́lɛɛ a gɛ́ɛ ŋálii-nɛ̃ɛi a pɔ̂ri kɛ̂i a kákelee kálii-nɛ̃ɛ.

Kɔleŋtiɛŋ Veerɛi 7:7

Taitɔ páa maa-mɛni tɔnɔ nɔ́ fei, kɛ́lɛ, ŋ̀a-nɛnɛi máŋ ká dɛ̀ɛ bɔ́i mɛni ƃe, yɛ̂ɛ berei è mò la kûa berei ká kɛ̀ ŋ̀wɛ̂lii la ká ŋ́gaa, berei ká kɛ̀ wɔ́lɔ̂i la ḿaa-mɛni mai, da berei ká ŋ́wɛli ni lai, a gɛ́ɛ ŋá lii-nɛ̃ɛ kula a zu kɛ́tɛ.

Felepiɛŋ 1:4

Tãi kélee ŋà Ɣâla fɛ̀li la kákelee kámɛni mai, ŋa vɛ̀li a lii-nɛ̃ɛ.

Felepiɛŋ 2:16

Ka vulu-laa-wooi sóŋ a gbanaŋɔɔ, a gɛ́ɛ tãi Kôrai ŋɔɣelei a seri lai, ŋá kɛ́ a ńii nɛ̃ɛ a gɛ́ɛ fé kîrɛ sìɣe ni kpɛni, kpaa máŋ fé tíi kɛ́ ni kpɛni.

Felepiɛŋ 2:20

Núu da fé ńyêei é kɛ́ yɛ̂ɛ ǹyaa, nyíi gbaaŋɔɔ̂i kámɛni ma kpɔ́ a tɔ̃yâi.

Felepiɛŋ 4:2

Ŋa Yuwôdia da Siŋtake kpera fe a gɛ́ɛ díwoo é kɛ́ zu tɔnɔɔ Kúnuu-namui kponôi.

Kolasiɛŋ 2:5

Berei máŋ ŋ́gbono fé la kákɔlɛi, ŋ́gaa kákɔlɛ ŋámɔlêŋ su. Ńii nɛ̃ɛ̂i a gɛ́ɛ ŋa kákaa kakɛ tíi kɛ̀ gîe ma kálaa-lai su kpanaŋɔɔ Kôrai kponôi.

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Temete Veerɛi 1:4

Íŋɛi-yai maa-mɛni à tòo ŋ́gili ŋa, ŋa ŋ̀wɛli a kpini da folo a gɛ́ɛ ŋá íkaa a gɛ́ɛ ńaa é fɛ́ɛ a lii-nɛ̃ɛ.

Falemɔŋ 1:20

Ooei, ḿarâŋ, ŋa mɛni lɛ́lɛɛ wɛ̂lii íyeêi Kúnuu-namui kponôi. Ŋ́gɛ ŋ́gbonôi é kpanaŋ Kôrai kponôi.

Zɔ̂ŋ Veerɛi 1:4

Ńii è nɛ̃ɛ a ŋ̀ánaa a gɛɛ ŋá ílônii da-ni káa díkɛ pîlaŋ dɔ̃yâi pôlu, yɛ̂ɛ berei nɔ́ Nàŋ-nuui è mò la kûai.

Zɔ̂ŋ Zaaƃai 1:4

Lii-nɛ̃ɛ kɛ́tɛ da fé ńyêei é tɛ́ɛ nyíŋi ma a gɛɛ ŋá mɛni a gɛɛ ńônii díkaa dɔ̃yâi pôlu.