Felepiɛŋ 2:17 - Ŋ̀âla Kɔlɔ Maa Waai

¹⁷ À kɛ̀ máŋ da ŋ́ãa pù zâla-sɛŋ ma nyíi gáa a kálaa-lai da kátii kɛ́ɛ Ɣâla mɛni mai, ńii nɛ̃ɛ̂i kwa kâa-ni kú kɛ́ lii-nɛ̃ɛ kula kúkelee.

Felepiɛŋ 2:17 ပူးပေါင်းရင်းမြစ်များ

Nɔŋba 28:6

Gáa a ɣele kélee mii-sɛŋ sala nyii gáa a kéreŋ-sala kúŋ nɛ̃ɛ Yâwɛɛ mɛni ma, nyii ká gùla Sana Yeei ma a maa-ŋuŋ.

Nɔŋba 28:7

Fɛ̂ɛ í ŋwãai pãi feerɛ kúla máŋ a kpele-sɛŋ sala ŋ̀âla-teƃelei lá mu Yâwɛɛ mɛni ma a m̀ála-salai maa-ŋuŋ kula-tãi.

Zia-ƃelai Kɛ́-mɛni-ŋai 20:24

Kɛ́lɛ, mɛni-ŋai ŋí dɔnɔ kpîŋ fa ńii sɛ̀lɛŋ, kpaa máŋ ŋá ŋáfulu-laai siɣe a gbanaŋɔɔ ŋ́gbîŋ mɛni ma. Fɛ̂ɛ nɔ́ ŋa Ɣâla ŋɔtíi kpɛ́ɛ nyíi ŋa zɔlɔ ƃo Kúnuu-namui Zîsɛ yêei, a gɛ́ɛ ŋa Ɣâla ŋɔƃɛlɛ-seei maa tuŋ lɛ́lɛɛi maa sêre-faa kɛ́.

Zia-ƃelai Kɛ́-mɛni-ŋai 21:13

Kɛ́lɛ Pɔ̂ɔ è kúwoo su too, ǹyɛɛi, “Lé ƃé kákaa wɔ̂lɔi kákɛ ńii solii? Ŋ́gbîŋ fé kpɛtɛ ní nɔ́ a gɛ́ɛ dí ŋíri, kɛ́lɛ, ŋ́gbîŋ kpɛtɛ̂ɛi a gɛ́ɛ máŋ ŋá sáa Zerusâlɛŋ Kúnuu-namui Zîsɛ láai mɛni ma.”

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Lomaŋ 15:16

a gɛ́ɛ ŋá kɛ́ a Zîsɛ Kôrai ŋɔtii-kɛ-nuu Zɛ̃tai-ŋai dîɛ. Ŋa tíi kɛ̀ Zɛ̃tai-ŋai dîɛ yɛ̂ɛ Ɣâla ŋɔsâla láa soŋ nuui ŋɔtuŋ lɛ́lɛɛi mɛni ma a gɛ́ɛ Ɣâla e ǹyée see dímu yɛ̂ɛ sâla-sãa nyíi-ŋai M̀ɔlêŋ Maa Waai a dímaa wáai.

Kɔleŋtiɛŋ Veerɛi 12:15

Ŋa pâi ńyee ŋá-sɛŋ kélee kɔlɛɛ̂i a lii-nɛ̃ɛ ŋá ŋ́gbîŋ kɔlɛ kámɔlêŋ mɛni ma. À kɛ̀ wɛli-kɛ-maa támaa káa ńyêei kámɛni ma, wɛli-kɛ-maa-loŋ a pâi kɛ̂i káyêei ḿɛni ma?

Kɔleŋtiɛŋ Veerɛi 4:12

Mɛni ma saa káa tíi kɛ̂i kúkponôi, kɛ́lɛ, fulu-laa káa tíi kɛ̂i kákponôi máŋ.

Kɔleŋtiɛŋ Veerɛi 6:10

yɛ̂ɛ maloŋ-too-maa, berei máŋ kúkaa lii-nɛ̃ɛ kulâi la a tãi kélee; yɛ̂ɛ kôlo-ƃela, berei máŋ kwa núu támaa tɔɔ̂i lai; yɛ̂ɛ nûa ƃe sɛŋ fé díyêei, berei máŋ sɛŋ kélee káa la a kúpɔɔi.

Kɔleŋtiɛŋ Veerɛi 7:4

Náâi a káa kpɔ́ a ŋ̀ánaa. Ńii nɛ̃ɛ̂i kámɛni ma kpɔ́ a ŋ̀ánaa. Ńii láa fɛɛ̂i a ŋa-nɛnɛ. Kúmɛni-kpɔ̂lui kélee su, ńii nɛ̃ɛ̂i kpɔ́ a ŋ̀ánaa.

Felepiɛŋ 1:20

yɛ̂ɛ berei ŋátɔ̃yâ-maa-kpɛŋ káa la da gili-kɛ-zui gáa ǹyêei a gɛ́ɛ fé pâi ŋumɛ̂i mɛni kélee ma, kɛ́lɛ, lii-kpele támaa a pâi nâa kɛ̂i ńyêei, yɛ̂ɛ berei è wɔ́lɔ kɛ̀ la ńyêei, a gɛ́ɛ ŋa pâi ƃaa kɛ́-maa tɛɛ̂i Kôrai pɔ, à nɛ̃ɛ ma máŋ ŋá kɛ́ a ḿvulu kpaa máŋ ŋá sáa.

Felepiɛŋ 2:18

Bere nɔ́ ƃe fɛ̂ɛ káa máŋ kálii é nɛ̃ɛ la kwa kâa-ni kú lii-nɛ̃ɛ kula.

Felepiɛŋ 2:30

Kpɛ́ni fêi, è kɛ̀ pâi saâi Kôrai ŋɔtíi mɛni ma. È ǹɛ̃wo see a sɛɣɛ a gɛ́ɛ é kákpɔŋ-mâai láa fɛ́ɛ ḿɛni ma.

Felepiɛŋ 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.

Kolasiɛŋ 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa m̀ɛni-solii ŋí ŋ̀aa-see kɛ̂i a ŋ́gbono. Kôrai è m̀ɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Tɛsɛlôniɛŋ Maa-ŋuŋ 2:8

Mɛni ma kú káwɛ̀li kpɔ́ a ŋ̀ánaa, mɛni ƃe kúfe Ɣâla ŋɔtuŋ lɛ́lɛɛi tɛɛ ni la nɔ́ kápɔ, kɛ́lɛ, kú kúkpîŋ tɛ̀ɛ máŋ kápɔ, kpɛ́ni fêi, ká kɛ̀ a kúwɛli-kɛ-maa ƃela kpanaŋɔɔ-ŋa.

Temete Veerɛi 4:6

Kpɛ́ni fêi, da nâa kɛ́ pâi ŋ́gulâi a sâla. Ŋá tãi a nâa seri.

Pitɛ Maa-ŋuŋ 2:5

Ka kákpîŋ tɔ̀ɔ a Mɔlêŋ ŋɔpɛ́rɛ yɛ̂ɛ fúlu-laa kɔni-ŋa. Ka kɛ́ a sâla láa soŋ-ƃela. Ka Mɔlêŋ ŋɔsâlai kúla Zîsɛ Kôrai sarâi nyíi a Ɣâla líi làai.

Zɔ̂ŋ Maa-ŋuŋ 3:16

Nyíŋi ƃe kwa wɛli-kɛ-maa kɔ̂lɔŋ ma a gɛɛ è ŋɔfúlu-laai lâa kúmɛni ma. Ǹyaŋ fɛ̂ɛ kú kúfulu-laai láa ǹûai mɛni ma.