Felepiɛŋ 2:15 - Ŋ̀âla Kɔlɔ Maa Waai

¹⁵ a gɛ́ɛ kásɔŋ fè kɛ̀ kâa kámaa é waa, kákɛ a Ɣâla ǹônii nyíi-ŋai dísɔŋ fé diai, tãi kákaa la ŋulu-ƃelai da moo-ƃelai sama, nyíi-ŋai ka fôlo dísama yɛ̂ɛ kwaa-ponoɔɔ ŋ̀éniɛi sui.

Felepiɛŋ 2:15 ပူးပေါင်းရင်းမြစ်များ

Wule-woo-ŋa 122:5

Ƃɛ́ ŋí ƃé Eezuɛ kaloŋ-ŋai, da sêe naa díkɛ dínûai dímɛnii ŋá tèe.

Ɛsedɔ 34:35

Eezuɛ-ŋai dí Mose ŋɛ́i kàa gɛ́ fòlo. Mose è ŋ̀ɛ́i mɛi pɛlɛ ŋɔ́nɔ a zeɣei é lɛ́ɛ la zu é lí Yâwɛɛ ŋɛ́i-tuɛ a gɛɛ é lóno bɔ́.

Táre-woo-ŋa 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Táre-woo-ŋa 8:8

M̀ɛnii kélee ŋa mòi, zãâi. Wôya-mɛni fé zu kpaa máŋ núu pɛlɛ mɛ̂ni.

Azaya 60:1

Zerusâlɛŋ, ímu-siɣe í fólo yɛ̂ɛ vóloi. Yâwɛɛ ŋɔkwaa ponoɔɔi a ímaa pono.

Danîa 6:4

M̀ɛnii ŋí è gɛ̀ ǹûai ŋí dí tɔ́ɔ Danîa ma. Dí pere sîi támaa kɔ̀ri a gɛɛ dí gɛ̀ líi nyɔ́mɔɔ é pá gâloŋ líi su Danîa mɛni ma, kɛ́lɛ dífe pɔ̂ri ní. Dífe wôya mɛni da kélee káa ní gbonôi. Tɔ̃yâ mɛni támaa è kɛ̀ gbonôi, gɛ́ ŋɔtíi-ŋai kɛ̀ a ǹɛ́lɛɛ.

Maafîu 10:16

“Ka gáa, ŋa kátɛɛ̂i yɛ̂ɛ ƃála-ŋa ƃe díkaa kɔ́li-saŋ su. M̀ɛni ma, ka kɛ́ a kátareɛ yɛ̂ɛ kali, ka ƃo a kálii lɛ́lɛɛ yɛ̂ɛ tòloŋ.

Maafîu 17:17

Nya ƃe Zîsɛ è ŋ̀óo su tòo, ǹyɛɛi, “Óo ŋ̀éniɛi ŋí su-ƃelai, laa-la fé káyêei, kálii su fé sãa ni. Fɛ̂ɛ ŋá kɛ́ kákɔlɛ a tãi ɣɛɛlu? Fɛ̂ɛ ŋá ńii kpéle káyêei a tãi ɣɛɛlu? Ka pá la ḿbɔ ƃɛ.”

Maafîu 5:45

a gɛɛ kákɛ a Kánâŋ nyii gáa Ɣâla-taai ǹônii. Kpɛ́ni fêi, a voloi kɛ̀ é tóo sɔnyɔ̂ŋ-ƃela da tɔ̃yâ-ƃela dîa. É dunai tɛ́ɛ dɔ̃yâ-ƃelai da ŋôya-ƃelai dîɛ.

Maafîu 5:48

Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa Naŋ láa fɛɛ̂i la a wɛli-kɛ-maai.

Lûu 1:6

Dífeerɛ dí kɛ̀ a dísɔŋ lɛ́lɛɛ Ɣâla ŋɛi. Dí kɛ̀ Kúnuu-namui ŋɔtɔ̂ŋ da ŋɔlia-woo kpanaŋ-ŋai kélee mɛi kâai, pɔara mɛni ma fé zu.

Lûu 6:35

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Zɔ̂ŋ 5:35

È kɛ̀ a laŋpoi nyii kɛ̀ lênii gɛ folo. Ǹyaŋ ká fàa a gɛɛ ka ŋɔkwaa-ponoɔi wɛli-kula a guro.

Zia-ƃelai Kɛ́-mɛni-ŋai 2:40

È lòno dípɔ a wóo da kpɛ́ni támaa. È sêre-faa kɛ̀ kpɔ́ díŋɛi é dímaa tɛ́, ǹyɛɛ diai, “Ka kákpîŋ ƃálo ká kúla ŋ̀ulu-ƃelai ŋí yêei.”

Zia-ƃelai Kɛ́-mɛni-ŋai 20:30

káa kpîŋ kásama máŋ nûa da pâi kulâi naa díkɛ lɛ́ɛ mɛni-ŋa ƃo a gɛ́ɛ dí dípôlu-ƃela kɛ́ ma.

Lomaŋ 16:19

Kpɛ́ni fêi, berei máŋ núu kélee dí gɔ́lɔŋ la a gɛ́ɛ woo-mɛni káa káyêei, ǹyaŋ ńii nɛ̃ɛ kámɛni mai, ŋa ŋ̀wɛ̂lii ka kɛ́ a kátareɛ mɛni lɛ́lɛɛ mɛni ma, káfè kɛ̀ a sɔnyɔ̂ŋ-mɛni kɔlɔŋɔɔ;

Kɔleŋtiɛŋ Maa-ŋuŋ 1:8

nyíi pâi kásonîi é lɛ́ɛ la zu gbɛɛ ŋái é pá a gɛ́ɛ ka sɔŋ fé lɛ́ɛ kâa Kúnuu-namui Zîsɛ Kôrai ŋɔɣelei mai.

Kɔleŋtiɛŋ Veerɛi 6:17

Kúnuu-namui a mò, ǹyɛɛ, mɛni ma kúkula díkɔlɛ ka kákpîŋ kɛ̂i kôyaa dia. Káfe lɛ̀ɣɛ sɛŋ nyíi kélee mâ m̀aa fé waa nii. Gɛ̀ ní ŋa pâi ńyee sêe kámu,

Ifisiɛŋ 5:27

a gɛ́ɛ é Kôrai-toli-kpɔŋ siɣe a ǹáa fɛɛ a fólo-laa, nyíi pɔ́ɔ fé mà, kpaa máŋ milîŋ, kpaa máŋ sɛŋ kélee yɛ̂ɛ nyiti-ŋai, a gɛ́ɛ é kɛ́ a maa waa, kpɔlɔ̂ŋ fé kɛ̀ ma.

Dutɛrɔnome 32:5

Nûa da wôya tua támaa kɛ́ la. Dítûa-pere nyɔ̂ŋ a gɛ́ dífe ŋɔ́nɔ a Yâwɛɛ ǹônii. Díkaa a wôya-ƃela. Díkaa a núu-sûu sɔŋ nyɔ́mɔɔ ŋá ŋánaa. Dítûa-pere fé sãa-ni.

Felepiɛŋ 1:10

a gɛ́ɛ ka pɔ̂ri mɛni lɛ́lɛɛ lɛ̂i, a gɛ́ɛ ŋɔ́nɔ kákɛ a kámaa waa kásɔŋ fé kɛ́ káa Kôrai ŋɔɣelei mɛni ma.

Felepiɛŋ 3:6

À kɛ̀ a ŋátii kɛ-pere su, ŋá kɛ̀ a Kôrai-toli-kpɔŋ kpɔara-nuu. À kɛ̀ a tɔ̃yâ laa-la yɛ̂ɛ berei dɔ̂ŋ káa lai, ńzɔŋ fe kɛ́ ni má.

Tɛsɛlôniɛŋ Maa-ŋuŋ 5:23

Nii-see-Ɣalai ǹyaa kpîŋ é kámaa wáa pere sii kélee su. Sɔnyɔ̂ŋ fé kɛ́ kámɔlêŋ mâ da kákponôi a Kúnuu-namui Zîsɛ Kôrai pá tãi.

Temete Maa-ŋuŋ 3:10

Tɔɔ dí disu kɔɔ̂ŋ máŋ dia fúlɔi. A kɛ̀ da díkpîŋ lɛ̀ a gɛ́ɛ sɔnyɔ̂ŋ fé dîa, gɛ̀ ní da pɔ̂ri kɛ̂i a díkɛŋ-ŋa.

Temete Maa-ŋuŋ 3:2

Fɛ̂ɛ Kôrai-toli-kpɔŋ ŋɔtii-mɛi-nuu é kɛ́ a ǹúui ǹáa lɛ́lɛɛ káa m̀arâa lá, nɛnî tɔnɔ nɔ́ kɛ́ ƃo ǹyêei, gɛ́ gbîŋ mɛi kâa, gíli ŋá ponoɔ, dûa-pere lɛ́lɛɛ, gɛ núu soŋ a ǹɛ́lɛɛ, sɛŋ-lɛ tare kɛ́ ƃo ǹyêei.

Temete Maa-ŋuŋ 5:14

Mɛni ma ŋa ŋ̀wɛ̂lii a gɛ́ɛ bɔɔ-nɛyaa nyíi-ŋai díkaa a nɛnî kpela-ŋai dí surɔ̂ŋ kula, dí nîa-pɛlɛɛ sɔlɔ ƃo, dí díkpîŋ pɛrɛ-ŋai mɛi káa, dífe tãi tɛɛ kúkpɔara-nuui pɔ a gɛ́ɛ é lóno nyɔ́mɔɔ kɛ́ é pîlaŋ kûa.

Temete Maa-ŋuŋ 5:20

À kɛ̀ a diai díkaa ŋ̀wɛ̂lii dí kɛ́ nɔ́ sɔnyɔ̂ŋ sui, lóno dîa ǹúui kélee ŋɛi a gɛ́ɛ ǹúu kpeli-ŋai dí yao.

Temete Maa-ŋuŋ 5:7

Nyíŋi ƃó, a gɛ́ɛ dílaa lɛ́lɛɛ é kɛ́ díƃarâai lá.

Taitɔ 1:6

Dí kɛ́ a ǹûai nyíi dísɔŋ fé diai. Dí nɛnî tɔnɔ-tɔnɔ kúla nɔ. Dí kɛ́ a ǹûai nyii-ŋai dínîa-pɛlɛɛi díkaa a laa-la-ƃela. Dífe kɛ̀ a nîa-pɛlɛɛ nyíi-ŋai nûa da mò a dílaa a tãi kélee a gɛɛ dísɔŋ nyɔ́mɔɔ̂i, woo-mɛni fé díyêei.

Taitɔ 2:10

Kpaa máŋ, dífe kɛ̀ a wôya-sɛŋ siɣe-ƃela. Kɛ́lɛ, fɛ̂ɛ dí díkpîŋ lɛ́ pere sii kélee su a gɛɛ díkaa a tɔ̃yâ-ƃela sãa-ŋa, a gɛɛ dí Kúƃalo-nuui Ɣâla ŋɔsɛŋ-lɛɛi maa ɣíri mɛni sii kélee su.

Taitɔ 2:15

Mɛni-ŋai ŋí ƃó, í dília-woo ƃó, í lóno kpɔ́ dípɔ a gbanaŋɔɔ a wala-wala-laa kélee. Ífe nɛ̀ɛ naa núu da é ŋ̀ɛ́i naɣîŋ ímɛi.

Ibulu 7:26

È kɛ̀ a mɛni lɛ́lɛɛ a gɛɛ fɛ̂ɛ sâla láa soŋ-nuu kɛ́ɛ ŋí é kɛ́ kúyêei, maa waa, zɔŋ fé mà, pɔ́ɔ fé mà, da sɔnyɔ̂ŋ-ƃela díŋa kɔlɛɛ, maa tɛɛ a gɛ́tɛ ŋelei mɛi.

Pitɛ Maa-ŋuŋ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi ta da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Pitɛ Maa-ŋuŋ 2:9

Kɛ́lɛ, kákaa a lɛ́-nuu suu, ka ƃo a sâla láa soŋ-nuu suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Pitɛ Veerɛi 3:14

Mɛni ma ŋáwɛli-kɛ-maa ƃelai, tãi ka zãâi ŋí maa kpɛnîi lai, ka kɔ́ a gbanaŋɔɔ a gɛɛ é kákaa lii-sêe sú kásɔŋ fé kɛ̀ kâa ŋ̀ɛi-tuɛ da mɛni nyɔ́mɔɔ kélee.

M̀ɛni-lɛɛi 2:5

Mɛni ƃe ya kula la bere sã́ai mâ, é lɛ́ɛ íkili ŋá í ílii pene í díi-ŋai kɛ́ í gɛ̀ a maa-ŋuŋ. À wàla kɛ́ tí, ŋa pâi pâi ŋa ílaŋpo-see-sɛŋ kúla dɔɔ̂i, é lɛ́ɛ la zu fɛ̂ɛ í ílii pene.

M̀ɛni-lɛɛi 3:9

Diai da kûla Sêtɔŋ ŋɔnúu-kpului su nyíi-ŋai da mò a gɛɛ díkaa a Zûu-ŋa, kɛ́lɛ, dífe lai, kɛ́lɛ díkɛ lɛ́ɛ kɛi, gáa, ŋa pâi díkɛ̂i dí pá dí pɛ́lɛ íkɔɔ mu dí gɔ́lɔŋ a gɛɛ ŋá íwɛli ní.