Felepiɛŋ 2:13 - Ŋ̀âla Kɔlɔ Maa Waai

¹³ Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Felepiɛŋ 2:13 ပူးပေါင်းရင်းမြစ်များ

Kâloŋ Maa-ŋuŋ 8:58

É gɛ́ kúlii é tínaŋ bɔ́-naa pere, a gɛ́ɛ kú sía a ŋɔpere-ŋai da ŋɔtɔ̂ŋ-ŋai da dɔ̂ŋ da kpɛ́ni-ŋai nyii-ŋai è wɔ́lɔ dɛ̀ɛ kúnâŋ pɔlɔ-ŋai pɔ́i.

Kɔlɔnikɔ Veerɛi 30:12

Ɣâla yée è kɛ Zuda-ƃelai pôlu é dí lii kɛ tɔnɔ dí pá galoŋ da ǹaa tii kɛ́ lɔii-ƃelai pɔ́ yɛ̂ɛ berei Yâwɛɛ è mò lai.

Ɛzura 1:1

Yâwɛɛ è wɔ́lɔ ŋɔmɔ̂leŋ pù Pɛsia kaloŋ Sarɔ kponôi. M̀ɔlêŋ ŋɔwála-walai è gɛ̀ Sarɔ é kɔlɔ pɔ̃yɛ, é dɛɛ ŋɔkâloŋ-laa lɔii gwaa kélee Zuda-ŋai ŋuŋ ma ƃó mɛni ma. È m̀ɛnii ŋí kɛ̀ ŋɔkâloŋ-laa koraŋ maa-ŋuŋ su. M̀ɛnii ŋí è kɛ̀ a ŋ̀óoi Yâwɛɛ è wɔ́lɔ mò ŋɔlóno kɛ́-nuui Zɛlemaya sârai ŋàa-see kɛ́ɛ. Ŋ̀óo-ŋai è bù gɔlɔi ŋí sui dîa káa ŋí:

Ɛzura 1:5

Nya ƃe Zuda da Bɛŋsima dísuui su-ƃelai láa túɛ-ƃelai, zâla láa-soŋ-ƃelai, da Liiva-ŋai dí dímu sìɣe a gɛɛ dí lí dí Yâwɛɛ ŋɔpɛ́rɛi tɔ́ɔ pôlu Zerusâlɛŋ. Dí gɛ̀ tí, kpɛ́ni fêi, Ɣâla ŋɔmɔ̂leŋ è dílii mu sìɣe.

Ɛzura 7:27

Ɛzura è m̀o ǹyɛɛi, “Ŋa laa-maa tɛ̂ tɛɛ̂i kúnuu-pɔlɔ-ŋai Díɣâlai Yâwɛɛ pɔ́. A gɛ́ Pɛsia kaloŋ a ƃaa kɛ́ maa tɛ́ɛ ǹyaa Yâwɛɛ Ŋɔpɛ́rɛi kɛ́tɛi pɔ́ a tela gɛ́ gâloŋ a wála-wala laa tɛɛ Zuda-ŋai pɔ́ a gɛɛ dí ǹyaa Yâwɛɛ ŋɔpɛ́rɛi tɔ́ɔ pôlu a ǹɛ́lɛɛ Zerusâlɛŋ taa-leei su.

Niɛmaya 2:4

Gâloŋ è ḿarê kɛ̀ ǹyɛɛi, “Lé ƃé ƃa ŋ̀wɛ̂lii ŋá gɛ́i?” Ŋá Ɣâla nyii gáa Ɣâla-taai fɛ̀li ńii su pere a maa félaa.

Zôo 33:29

“Ɣâla a m̀ɛnii ŋí kɛ́ gîe mɛi a dámaa,

Wule-woo-ŋa 110:3

Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

Wule-woo-ŋa 119:36

Gɛ́ ítɔ̂ŋ-ŋai maa mɛni kɛ́ ƃò ńii su é tɛ́ɛ la tɔɔ-laa ma.

Wule-woo-ŋa 141:4

Gɛ́ a gɛ́ɛ ḿve ŋ́gili ŋá sìa a pere nyɔ́mɔɔ. Ífe nɛ̀ɛ naa kwa ŋ̀wana-lɔ̂ɔ-ƃela kú tûa-pere é kɛ́ tɔnɔ. Ífe nɛ̀ɛ naa ŋá kɛ́ a díkuu-ŋai su-ƃelai da.

Táre-woo-ŋa 21:1

Kâloŋ ŋɔmɛni-kpɛtɛɛ káa yɛ̂ɛ ya ƃoloŋ-ƃoloŋ Ɣâla Yâwɛɛ yêei, gɛ́ déniŋ tɔ̀ɔ ƃɛ́i a ŋ̀wɛ̂lii é lí naai.

Azaya 26:12

Óo Yâwɛɛ, lûwa láa kúkɛ mɛni kélee dîa díƃûu ƃó. M̀ɛni lɛ́lɛɛ-ŋai kélee kwa zɔlɔ ƃôi da kûla ísɔŋ lɛ̂lɛ tuai su.

Zɛlemaya 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Zɛlemaya 32:38

À kɛ̀ tí, ŋa pâi kɛ̂i a Díɣâla, dia máŋ dí kɛ́ ƃò a ŋánûa.

Lûu 12:32

“Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zɔ̂ŋ 3:27

Zɔ̂ŋ e zu tòo, ǹyɛɛi, “Núu da kélee fa pɔ̂ri sɛŋ da sɔlɔ ƃôi, fɛ̂ɛ nyii da dɛ̀ɛ bɔ e kula Ɣâla-taai.

Zɔ̂ŋ 6:45

Bɔ̃yɛɛ̂i Ɣâla ŋɔlóno-kɛ-ƃelai wóo su, ‘Díkelee Ɣâla a pâi sɛŋ lɛ̂i dîa.’ Ǹúui nyii kélee a Nàŋ-nuui wóo mɛni é sɛŋ kɔ́lɔŋ ǹyée ŋái, a pà ḿbɔ.

Zɔ̂ŋ 6:65

Nya ƃe e mò, “Mɛnii ká ŋi ŋá mò kàa a gɛɛ núu da fa pɔ̂ri pâi ḿbɔ, fɛ̂ɛ Nàŋ-nuui a maa-pɔ̂ri tɛɛ bɔ.”

Zia-ƃelai Kɛ́-mɛni-ŋai 11:21

Kúnuu-namui ŋɔwála-walai è kɛ̀ díkɔlɛ. Núu támaa dí làa la dí pá Kúnuu-namui pɔ́-naa pere.

Lomaŋ 12:3

Ŋa mò núu kélee ma, m̀ɛlɛ-seei su nyíi dɛɛ̂i ḿbɔi, a gɛ́ɛ káfe kákpîŋ kàa a gɛ́tɛ é tɛ́ɛ berei ma kákaa lai. Kɛ́lɛ, ka kákili ŋá sia a ǹɛ́lɛɛ, yɛ̂ɛ berei Ɣâla a laa-la kɔɔ̂ŋ la núu kélee mɛni mai.

Lomaŋ 9:11

Berei máŋ dífe niî kɛ̀ nîa-pɛlɛɛ maa sɔlɔ ƃo ni lai, ǹyaŋ nîa-pɛlɛɛi kpîŋ dífe niî kɛ̀ mɛni lɛ́lɛɛ kpaa máŋ mɛni nyɔ́mɔɔ kɛ́ níi, Kúnuu-namui è mò Lubɛka ma, “Nìa-nuui a pâi tíi kɛ̂i ǹeɣe-nuui mi.” Ɣâla a pâi kɛ̂i nɔ́ niî núu lɛ̂i yɛ̂ɛ berei a ŋ̀wɛ̂lii lai. Ve pâi dílɛ̂i díkɛ-mɛni ma, kɛ́lɛ, a pâi dílɛ̂i nɔ́, kpɛ́ni fêi, a dítoli.

Lomaŋ 9:16

Mɛni ma ve a núu-kpune nia-mɛni da ŋɔtíi a gɛ́ɛ Ɣâla é ǹɛ́ mɛni ma, kɛ́lɛ, gáa a Ɣâla ŋɔmaloŋ-kaai.

Kɔleŋtiɛŋ Maa-ŋuŋ 12:6

Tíi kɛ́-pere támaa káa naa, kɛ́lɛ, Ɣâla káa nɔ́ tɔnɔ nyíi a mɛni kélee kɛ̀ núu kélee kponôi.

Kɔleŋtiɛŋ Maa-ŋuŋ 15:10

Kɛ́lɛ, Ɣâla ŋɔƃɛlɛ-sêei su, ŋ́gaa yɛ̂ɛ berei ŋ́gaa lai, ǹyaŋ ŋɔƃɛlɛ-sêei gáa ḿɛni mai vé kɛ́ ní kpɛ́ni-kpɛni. Kɛ́lɛ, ŋá tíi támaa kɛ̀ é tɛ́ɛ díkelee dîa, berei máŋ la ńyãa fé gɛ níi, kɛ́lɛ, Ɣâla ŋɔƃɛlɛ-sêei ƃe gɛ, nyíi gáa ḿbôlui.

Kɔleŋtiɛŋ Veerɛi 3:5

Zu-kulâi fa a gɛ́ɛ kú gula kɛ́ɛ̂i ƃoɔɔ̂i a gɛ́ɛ ku mɛni kélee da ƃó nyíi a kùla kúkponôi; kɛ́lɛ, kúgula-kɛ-laai a kúla Ɣâla yêei,

Ifisiɛŋ 1:11

Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.

Ifisiɛŋ 1:5

A kúlɛ nàa tuɛ a gɛ́ɛ kúkɛ a ǹônii Zîsɛ Kôrai sarâi, yɛ̂ɛ berei ŋɔnîa-mɛni lɛ́lɛɛi káa lai,

Ifisiɛŋ 1:9

A ŋɔnîa-mɛnii su-loo-mɛnii lɛ́ kûa, yɛ̂ɛ berei ŋɔnîa-mɛni lɛ́lɛɛi káa la, nyíi gáa a ŋɔmɛni kpɛ́tɛɛi Kôrai kponôi.

Ifisiɛŋ 2:8

Kpɛ́ni fêi, ƃɛlɛ-sêe sarâi ƃe ká ƃálo la laa-la sarâi. Kákpîŋ-mɛni kɛ́ɛ fei, gáa a Ɣâla ŋɔsama-sɛŋ

Tɛsɛlôniɛŋ Veerɛi 1:11

Nyíŋi mɛni ma kwa Ɣâla fɛlîi a ɣele kélee kámɛni ma. Kwa Kúɣâlai fɛlîi a gɛ́ɛ kákɛ a ǹûai dímaa nɛ̃ɛ̂i dòli è m̀o a kaai m̀aa mɛni ma. Tɔɔ é kákili-ŋa sia mɛni lɛ́lɛɛ-ŋai kélee da ǹaa-lai ŋɔtíi ŋ̀aa-see kɛ́ a ŋɔwála-walai.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Pitɛ Maa-ŋuŋ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sarâi,