Felepiɛŋ 2:1 - Ŋ̀âla Kɔlɔ Maa Waai

¹ Mɛni ma à kɛ̀ ŋa-nɛnɛ káa Kôrai kponôi, wɛli-kɛ-maa kpɔŋ-maa, kámɔlêŋ ni ka-kɛ-zu-tɔnɔɔi, da wɛli-kɛ-maa, é pɛ́lɛ maloŋ-kaa ma,

Felepiɛŋ 2:1 ပူးပေါင်းရင်းမြစ်များ

Wule-woo-ŋa 133:1

Maa-nɛ̃ɛi, gɛ́ ƃò a mɛni lɛ́lɛɛ a gɛɛ Ɣâla ŋɔnûai díkɛ díkîe ma woo lâa-maa su.

Azaya 16:11

Ŋa nyîɣɛi Môa mɛni ma, ŋ́gɛ maloŋ too maa wɔ̂lɔ kɛ̀ Kîɛ-ɛrɛ mɛni ma.

Lûu 2:25

Nalôŋ tɔnɔ ƃe kɛ̀ naa Zerusâlɛŋ, ǹáa ƃe kɛ̀ a Simiɔŋ, nyii kɛ̀ a sɔŋ-lɛlɛ-nuu, gɛ ƃo a Ɣâla mɛni wɛliɛ, nyii kɛ̀ Eezuɛ ŋá-nɛnɛ-ɣele maa kpɛ̂nii. M̀ɔlêŋ Maa Waai e kɛ̀ mɛ̀i.

Zɔ̂ŋ 14:18

“Fe pâi kálɛɛ̂i nɔ ti a tee-noŋ-ŋa; ŋa pâi pâi kápɔ.

Zɔ̂ŋ 14:27

“Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Zɔ̂ŋ 17:13

Kɛ́lɛ, ŋa nâa kɛ́ pâi ípɔ. Ŋa ŋ̀óo-ŋai ŋí ƃôi ǹɔii su a gɛɛ ŋálii-nɛ̃ɛi láa é fɛ̂ɛ díkponôi.

Zia-ƃelai Kɛ́-mɛni-ŋai 2:46

Ǹaa-la-ƃelai díkɛ̀ liî Ŋ̀âla-pɛrɛ kɛ́tɛi mu gîe ma. Dímii-sãai kélee è kɛ̀ nɔ́ gîe ma. Da kâa dílaa mii gîe ma a lii-nɛ̃ɛ da lii-lɛlɛ.

Zia-ƃelai Kɛ́-mɛni-ŋai 4:32

Nàa-laa-ƃelai dí kɛ̀ zu tɔnɔ da dímɔ̃leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.

Lomaŋ 5:5

Kili kɛ-zu fa kúŋùmɛ, kpɛ́ni fêi, Ɣâla ŋɔwɛli kɛ́-maai puɔɔ̂i kúlii su M̀ɔlêŋ Maa Waai sârai, nyíi Ɣâla è dɛɛ kúpɔi.

Lomaŋ 8:26

Bere nɔ́ ƃe M̀ɔlêŋ a kpɔŋ la kûa kúfii-kpɛɛi su; kpɛ́ni fêi, kúfe Ɣâla fɛli-pere kɔlɔŋ yɛ̂ɛ berei fɛ̂ɛ ku vɛli lai. Kɛ́lɛ, M̀ɔlêŋ ǹyaa kpîŋ a tɔ̂ɔ kúmɛni ma. A Ɣâla fɛ̀li kúmɛni ma kúwɔlɔ Ɣala mai sârai nyíi kúfa pɔ̂ri lônoi la a lono-wooi.

Kɔleŋtiɛŋ Maa-ŋuŋ 12:13

Kpɛ́ni fêi, M̀ɔlêŋ tɔnɔi sarâi dí kúkelee kúbatâi kɛ̀ kpono tɔnɔ su Zûu-ŋai kpaa máŋ Gurii-ŋai, luɛ-ŋa kpaa máŋ diai díŋuŋ ma ƃôɔi, Ɣâla è kúkɛ̀ kú kúkpele M̀ɔlêŋ tɔnɔi su.

Kɔleŋtiɛŋ Maa-ŋuŋ 15:31

Ŋánûa, ǹíi-laai gáa ńyêei kámɛni ma kúkɛ̀-zu-tɔnɔɔi sarâi Kúnuu-namui Zîsɛ Kôrai kponôi, a ŋ́gɛ ŋá tɔ́ɔ saa ŋɛ́i tuɛ a tãi kélee!

Kɔleŋtiɛŋ Maa-ŋuŋ 3:16

Káfe gɔ́lɔŋ kákaa a Ɣâla ŋɔpɛ́rɛ Ɣâla Ŋɔmɔ̂leŋ kɛ́ ƃò kákponôi?

Kɔleŋtiɛŋ Veerɛi 13:14

Kúnuu-namui Zîsɛ Kôrai ŋɔƃɛlɛ-sêei da Ɣâla ŋɔwɛli kɛ́-maai é pɛ́lɛ M̀ɔlêŋ Maa Waai ŋɔkɛ-naai ma é kɛ́ kákelee kákɔlɛ.

Kɔleŋtiɛŋ Veerɛi 2:14

Kɛ́lɛ, sɛɣɛi-fei é tɛ́ɛ Ɣâla pɔ nyíi a tɔ̂ɔ kútuɛ yee-tɛɛ-maa kélee su Kôrai kponôi, gɛ gbîŋ maa-mɛni kúŋ lɛ́lɛɛ taa-taa kwaa kélee ma kúsarâi.

Galesiɛŋ 4:6

A gɛɛ ŋɔ́nɔ kákaa a lônii, Ɣâla a Ǹóŋ Ŋɔmɔlêŋ tɛ́ɛ kúlii su, gɛ laɣi, ǹyɛɛi, “Aƃa! Ńâŋ!”

Galesiɛŋ 5:22

Kɛ́lɛ, M̀ɔlêŋ ŋɔƃá-ŋai ƃa, wɛli-kɛ-maa, lii-nɛ̃ɛ, lii-sêe, lii-kpele, sɔŋ-lɛlɛ, mɛni lɛ́lɛɛ kɛ́ɛ, kili-kɛ-maa,

Ifisiɛŋ 4:4

Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Felepiɛŋ 1:8

Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolasiɛŋ 3:12

Káa ƃa ǹûai Ɣâla a kálɛ, a kámaa waa, a káwɛli. Mɛni ma, maloŋ-kâa é kɛ́ káyêei, sɔŋ-lɛlɛ, maa-yeŋ, lii-lɛlɛ, da lii-kpele.

Ibulu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísarâi nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

Pitɛ Maa-ŋuŋ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔlêŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe díkɛ káyêei a damaa.

Zɔ̂ŋ Maa-ŋuŋ 3:24

Diai kélee da ŋɔtɔ̂ŋ-ŋai mɛi kâai, díkaa gbonôi, ǹyaŋ gɛ̀ ƃò díkponôi. Berei ŋí ƃe kwa gɔ̀lɔŋ la a gɛɛ gáa kúkponôi, kpɛ́ni fêi a M̀ɔlêŋ Maa Waai tɛ́ɛ a gɛɛ é kɛ́ kúkponôi.

Zɔ̂ŋ Maa-ŋuŋ 4:12

Núu da kélee fé niî Ɣâla káa ni. A kɛ̀ kwa kúkîe-ni wɛ̀li, gɛ̀ ní Ɣâla káa kúkponôi, ŋɔwɛli-kɛ-maai láa fɛ̂ɛ kúkponôi.

Zɔ̂ŋ Maa-ŋuŋ 4:16

Mɛni ma kú Ɣâla ŋɔwɛli-kɛ-maai kɔ́lɔŋ kúmɛni ma, kú láa la. Ɣâla káa a wɛli-kɛ-maa. Ǹúui a kɛ̂ wɛli-kɛ-maa sui, a kɛ̂ Ɣâla kponôi, Ɣâla ǹyaŋ kɛ́ ƃo gbonôi.