Felepiɛŋ 1:9 - Ŋ̀âla Kɔlɔ Maa Waai

⁹ Ŋa Ɣâla fɛlîi a gɛ́ɛ káwɛli-kɛ-maai é ƃɔ̂lɔ a zu kɛtɛ mɛni-kɔlɔŋɔɔ su da mɛni-ŋa-kaa,

Felepiɛŋ 1:9 ပူးပေါင်းရင်းမြစ်များ

Zôo 17:9

É máŋ kɛ́ tí, ǹúui nyii ǹâai a Ɣâlai a pâi kɛ̂i nɔ́ Ɣâla pôlu. Ǹyaŋ ǹúui nyii ǹyée ma waâi dɔɔ̂i a pâi kɛ̂i nɔ́ a gbanaŋɔɔ a ɣele kélee.

Wule-woo-ŋa 119:66

Táre da mɛni ŋá káa tɛ́ɛ ḿbɔ, kpɛ́ni fêi, ńâai a ítɔ̂ŋ-ŋai.

Táre-woo-ŋa 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Kɔleŋtiɛŋ Maa-ŋuŋ 14:20

Ŋánûa, káfè kɛ̀ a nîa-pɛlɛɛ kákili-ŋa-siai su. Ka kɛ́ a kwâtara-ŋa mɛni nyɔ́mɔɔ kɛ́ɛ su, kɛ́lɛ, ka kɛ́ a núu kpaya-kpaya kákili-ŋa-siai su.

Kɔleŋtiɛŋ Veerɛi 8:7

Yɛ̂ɛ berei ka mɛni kélee kɛ̀ la a ǹɛ́lɛɛ-kálaa-lai su, kálono-woo su, kátarei su, ka mɛni soŋɔɔ a gbanaŋɔɔ su, da káwɛli-kɛ-maai su nyíi gáa káyêei kúmɛni mai-ka gáa a gɛ́ɛ ká Ɣâla ŋɔtíi lɛ́lɛɛi ŋí kɛ́ máŋ a ǹɛ́lɛɛ.

Ifisiɛŋ 5:17

Maa-mɛni ma káfe ƃoo. Kɛ́lɛ, ka táre Kúnuu-namui ńîa-mɛnii su.

Kolasiɛŋ 1:9

Mɛni ma é síɣe tãi ma kú mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa é fɛ́ɛ a ǹîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Kolasiɛŋ 3:10

Ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ berei zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Tɛsɛlôniɛŋ Maa-ŋuŋ 3:12

Kúnuu-namui é káwɛli-kɛ-maai ƃɔ̀lɔ a zu kɛ́tɛ kákîe-ni mɛni ma da ǹúu-kpeli-ŋai yɛ̂ɛ berei kú káwɛ̀li ní lai,

Tɛsɛlôniɛŋ Maa-ŋuŋ 4:1

Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ká káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Tɛsɛlôniɛŋ Veerɛi 1:3

Ŋánûa, fɛ̂ɛ nɔ́ kú sɛɣɛi-fei tɛɛ Ɣâla pɔ́ a ɣele kélee ká mɛni ma, yɛ̂ɛ berei maa nɛ̃ɛ̂i kú gɛ lai, kpɛ́ni fêi, kálaa-lai a ƃɔlɔ̂i a zu kɛ́tɛ. Ŋ̀wɛli-kɛ-maai gáa káyêei kákîe-ni mɛni mai, gɛ ƃɔlɔ.

Falemɔŋ 1:6

Ŋa Ɣâla fɛlîi a gɛɛ ǹaoi-laai kúkaa-zui maa laa-lai é dare su kɛ́tɛ nyíi gáa zɛŋ lɛ́lɛɛi kélee mɛni ma, nyíi-ŋai díkaa a kúpɔɔ Kôrai kponôi.

Ibulu 5:14

Kɛ́lɛ, mii-sɛŋ kpanaŋ káa núu kpaya-kpaya mɛni ma, diai da díkili ŋá kɔ̀ŋ a mɛni-kɛɛ a tãi kélee a gɛɛ dí mɛni lɛ́lɛɛ da mɛni nyɔ́mɔɔ loai kɔ́lɔŋ.

Pitɛ Maa-ŋuŋ 1:22

Kámɔlêŋ maa waâi a dɔ̃yâi maa woo mɛniɛi gáa káyêei a gɛɛ tɔ̃yâ wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Pitɛ Veerɛi 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ tí.