Felepiɛŋ 1:27 - Ŋ̀âla Kɔlɔ Maa Waai

²⁷ Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a nɛ̃ɛ ma kpîŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔɔ̂ni a gbanaŋɔɔ mɔlêŋ tɔnɔ su a kili-ŋa-sia tɔnɔ, kátɔɔ̂i kɛ́ ƃô tɔnɔ ká kɛ́ kɔ́ gîe ma Duŋ Lɛ́lɛɛi maa-laa-lai mɛni ma.

Felepiɛŋ 1:27 ပူးပေါင်းရင်းမြစ်များ

Kɔlɔnikɔ Maa-ŋuŋ 19:12

Zoa è mò ǹyɛɛi, “À kɛ̀ Siria-ŋai da kɛ̀ a díwala-walaa é tɛ́ɛ ḿâ, gɛ̀ ní ka pâi ŋ́gula-yeei kɛ̂i. À kɛ̀ Amɔŋ-ŋai da kɛ̀ a díwala-walaa é tɛ́ɛ kâa, gɛ̀ ní ŋa pâi pâi ŋá kákula-yeei kɛ̂i.

Wule-woo-ŋa 122:3

Zerusâlɛŋ káa a taa-lee nyii dí dɔ̀ɔ, a gbanaŋɔɔ, zu-ƃela wóo kɛ́ ƃò gîe ma.

Wule-woo-ŋa 133:1

Maa-nɛ̃ɛi, gɛ́ ƃò a mɛni lɛ́lɛɛ a gɛɛ Ɣâla ŋɔnûai díkɛ díkîe ma woo lâa-maa su.

Táre-woo-ŋa 22:23

Ɣâla Yâwɛɛ káa a dímɛi-woo-ƃo-nuu. Diai da dímɔ̃lɛi, a pâi dí kula maa kɛ̂i.

Zɛlemaya 32:39

M̀ɛni-ŋûŋ tɔnɔi ŋa pâi gɛ̂i dí gɛ́ ḿîi ƃa, dí ƃaa kɛ́ maa tɛ́ɛ ḿbɔ a tãi kélee dí kɛ̀ ɣéniɛi su. Dà gɛ̀ tí, da pâi mɛni lɛ́lɛɛ sɔlɔ ƃôi da dísuui.

Maafîu 12:25

Gɛ́ɛ a díkili-ŋa-siai kɔ́lɔŋ, è mò dîa, ǹyɛɛi, “Gâloŋ-laai nyii kélee zu-ƃela ŋá kɔlɛɛ̂i dítɔɔ díkîe-ni diai, a tôo. Taa, kpaa máŋ pɛ́rɛi mu-ƃela da kɛ̀ a díŋa kɔlɛɛ̂i dítɔɔ díkîe-ni diai, ve pâi tɔɔ̂i.

Zia-ƃelai Kɛ́-mɛni-ŋai 2:46

Ǹaa-la-ƃelai díkɛ̀ liî Ŋ̀âla-pɛrɛ kɛ́tɛi mu gîe ma. Dímii-sãai kélee è kɛ̀ nɔ́ gîe ma. Da kâa dílaa mii gîe ma a lii-nɛ̃ɛ da lii-lɛlɛ.

Zia-ƃelai Kɛ́-mɛni-ŋai 24:24

Ɣele kûu da-ni tɛ̂ɛ pôlu ma, Fele da ŋɔnɛnîi Dulɔsêla, nyíi kɛ̀ a Zûu-nuui, dí pà; e Pɔ̂ɔ worɛ tɛ́ɛ e ŋ̀óo mɛni e pîlaŋ la naa-lai ma fɛ̂ɛ e kɛ́ kúyêei Kôrai Zîsɛ kponôi.

Zia-ƃelai Kɛ́-mɛni-ŋai 4:32

Nàa-laa-ƃelai dí kɛ̀ zu tɔnɔ da dímɔ̃leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.

Lomaŋ 1:16

Ńâai a Duŋ Lɛ́lɛɛi maa mɛni, kpɛ́ni fêi, gáa a Ɣâla ŋɔwála-walai ƃalo-laa mɛni ma diai kélee da lâa lai dímɛni ma. M̀aa-ŋuŋ, gáa Zûu-nuu da Gurii-nuu mɛni ma.

Lomaŋ 1:5

Zîsɛ è ḿɛlɛ sèe é ńziɣe a ŋɔpôlu-ƃelai dɔnɔ a gɛ́ɛ ǹɔii-ŋûŋ-ŋai su-ƃelai kélee dí woo mɛni kɛ́ kili-kɛ-zu kɛ́ ƃò díyêei.

Lomaŋ 1:9

Ɣâla káa a ŋásêre a gɛ́ɛ ŋa kálaa tòli Ŋáɣâla-fɛliɛɛi su a ɣele kélee. Ŋa tíi kɛ̀ mì a ńii kélee Ǹóŋ maa-tuŋ lɛ́lɛɛi ƃóɔɔ su.

Lomaŋ 10:8

Kɛ́lɛ, dɔ̃yâ-laai nyíi kula laa-la sui, a kɛ̂ le? A mò, ǹyɛɛ, “Ŋ̀óoi káa íkɔlɛ, gɛ ƃo íla da ílii su” (zu-kulai ƃa naa-la wooi nyíi kwa maa Ɣâla woo ƃoi).

Lomaŋ 15:16

a gɛ́ɛ ŋá kɛ́ a Zîsɛ Kôrai ŋɔtii-kɛ-nuu Zɛ̃tai-ŋai dîɛ. Ŋa tíi kɛ̀ Zɛ̃tai-ŋai dîɛ yɛ̂ɛ Ɣâla ŋɔsâla láa soŋ nuui ŋɔtuŋ lɛ́lɛɛi mɛni ma a gɛ́ɛ Ɣâla e ǹyée see dímu yɛ̂ɛ sâla-sãa nyíi-ŋai M̀ɔlêŋ Maa Waai a dímaa wáai.

Lomaŋ 15:29

ŋá gɔ́lɔŋ a gɛ́ɛ ŋà pà kápɔ ŋa pâi pâi a lûwa kɛ́tɛ e kula Kôrai (ŋɔtuŋ lɛ́lɛɛi su).

Kɔleŋtiɛŋ Maa-ŋuŋ 1:10

Ŋánûa, ŋa kákpera fêi Kúnuu-namui Zîsɛ Kôrai láai su a gɛ́ɛ kákelee ka fáa a gɛ́ɛ káfè kɛ̀ a káŋa kɔlɛɛ, kɛ́lɛ, ka kɛ́ zu tɔnɔɔ gili-ŋa-sia tɔnɔi su da m̀ɛni-ŋa-teɛɛ tɔnɔi.

Kɔleŋtiɛŋ Maa-ŋuŋ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fé kpɛ́ni-kpɛni Kúnuu-namui kponôi.

Kɔleŋtiɛŋ Veerɛi 13:11

Gbɛɛ ŋái, ŋánûa, káɣele-wulii. Ka kátûa-perei pɛ́ŋ pɛ́lɛ, ká káwoli tɔ̂ɔ m̀ɛnii ŋí ma ŋa môi kâai, ka káwoo kɛ́ zu tɔnɔɔ, ká kɛ́ lii-sêe su, gɛ̀ ní ŋwɛli-kɛ-maa da nii-see-Ɣalai a pâi kɛ̂i kákɔlɛ.

Kɔleŋtiɛŋ Veerɛi 4:4

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Kɔleŋtiɛŋ Veerɛi 9:13

Díi ŋí su-kɔɔ̂ŋɔɔ yée mu, da pâi Ɣâla ŋɔfólo-laai maa tɛ̂i, kpɛ́ni fêi, woo-mɛ̂ni káa káyêei Kôrai ŋɔtuŋ lɛ́lɛɛi mɛni ma, kákɛ ƃɛlɛ-sêe kɛ́ sama-sɛŋ tɛɛ mɛni su dímɛni ma da ǹúu kpeli-ŋai.

Galesiɛŋ 1:7

Zu-kulâi fa a gɛ́ɛ tuŋ da kpɛni káa naa, kɛ́lɛ, núu da-ni díkaa naa da káfũa-fũai, díkɛ ŋ̀wɛli dí Kôrai ŋɔtuŋ lɛ́lɛɛi maa faleŋ.

Ifisiɛŋ 1:13

Káa máŋ ka dɔ̃yâ-wooi mɛni, nyíi gáa a m̀álo-laai maa-tuŋ lɛ́lɛɛi, ka láa a Kôrai. Ɣâla è M̀ɔlêŋ Maa Waai tɛ̀ɛ kápɔ nyíi è góno tèe la káyêei. Bere ƃe Ɣâla è kálɛ-mɛnii su kpanaŋ la Kôrai kponôi.

Ifisiɛŋ 1:15

Sâpoi ŋí ma fé níi kpera ni sɛɣɛi-fei tɛɛ̂i kámaa-mɛni ma, kpɛ́ni fêi, ŋa kálaa-lai maa-mɛni ƃó nyíi gáa Kúnuu-namui Zîsɛ kponôi da káwɛli-kɛ-maai nyíi gáa Ŋ̀âla-ƃelai mɛni mai. Kámaa-mɛni káa ŋ́gili ŋá Ŋáɣâla-fɛliɛɛi su,

Ifisiɛŋ 4:1

Mɛni ma ńyãai ŋ́gaa a kpini-pɛrɛ mu Kúnuu-namui mɛni mai, ŋá m̀ó kâa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Felepiɛŋ 1:5

Ŋa Ŋáɣâlai sɛɣɛi fè kákpɔŋ-maai mɛni ma Duŋ Lɛ́lɛɛi su é síɣe tãi ma ka zɔlɔ ƃo lai é tóo tãi ŋí ma.

Felepiɛŋ 2:12

Mɛni ma ŋáwɛli-kɛ-maa-ƃelai, yɛ̂ɛ berei ka wɔ́lɔ woo mɛni kɛ̀ lai, ka nâa kákpîŋ ƃalo-laa kɔri a yao-maa da maa kpɛ̃liŋ. Vè kɛ̀ nɔ́ a ŋ́ɛi, kɛ́lɛ, fɛ̂ɛ nɔ́ ká gɛ́ máŋ ŋ́ɛi pôlu.

Felepiɛŋ 2:24

Ŋ́gili káa Kúnuu-namui ma a gɛ́ɛ ńyãa kpîŋ máŋ ŋa pâi naa nɔ́ tãi kpua yêe mu.

Felepiɛŋ 3:18

Kpɛ́ni fêi, núu támaa káa naa ŋa wɔ́lɔ dímaa-mɛni ƃó kâa a tãi támaa, ŋ́gaa nâa m̀ôi kâa wɔlɔ-woo su a gɛ́ɛ díkaa a Kôrai ŋɔsaa-wurui kpɔara-ƃela.

Felepiɛŋ 3:20

Kɛ́lɛ, kúlɔii-namu-laai káa Ɣâla-taa, ƃɛi máŋ kwa kúƃalo-nuui maa kpɛŋ naai, nyíi gáa a Kúnuu-namui Zîsɛ Kôrai.

Felepiɛŋ 4:1

Mɛni ma, ŋánûa, káai ŋa káwɛli ni, ŋ́gɛ ŋ̀wɛli a gɛ́ɛ ŋá kákaâi, ŋálii-nɛ̃ɛi da ŋákâloŋ-bɔrɔi, ka tɔɔ a gbanaŋɔɔ Kúnuu-namui kponôi, ŋáwɛli-kɛ-maa-ƃelai.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolasiɛŋ 1:4

kpɛ́ni fêi, kwa kálaa-lai maa-mɛni mɛni Zîsɛ Kôrai kponôi da ŋ̀wɛli-kɛ-maai gáa káyêei Ŋ̀âla-ƃelai kélee mɛni mai.

Tɛsɛlôniɛŋ Maa-ŋuŋ 3:6

Kɛ́lɛ, Temete a nàa kula kápɔ naa a pá kúpɔ a tuŋ lɛ́lɛɛ kálaa-lai mɛni ma da káwɛli-kɛ-maai. A ŋɔ́nɔ m̀ó kûa a gɛ́ɛ kúmaa mɛ̂ni káa nɔ́ kákili ŋá a tãi kélee, ká kɛ́ ŋ̀wɛli ká kúkaa yɛ̂ɛ berei kwa ŋ̀wɛ̂lii la a gɛ́ɛ kú kákaai.

Tɛsɛlôniɛŋ Maa-ŋuŋ 4:1

Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ká káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Temete Maa-ŋuŋ 1:11

yɛ̂ɛ berei ǹûa-tɛɛ Ɣalai ŋɔtuŋ lɛ́lɛɛi káa la nyíi folo-laa káa mai, nyíi dí ǹɛɛ ńyêei.

Temete Maa-ŋuŋ 1:19

Laa-la é kɛ́ íyeêi da kili-ŋa-sia lɛ́lɛɛ. Núu da-ni dí kili-ŋa-sia lɛ́lɛɛ kpɔara, ǹyaŋ maa-ƃelai da dílaa-lai lɛ́ɛ yâi.

Temete Veerɛi 4:7

Ŋa namu lɛ́lɛɛ kɔ́, ŋa kpɛɛ ŋátii ma, ŋa ǹaa-lai mɛi káa.

Taitɔ 2:10

Kpaa máŋ, dífe kɛ̀ a wôya-sɛŋ siɣe-ƃela. Kɛ́lɛ, fɛ̂ɛ dí díkpîŋ lɛ́ pere sii kélee su a gɛɛ díkaa a tɔ̃yâ-ƃela sãa-ŋa, a gɛɛ dí Kúƃalo-nuui Ɣâla ŋɔsɛŋ-lɛɛi maa ɣíri mɛni sii kélee su.

Falemɔŋ 1:5

kpɛ́ni fêi, ŋa íwɛli-kɛ-maai maa-mɛni mɛ̀ni da ílaa-lai nyíi gáa íyeêi Kúnuu-namui Zîsɛ da Ŋ̀âla-ƃelai kélee mɛ̂ni mai.

Zĩi 3:18

Diai da pâ a lii-sêei, da pâi lii-sêe sii nyíi m̀á a pâi kɛ̂i a tɔ̃yâ-laai.

Pitɛ Veerɛi 3:11

Tãi ká gɔ́lɔŋ la a gɛɛ zãâi ŋí kélee da pâi séɣenîi, nûa-sii kɛ́ɛ léŋ ƃe ka pɔ̂ri kɛ̂i la kátûa-pere kélee sui? Káfulu-laa é kɛ́ a maa-waa dɛ̀ɛ Ɣâla pɔ́.

Pitɛ Veerɛi 3:14

Mɛni ma ŋáwɛli-kɛ-maa ƃelai, tãi ka zãâi ŋí maa kpɛnîi lai, ka kɔ́ a gbanaŋɔɔ a gɛɛ é kákaa lii-sêe sú kásɔŋ fé kɛ̀ kâa ŋ̀ɛi-tuɛ da mɛni nyɔ́mɔɔ kélee.

Zûu 1:3

Ŋáwɛli-kɛ-maa ƃelai, berei ŋá ŋ̀wɛ̂lii kpɔ́ la a gbanaŋɔɔ a gɛɛ ŋá kɔlɔ pɔ̃yɛ̂ kápɔ naa kúƃalo-laa tɔnɔi mɛni mai, ŋá gàa a mɛni lɛ́lɛɛ a gɛɛ ŋá kɔlɔ pɔ̃yɛ̂ kápɔ naa ŋá kálîa-woo ƃo a gɛɛ ká ǹaa-lai maa-namu kɔ́ nyíi dí dɛ̀ɛ Ŋ̀âla-ƃelai pɔ́ nɔ́ zu tɔnɔi.