Felepiɛŋ 1:21 - Ŋ̀âla Kɔlɔ Maa Waai

²¹ Kpɛ́ni fêi, ŋákili-ŋa-siai su, kɛ-ɣeniɛ su-kulâi ƃa Kôrai, saa kɛ́ ƃo a mɛni lɛ́lɛɛ máŋ é tɛ́ɛ nyíti ma.

Felepiɛŋ 1:21 ပူးပေါင်းရင်းမြစ်များ

Kɔleŋtiɛŋ Maa-ŋuŋ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Kɔleŋtiɛŋ Maa-ŋuŋ 3:22

à ǹɛɛ ma kpîŋ é kɛ́ a Pɔ̂ɔ, kpaa máŋ Apolo, kpaa máŋ Sífa, kpaa máŋ ŋ̀éniɛi, kpaa máŋ fulu-laa, kpaa máŋ saa, kpaa máŋ tãi ŋí su, kpaa máŋ tãi pâi pâi, gélee káa a kápɔɔ;

Kɔleŋtiɛŋ Veerɛi 5:1

Ku gɔ́lɔŋ a gɛ́ɛ à kɛ̀ ǹɔii ŋí su-pɛrɛi kúkaa mui garâi, pɛ́rɛ káa kúyêei é kúla Ɣâla yêei, nyíi gáa a pɛ́rɛ dífe dɔɔ ni a díyêei. Gáa a wɔlɔ-wɔlɔ-pɛrɛ Ɣâla-taa.

Kɔleŋtiɛŋ Veerɛi 5:6

Mɛni ma fɔlɔ-fɔlɔ káa kúyêei a tãi kélee. Kú gɔ́lɔŋ a gɛ́ɛ tãi kúkaa la ƃɛ́ kúkponôi sui, kú kɛ̂i kôyaai Kúnuu-namui ma.

Kɔleŋtiɛŋ Veerɛi 5:8

Fɔlɔ-fɔlɔ káa kúyêei, ǹyaŋ ǹɛ́lɛɛ a gɛ́ɛ kú kɛ́ a kúkɛ̂i gôyaa kúkponôi mâ kwa Kúnuu-namui-ni kúkɛ bɔ-taai.

Galesiɛŋ 2:20

Kwa Kôrai dí kúkpàmo wúru su-tíyeŋɔɔ ma. Ǹyaŋ fé ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi. Vulu-laai ŋa nâa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Galesiɛŋ 6:14

Kɛ́lɛ, é folôŋ mâ kpɔ́ a zu kôyaa a gɛ́ɛ ŋá yoŋka tée, fɛ̀ɛ nɔ́ ŋá Kúnuu-namui Zîsɛ Kôrai ŋɔsaa-wurui maa-yoŋka tée, zaa-wurui a gɛ́ ŋ̀éniɛi a saa ŋ́ɛi, ńyaŋ ŋa saa ŋ̀éniɛi ŋɛi.

Felepiɛŋ 1:20

yɛ̂ɛ berei ŋátɔ̃yâ-maa-kpɛŋ káa la da gili-kɛ-zui gáa ǹyêei a gɛ́ɛ fé pâi ŋumɛ̂i mɛni kélee ma, kɛ́lɛ, lii-kpele támaa a pâi nâa kɛ̂i ńyêei, yɛ̂ɛ berei è wɔ́lɔ kɛ̀ la ńyêei, a gɛ́ɛ ŋa pâi ƃaa kɛ́-maa tɛɛ̂i Kôrai pɔ, à nɛ̃ɛ ma máŋ ŋá kɛ́ a ḿvulu kpaa máŋ ŋá sáa.

Felepiɛŋ 1:22

Kɛ́lɛ, à kɛ̀ ŋ́gaa niî nɔ́ ɣele ma, gɛ̀ ní zu-kulâi ƃa ŋá pâi nîi ƃâi. É máŋ kɛ́ ti nyíi ŋa pâi ǹɛ̂i, fé gɔ́lɔŋ.

Felepiɛŋ 1:23

Ŋ́gbaaŋɔɔ̂i ŋá ǹɛ́ a gɛ́ɛ ŋá kɛ́ ɣele ma kpaa máŋ ŋá sáa. Ŋa ŋ̀wɛ̂lii ŋá sáa ŋá kɛ́ Kôrai kɔlɛ, kpɛ́ni fêi, nyíti lɛ́lɛɛ̂i kpɔ́ a ŋ̀ánaa.

Felepiɛŋ 2:21

Da díkpîŋ-mɛni su kàa, kɛ́lɛ, Zîsɛ Kôrai ŋɔi fei.

Kolasiɛŋ 3:4

Tãi Kôrai, nyíi gáa a kúfulu-laai, a pâi kulâi lai, gɛ̀ ní káa máŋ ka dîa-ni ka pâi kulâi folo-laa su.

M̀ɛni-lɛɛi 14:13

Nya ƃe ŋá wóo mɛni é kúla Ɣâla-taa, nyɛɛi, “Nyíŋi pɔ̃yɛ. Lûwa káa zaa-ƃelai dîa nyíi-ŋai da saa Kúnuu-namui kponôi é síɣe sâa ma é lí tuɛ-perei.” M̀ɔlêŋ a mò, nyɛɛ, “Lûwa káa dîa a tɔ̃yâ a gɛɛ dí dífii tɔɔ dímɔ̃lɛi yêei, kpɛ́ni fêi dí dítûa perei lɛ̀ɛ dípôlu!”