Felepiɛŋ 1:20 - Ŋ̀âla Kɔlɔ Maa Waai

²⁰ yɛ̂ɛ berei ŋátɔ̃yâ-maa-kpɛŋ káa la da gili-kɛ-zui gáa ǹyêei a gɛ́ɛ fé pâi ŋumɛ̂i mɛni kélee ma, kɛ́lɛ, lii-kpele támaa a pâi nâa kɛ̂i ńyêei, yɛ̂ɛ berei è wɔ́lɔ kɛ̀ la ńyêei, a gɛ́ɛ ŋa pâi ƃaa kɛ́-maa tɛɛ̂i Kôrai pɔ, à nɛ̃ɛ ma máŋ ŋá kɛ́ a ḿvulu kpaa máŋ ŋá sáa.

Felepiɛŋ 1:20 ပူးပေါင်းရင်းမြစ်များ

Wule-woo-ŋa 119:116

Wála-wala-laa tɛɛ ḿbɔ yɛ̂ɛ berei í íkono tèe lai, gɛ̀ ní ŋa pâi kɛ̂i ɣele ma. Ífe ǹɛɛ naa ńii é tóo pôlu ŋákili-kɛ-zui su.

Wule-woo-ŋa 119:80

Tɔɔ ŋá ítɔ̂ŋ-ŋai mɛi káa a teniŋ ƃô làa, à kɛ̀ tí, ŋumɛ fé pâi ḿbaâi.

Wule-woo-ŋa 25:2

Ŋáɣâlai, ńâai a yá. Ŋ́uŋ ma ƃó í ŋ́gula ŋ́gbɔara-ƃelai yêei. Ífe nɛ̀ɛ naa díyee é tɛ́ɛ ḿâ.

Wule-woo-ŋa 62:5

Ɣâla ǹyaa tɔ̂nɔ nɔ́ ƃé ŋ́gili tɔɔ̂i ma. Kili kɛ-zu káa ńyêei m̀ɛni ma.

Táre-woo-ŋa 10:28

Tɔ̃yâ-nuu ŋɔkili-kɛ-zui a pâ a lii-nɛ̃ɛ, kɛ́lɛ ŋwana-lɔ̂ɔ-nuu ŋɔkíli-kɛ-zui káa nɔ́ kpɛ́ni-kpɛni.

Táre-woo-ŋa 23:18

Núu fa pɔ̂ri íkili kɛ́-zui kulâi íyêei kpɛ́ni fêi, tínaa-tuɛ-pere káa ma.

Azaya 45:17

Kɛ́lɛ Yâwɛɛ a Eezuɛ ŋuŋ ma ƃó. Lɔii-ŋuŋ da fé pâi wɔ́lɔ pɔrîi ǹyée mɛi ɣâlei. Ƃaa kûla maa fé wɔ́lɔ ŋɔ́nɔ pâi sɛ̂lɛnii dîa.’ ”

Azaya 50:7

Ḿbɛlɛ fé tòo ní, kpɛ́ni fêi, Ǹuu-namui Yâwɛɛ è kpɔ̀ŋ ḿâ. Ŋá ńii kpèle díyêei, kpɛ́ni fêi, ŋá gɔ́lɔŋ ƃâa fé pâi kulâi ḿâ,

Azaya 54:4

Ífe yào, núu da fé pâi ŋɔ́nɔ ƃâa kulâi yâ íƃɛlɛ é tóo. Ya pâi niâi ŋ̀umɛi ma íkɛ zu ínuu-tɔɔ-laai sui. Ŋ̀umɛi íkɛ zu ípɔɔ-nɛ̂ni-laai sui, ya pâi niâi gélee ma.

Zɔ̂ŋ 21:19

(È nyiŋi ƃò a gɛɛ e zaai lɛ Pitɛ a pâi Ɣâla ŋɔfólo-laai ma tɛ̂i lai.) Ǹyaŋ nyiŋi pôlu ma e mò ma, ǹyɛɛi, “Pîlaŋ ḿbôlu.”

Zia-ƃelai Kɛ́-mɛni-ŋai 20:24

Kɛ́lɛ, mɛni-ŋai ŋí dɔnɔ kpîŋ fa ńii sɛ̀lɛŋ, kpaa máŋ ŋá ŋáfulu-laai siɣe a gbanaŋɔɔ ŋ́gbîŋ mɛni ma. Fɛ̂ɛ nɔ́ ŋa Ɣâla ŋɔtíi kpɛ́ɛ nyíi ŋa zɔlɔ ƃo Kúnuu-namui Zîsɛ yêei, a gɛ́ɛ ŋa Ɣâla ŋɔƃɛlɛ-seei maa tuŋ lɛ́lɛɛi maa sêre-faa kɛ́.

Zia-ƃelai Kɛ́-mɛni-ŋai 21:13

Kɛ́lɛ Pɔ̂ɔ è kúwoo su too, ǹyɛɛi, “Lé ƃé kákaa wɔ̂lɔi kákɛ ńii solii? Ŋ́gbîŋ fé kpɛtɛ ní nɔ́ a gɛ́ɛ dí ŋíri, kɛ́lɛ, ŋ́gbîŋ kpɛtɛ̂ɛi a gɛ́ɛ máŋ ŋá sáa Zerusâlɛŋ Kúnuu-namui Zîsɛ láai mɛni ma.”

Zia-ƃelai Kɛ́-mɛni-ŋai 4:31

Ɣâla fɛ́liɛɛ dîɛi, ƃɛ́i dí kɛ̀ a díŋaa tɛ́ɛ naa gîe mai naa è tùmo díkelee kpɔ́ dílaa è fɛ́ɛ a M̀ɔlêŋ Maa Waai dí Ɣâla ŋɔwóoi ƃó a lii-kpele pere.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Lomaŋ 5:5

Kili kɛ-zu fa kúŋùmɛ, kpɛ́ni fêi, Ɣâla ŋɔwɛli kɛ́-maai puɔɔ̂i kúlii su M̀ɔlêŋ Maa Waai sârai, nyíi Ɣâla è dɛɛ kúpɔi.

Lomaŋ 6:13

Káfe nɛ̀ɛ naa sɔnyɔ̂ŋ é gɛ́ kátɔɔ-saŋ da é kɛ́ a ŋ̀wana-lɔ̂ɔ kɛ́-sɛŋ. Kɛ́lɛ, ka kákpîŋ tɛɛ Ɣâla yɛ̂ɛ ǹúui kùla saa yêei é pá fúlu-laa sui. Ka kátɔɔ-saŋ kélee tɛ́ɛ Ɣâla pɔ́ yɛ̂ɛ tɔ̃yâ laa-la maa tii kɛ́-sãa.

Lomaŋ 6:19

Ŋa kákɔlɔŋ woo-ŋa ƃôi kâa, kpɛ́ni fêi, kákponôi fíi kpɛɛ̂i. Ká ǹɛɛ naa kákponôi gwaa kélee kɛ́ ƃò a ŋwana-lɔ̂ɔ kɛ́ sãa. Kɛ́lɛ fɛ̂ɛ ka ǹɛɛ naa kákponôi gwaa kélee kɛ́ ƃò naa Ɣâla ŋɔtíi kɛ́ mɛni ma.

Lomaŋ 8:19

Ŋ̀éniɛi a maa-kpɛŋ kɛ̂i a ǹíi a zu kôyaa Ŋ̀âla-lonii-ŋai kula-mɛni ma;

Lomaŋ 9:33

yɛ̂ɛ berei bɔ̃yɛɛ̂i lai, “Ka gáa, ŋa kɔni lâai Zãiyɔŋ su nyíi pâi núu-kpune kɛ̂i é gɔ́ɔ tuai, gɔnii nyíi pâi díkɛ̂i dí tóoi; ǹyaŋ ǹúui a lâa lai ve pâi ŋumɛ̂i.”

Kɔleŋtiɛŋ Maa-ŋuŋ 15:31

Ŋánûa, ǹíi-laai gáa ńyêei kámɛni ma kúkɛ̀-zu-tɔnɔɔi sarâi Kúnuu-namui Zîsɛ Kôrai kponôi, a ŋ́gɛ ŋá tɔ́ɔ saa ŋɛ́i tuɛ a tãi kélee!

Kɔleŋtiɛŋ Maa-ŋuŋ 6:20

Dí káyà a kásɔ̃ɔ. Mɛni ma ka pá a folo-laa Ɣâla pɔ

Kɔleŋtiɛŋ Maa-ŋuŋ 7:34

Ŋɔkili-tɔɔ-maai ŋáa kɔlɛɛ̂i. Goyaŋ-nɛni, kpaa máŋ nɛnî-kpela kpáaŋɔɔ̂i a Kúnuu-namui ŋɔmɛni-ŋai, da berei a pɔ̂ri kɛ̂i la a gbono da ŋɔmɔleŋ maa-waai. Kɛ́lɛ, nɛnîi nyíi surɔ̂ŋ káa ǹyêei, gbáaŋɔɔ̂i a ŋ̀éniɛi su-sãa, da berei a pɔ̂ri ŋɔsurɔ̂ŋ líi lâai lai.

Kɔleŋtiɛŋ Veerɛi 10:8

Kpɛ́ni fêi, à kɛ̀ máŋ ŋà yoŋka támaa tèe kúwala-walai mɛni ma, nyíi Kúnuu-namui è dɛ̀ɛ kúpɔ a gɛ́ɛ kú kátɔɔ lai, ǹyaŋ kasu-kara-mɛni fei, gɛ̀ ní ŋumɛ fé pâi ŋ́gɛ̂i.

Kɔleŋtiɛŋ Veerɛi 3:12

Tãi gili-kɛ-zu sii ti káa la kúyêei, lii-kpele támaa káa kúyêei.

Kɔleŋtiɛŋ Veerɛi 4:10

Zîsɛ ŋɔsaai káa kúkponôi a tãi kélee a gɛ́ɛ ŋɔfúlu-laai é lɛ́ máŋ kúkponôi.

Kɔleŋtiɛŋ Veerɛi 5:15

È sàa núu kélee mɛni ma a gɛ́ɛ diai díkaa ɣele mai, dífe kɛ̀ ɣele ma díkpîŋ mɛni ma, kɛ́lɛ, dí kɛ́ ɣele ma Kôrai mɛni ma, nyíi sàa dí-mɛni ma é mu siɣe saa yêei.

Kɔleŋtiɛŋ Veerɛi 7:14

Kpɛ́ni fêi, à kɛ̀ ŋà ŋálii-nɛ̃ɛ̂i mɛni ƃò ma nyíi gáa ŋ́gbonôi kámɛni mai, fé ŋumɛ ni. Kpɛ́ni fêi, m̀ɛnii kélee kú mò kâai è kɛ̀ la a tɔ̃yâi, bere nɔ́ ƃe kúyoŋkâi kú dèe Taitɔ ŋɛi è kɛ̀ la a tɔ̃yâ.

Kɔleŋtiɛŋ Veerɛi 7:4

Náâi a káa kpɔ́ a ŋ̀ánaa. Ńii nɛ̃ɛ̂i kámɛni ma kpɔ́ a ŋ̀ánaa. Ńii láa fɛɛ̂i a ŋa-nɛnɛ. Kúmɛni-kpɔ̂lui kélee su, ńii nɛ̃ɛ̂i kpɔ́ a ŋ̀ánaa.

Felepiɛŋ 1:14

Ŋánûai dámaa-ɣele da nâa láa a Kúnuu-namui ḿbiliɛɛ kpini-pɛrɛ mu sarâi, dílii a kpele kpɔ́ a ŋ̀ánaa a gɛ́ɛ dífe yao a Ɣâla ŋɔwóoi ƃoɔɔ.

Felepiɛŋ 2:17

À kɛ̀ máŋ da ŋ́ãa pù zâla-sɛŋ ma nyíi gáa a kálaa-lai da kátii kɛ́ɛ Ɣâla mɛni mai, ńii nɛ̃ɛ̂i kwa kâa-ni kú kɛ́ lii-nɛ̃ɛ kula kúkelee.

Kolasiɛŋ 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa m̀ɛni-solii ŋí ŋ̀aa-see kɛ̂i a ŋ́gbono. Kôrai è m̀ɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Tɛsɛlôniɛŋ Maa-ŋuŋ 5:23

Nii-see-Ɣalai ǹyaa kpîŋ é kámaa wáa pere sii kélee su. Sɔnyɔ̂ŋ fé kɛ́ kámɔlêŋ mâ da kákponôi a Kúnuu-namui Zîsɛ Kôrai pá tãi.

Pitɛ Maa-ŋuŋ 4:16

É máŋ kɛ́ tí, à kɛ̀ núu à mɛni-soli kàa yɛ̂ɛ Kôrai-nuu, maa-ŋumɛ fé kɛ́ mà, kɛ́lɛ, tɔɔ é Ɣâla ŋɔfólo-laai maa tɛ́ ǹáai tí mu.

Zɔ̂ŋ Maa-ŋuŋ 2:28

Nîa-pɛlɛɛ, ka kɛ́ nâa gbonôi a gɛɛ tãi a pâi pâi lai, lii-kpele é kɛ́ kúyêei, a gɛɛ ŋumɛ fé kúkɛ kú kúla pôlu a bá tãi.