Felepiɛŋ 1:11 - Ŋ̀âla Kɔlɔ Maa Waai

¹¹ Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Felepiɛŋ 1:11 ပူးပေါင်းရင်းမြစ်များ

Wule-woo-ŋa 1:3

Díkaa yɛ̂ɛ sí-sãa nyii-ŋai dísiɣɛ̂i yá kɔlɛi. Da kpɛ̂tɛ díkɛ ƃà tãi ma. Dílaa fa wɔ́lɔ kpàla dîa. Díkɛ mɛni kélee ŋ̀aa-see a kɛ̂ a ǹɛ́lɛɛ díyêei.

Azaya 5:2

Ŋáwɛli kɛ́-maa nuui è gwaai ma síŋ, é gɔni-ŋai kélee kúla naa. È kpɔmɔ kpâa lɛ́lɛɛ-ŋa sì naa. È yeŋkêŋ tɔ̀ɔ gbâlaŋ sâmai. È lóa tèe ƃɛ́i a pâi kɛ̂i gbɔmɔ-ƃai táŋ-nîi naai. È maa kpɛ̂ŋ kɛ̀ a gɛɛ gbɔmɔ-ƃai kpɔlu tãi é seri, kɛ́lɛ gbɔmɔ-ƃai kélee è kɛ̀ a gbona-kpônaa.

Azaya 60:21

Ínûai kɛ́ mɛni kélee a pâi kɛ̂i a zã́a. Ǹɔii a pâi kɛ̂i a dí pɔ́ɔ wɔ́lɔ-wɔlɔ. Ŋá díkpɛ̀tɛ, ŋá dísi, a gɛɛ dí ŋá kɛ́tɛ-laai lɛ́ núu kélee ma.

Azaya 61:11

Berei kpɔ́ nɔ́ da sí-sɛŋ sì la, é sóo é ƃɔlɔi, Ŋ̀wála-wâla kélee Yâwɛɛi a pâi ŋɔnûai ƃâloi. À kɛ̀ tí, ǹɔii-ŋûŋ-ŋai su ƃelai kélee da pâi ǹaa maa tɛ̂i.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi laa maa tɛ̂ yokpo tôo dîa. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Maafîu 5:16

Tɔɔ kákwaa-ponoɔ̂i é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zɔ̂ŋ 15:2

Ŋoŋoi kélee nyii va ƃâi, a dèe e bili. Ŋoŋo nyii-ŋai da ƃâi e díŋa tée e dímaa kpɛtɛ, a gɛɛ dí ƃa a dámaa.

Zɔ̂ŋ 15:8

Nyíŋi mɛni ƃé Ńâŋ ŋɔfólo-laai maa tɛ̂ɛi la a gɛɛ ká ƃá a dámaa, ǹyaŋ à kɛ̀ tí, ká kɛ́ a ḿbôlu-ƃela.

Lomaŋ 15:28

Mɛni ma tãi ŋà nyíŋi kpɛ̀ɛ la, ŋá zɛŋ-kaoi tɛ́ɛ dípɔ Zɛ̃tai-ŋai dí bu gîe mai, ŋa pâi tɛɛ̂i a kápɔ naa-pere ŋá lí Sipîŋ;

Lomaŋ 6:22

Kɛ́lɛ, ká nâa kùla sɔnyɔ̂ŋ ŋɔwála-walai mu ka kɛ́ a Ɣâla ŋɔnûa. M̀ɛni lɛ́lɛɛ ƃa ka nâa kɛ́ a Ɣâla pɔ́ɔ, nyaŋ m̀ɛni lɛ́lɛɛi pâi kulâi nyíŋi su kámɛni mai ƃa wɔ́lɔ-wɔlɔ fulu-laai.

Kɔleŋtiɛŋ Maa-ŋuŋ 10:31

Mɛni ma, kà mii-sɛŋ mìi, kpaa máŋ kà kákpèle, kpaa máŋ mɛni kélee ka gɛ̀i, ka gélee kɛ́ Ɣâla ŋɔfólo-laai mɛni ma.

Kɔleŋtiɛŋ Veerɛi 9:10

Ǹúui a sí-sɛŋ-kao tɛ̀ɛ zí-sɛŋ sí-nuui pɔ gɛ kpólo tɛɛ mii mɛni mai, a pâi kási-sãai kɛ̂i dí kpɛtɛ kpɔ́ a zu kɛ́tɛ é kátɔ̃yâ laa-lai ŋɔƃa kɛ́ é ƃɔlɔ.

Ifisiɛŋ 1:12

A gbɛtɛ gíli ŋá a gɛ́ɛ kúai kili-kɛ-zu è kɛ̀ kúyêei Kôrai kponôi a maa-ŋuŋ kú pá a laa-maa-tɛ ŋɔfólo-laai pɔ.

Ifisiɛŋ 1:14

M̀ɔlêŋ Maa Waai ƃa nɛ̀ nàa tuɛ a gɛ́ɛ kwa pâi kúpɔɔ-sɛŋ sɔlɔ ƃôi Ɣâla yêei, kú lɛ́ɛ pâi zɔlɔ ƃôi. Mɛni ma kwa ǹáa maa tɛ̂ ŋɔfólo-laai mɛni ma.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Ifisiɛŋ 5:9

Kpɛ́ni fêi, kwaa-ponoɔɔ ŋɔƃa káa mɛni lɛ́lɛɛ kélee su, da mɛni sã́a, é pɛ́lɛɛ tɔ̃yâ ma.

Felepiɛŋ 4:17

Zu-kulâi fa a gɛ́ɛ ŋa sama-sɛŋ kɔ́rîi. Kɛ́lɛ, ńii lâai zɛŋ mɛni ma Ɣâla a pâi dɛɛ̂i kápɔ zama-sɛŋ mɛni mai.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolasiɛŋ 1:6

Duŋ Lɛ́lɛɛi a pá kápɔ. Gáa ƃâi ǹɔii su gwaa kélee gɛ ƃɔlɔ. Bere ƃé è kɛ̀ la kásama tãi ká Ɣâla ŋɔƃɛlɛ-sêei maa-mɛni mɛ̀ni la ká táre zu tɔ̃yâ sui,

Tɛsɛlôniɛŋ Veerɛi 1:12

Ǹyaŋ bere sîi ŋí ƃé Kúnuu-namui Zîsɛ láai ŋɔfólo-laai m̀aa a pâi tɛ́i la kásarâi, káaŋ káfolo-laai maa é tɛ́ zarâi, yɛ̂ɛ berei Kúɣâlai da Kúnuu-namui Zîsɛ Kôrai díƃɛlɛ-sêei káa lai.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa díkaa kpɔŋ-mâa wɛ̀lii. Dífe kɛ̀ nɔ́ yɛ̂ɛ ŋ̀úrui nyíi m̀á fé ŋ̀ái.

Ibulu 12:11

Tɔ̀ŋ-kpɛ́-maa kélee fé lɛ́lɛ ní a zɔlɔ ƃo-tãi. Gáa a mɛni-soli. Ǹaa à kɛ̀ tí, a pâ a tɔ̃yâ-laa maa-lii-sêe diai pɔ da zɔlɔ ƃôi.

Pitɛ Maa-ŋuŋ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi ta da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Pitɛ Maa-ŋuŋ 2:5

Ka kákpîŋ tɔ̀ɔ a Mɔlêŋ ŋɔpɛ́rɛ yɛ̂ɛ fúlu-laa kɔni-ŋa. Ka kɛ́ a sâla láa soŋ-ƃela. Ka Mɔlêŋ ŋɔsâlai kúla Zîsɛ Kôrai sarâi nyíi a Ɣâla líi làai.

Pitɛ Maa-ŋuŋ 2:9

Kɛ́lɛ, kákaa a lɛ́-nuu suu, ka ƃo a sâla láa soŋ-nuu suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Pitɛ Maa-ŋuŋ 4:14

À kɛ̀ kálaa nyɔ́mɔɔ à kɛ̀ nûa lá Kôrai láai mɛni ma, lûwa káa kâa, kpɛ́ni fêi, vólo-laa da ŋ̀wála-wala Mɔlêŋ, nyíi gáa a Ɣâla Ŋɔmɔlêŋ, káa kámɛi.