Felepiɛŋ 1:1 - Ŋ̀âla Kɔlɔ Maa Waai

¹ Ńyãa Pɔ̂ɔ kwa Temete kúkaa a Zîsɛ Kôrai yée-mu-ƃela, Felepâ Ɣala-ƃelai kélee da nàa Kôrai-toli-kpɔŋ ŋɔtíi-mɛi-ƃelai é pɛ́lɛ nàa dìkɛŋ-ŋai dîa nyíi-ŋai díkaa Zîsɛ Kôrai kponôi:

Felepiɛŋ 1:1 ပူးပေါင်းရင်းမြစ်များ

Mâki 13:34

Gɛ̂ɛi yɛ̂ɛ núu à kɛ̀ liî sia kôyaa ma. À kɛ̀ kulâi ŋɔpɛ́rɛi lá, díi a ŋ̀wɛ̂lii ǹyée mu-ƃelai dí gɛ̂i a ǹɛ dîa é m̀ó gbôŋ lá mɛi káa-nuui ma a gɛ́ɛ é naa mɛi káa a ǹɛ́lɛɛ.

Zɔ̂ŋ 12:26

À kɛ̀ núu da à tíi kɛ̀ mîi, fɛ̂ɛ é pîlaŋ ḿbôlu; ƃɛi ŋ́gaa naai naa ƃe ǹyée-mu-nuui a pâi kɛ̂i naa máŋ; à kɛ̀ núu da ǹyaŋ à tíi kɛ̀ mîi, Nàŋ-nuui a pâi ƃâa kɛ̂i ma.

Zia-ƃelai Kɛ́-mɛni-ŋai 1:20

“Bɔ̃yɛɛ̂i Ŋ̀ule-woo Kɔlɔi su, ‘Tɔɔ gɛ̂i é kara, núu da fé kɛ́ naa.’ Bɔ̃yɛɛ̂i máŋ, ‘Tɔɔ núu da kpɛ́ni é bɔ́ɔ ŋá síɣe.’

Zia-ƃelai Kɛ́-mɛni-ŋai 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Zia-ƃelai Kɛ́-mɛni-ŋai 9:13

Kɛ́lɛ, Ananaya è ŋ̀óo su tòo, ǹyɛɛi, “Kúnuu-namui, ŋá mɛ̀ni núu támaa lá é pîlaŋ ǹalôŋ ŋí ma, a gɛ́ɛ è mɛni nyɔ́mɔɔ támaa kɛ̀ a Íɣâla-ƃelai Zerusâlɛŋ.

Lomaŋ 1:1

Ńyãa Pɔ̂ɔ, ŋ́gaa a Zîsɛ Kôrai yée mu-nuu. È ńdòli a gɛ́ɛ ŋá kɛ́ a ŋɔsia-ƃelai da. E ńziɣe a gɛ́ɛ ŋá Ɣâla ŋɔtuŋ lɛ̂lɛɛi ƃó,

Lomaŋ 1:7

Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ. Kúnâŋ Ɣâla da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.

Kɔleŋtiɛŋ Maa-ŋuŋ 16:10

Temete à pà, ka gáa a gɛ́ɛ ve yao, é kɛ́ kásama, kpɛ́ni fêi, gáa Kúnuu-namui ŋɔtíi kɛ̂i yɛ̂ɛ ńyãa.

Kɔleŋtiɛŋ Veerɛi 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, kwa Temete nyíi gáa a ku ƃarâŋ-nuui, Ɣâla-toli-kpɔŋ gáa Kɔleŋ da Ŋ̀âla-ƃelai kélee díkaa Ɛkeya-lɔii kwaa kélee:

Galesiɛŋ 1:10

Ŋ́gaa ŋɛ́i lɛ́lɛɛ̂i núu-kpune yêei, kpaa Ɣâla? Kpaa máŋ ŋ́gaa kɔ̂i a gɛ́ɛ ŋá núu-kpune líi láa? Ŋâi kɛ̀ núu-kpune líi lâai, fêi pɔ̂ri kɛ̂i a Kôrai yée-mu-nuu.

Galesiɛŋ 3:26

Kpɛ́ni fêi, kákelee kákaa a Ɣâla ŋɔnîa-pɛlɛɛ Zîsɛ Kôrai kponôi laa-la sarâi.

Galesiɛŋ 3:28

Zûu-nuu fé ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî. Kpɛ́ni fêi, kákelee kákaa tɔnɔ Zîsɛ Kôrai kponôi.

Ifisiɛŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, Ŋ̀âla-ƃelai, (nyíi-ŋai díkaa Ɛfesɛi), nyíi-ŋai díkaa a laa-la-ƃela máŋ Zîsɛ Kôrai kponôi:

Ifisiɛŋ 1:15

Sâpoi ŋí ma fé níi kpera ni sɛɣɛi-fei tɛɛ̂i kámaa-mɛni ma, kpɛ́ni fêi, ŋa kálaa-lai maa-mɛni ƃó nyíi gáa Kúnuu-namui Zîsɛ kponôi da káwɛli-kɛ-maai nyíi gáa Ŋ̀âla-ƃelai mɛni mai. Kámaa-mɛni káa ŋ́gili ŋá Ŋáɣâla-fɛliɛɛi su,

Ifisiɛŋ 6:24

Ƃɛlɛ-sêe é kɛ́ diai kélee dîa dí Kúnuu-namui Zîsɛ Kôrai wɛli ni a wɛli-kɛ-maa nyíi va sâai.

Felepiɛŋ 2:19

Kili-kɛ-zu káa ńyêei Kúnuu-namui Zîsɛ kponôi a gɛ́ɛ ŋá Temete tɛɛ kápɔ naa a maa félaa a gɛ́ɛ ńii é nɛ̃ɛ a kámɛi-tuŋ mɛniɛɛ.

Felepiɛŋ 2:5

Gili-ŋa-siai ŋí kɛ́ kákili ŋá, nyíi kɛ̀ Zîsɛ Kôrai kponôi.

Felepiɛŋ 3:12

Vé a sɛŋ a gɛ́ɛ ŋa nâa nyíŋi sɔlɔ ƃo, kpaa máŋ da ŋ́gɛ ńaa a fɛ̂ɛ. Kɛ́lɛ, ŋa kɔ̂i a gɛ́ɛ ŋá gɛ́ a ḿbɔɔ, kpɛ́ni fêi, Zîsɛ Kôrai a ŋ́gɛ a bɔ́ɔ.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Tɛsɛlôniɛŋ Maa-ŋuŋ 1:1

Pɔ̂ɔ da Seveenɔ é pɛ́lɛ Temete ma, Tɛsɛlonaika-ŋai díkôrai-tóli-kpɔŋ, nyíi gáa Ɣâla Ǹaŋ-nuui kponôi da Kúnuu-namui Zîsɛ Kôrai: Ƃɛlɛ-sêe da lii-sêe dí kɛ́ káyêei.

Tɛsɛlôniɛŋ Maa-ŋuŋ 2:2

kɛ́lɛ, berei máŋ kú mɛni-soli kàa la Felepâi dí ŋumɛ-tua kɛ́ naa a kúai, yɛ̂ɛ berei káa kpîŋ ká gɔ́lɔŋ lai, lii-kpele è kɛ̀ kúyêei Kúɣâlai kponôi a gɛ́ɛ kú Ɣâla ŋɔtuŋ lɛ́lɛɛi ƃó kâa, berei máŋ núu támaa dífe kɛ́ ni a dífaa la mai.

Tɛsɛlôniɛŋ Veerɛi 1:1

Laa-ti-maa káa kulâi Pɔ̂ɔ da Seveenɔ é pɛ́lɛ Temete ni yêei gɛ̀ lí Tɛsɛlonaika-ŋai Díkôrai-toli-kpɔŋ pɔ́. Ǹûai ŋí díkaa a Ɣâla Nàŋ-nuui da Kúnuu-namui Zîsɛ Kôrai dínûa.

Tɛsɛlôniɛŋ Veerɛi 1:10

Tãi a pâ la a maa-ɣelei tí a gɛ́ɛ ŋɔnûai dí ŋɔfólo-laai maa tɛ díƃâa kɛ́ m̀ai, kákelee ka pâi kɛ̂i dí sama, kpɛ́ni fêi, ká lâa a kúsêre-faai.

Temete Maa-ŋuŋ 1:2

Ŋa gɔlɔi ŋí pɔ̃yɛ̂i Temete pɔ́, nyíi gáa a ŋátɔ̃yâ-loŋ naa-lai sui. Ƃɛlɛ-sêe, maloŋ-kâa, da lii-sêe dí kúla Kúnâŋ Ɣâla yêei da Kúnuu-namui Zîsɛ Kôrai dí pá ípɔ.

Temete Maa-ŋuŋ 3:8

Ǹyaŋ bere nɔ́ ƃe máŋ gáa la, fɛ̂ɛ díkɛŋ-ŋai dí dímɛi kaa, dífe kɛ̀ a ǹûai dínɛŋ káa díla feerɛ, dífe kɛ̀ a lɔɔ-kpele-ƃela, dífe kɛ̀ a sɛŋ-kao wɛli-ƃela.

Taitɔ 1:1

Ńyãa Pɔ̂ɔ, ŋ́gaa a Ɣâla yée-mu-nuu, ŋ́gɛ ƃò ŋɔ́nɔ a Zîsɛ Kôrai ŋɔsia-nuu. Diai Ɣâla è dílɛ̀i, kwa dîa-ni kúlaa-lai káa zu tɔnɔɔ da dɔ̃yâi maa-tarei gáa díyêei nyíi da Ɣâla mɛni-kɛɛ díkaa zu tɔnɔi.

Taitɔ 1:7

Kpɛ́ni fêi, maa fé nɛ̃ɛ ní a gɛɛ Kôrai-tóli-kpɔŋ ŋɔtíi-mɛi-nuu nyíi gáa a Ɣâla ŋɔtíi-kɛ-nuui zɔŋ é kɛ́ mà. Vé kɛ̀ a yoŋka-nuu, kpaa máŋ lii fãa goi nûu, kpaa máŋ lɔ̂ɔ-kpele-nuu, kpaa máŋ namu-kɔ́-nuu, kpaa máŋ sɛŋ kao wɛ̂li-nuu.

Falemɔŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔluɛ, kwa kúƃarâŋ Temete, Kúƃarâŋ wɛli-kɛ-maa tii-kɛ́-nuui Falemɔŋ

Ibulu 13:23

Fɛ̂ɛ ká táre zu a gɛɛ kúƃarâŋ Temete ŋuŋ mâ a nâa ƃó. Tãi kpɔ́ nɔ́ a pâi lai, kwa ǹyaa kwa pâi pâi kú kákaa.

Zĩi 1:1

Ńyãa Zĩi ŋ́gaa a Ɣâla da Kúnuu-namui Zîsɛ Kôrai dítii-kɛ-nuu. Nuu-suu puu kao féerɛi díkaa Zɛ̃tai-ŋai samai: Ŋá fáa kâa.

Pitɛ Maa-ŋuŋ 2:25

Kpɛ́ni fêi, ká kɛ̀ yɛ̂ɛ ƃála-ŋa nyíi-ŋai kɛ̀ pâi lánîi, kɛ́lɛ, ka nâa pá pôlu M̀ála mɛi-kaa-nuui pɔ, ǹúui a kámɔlêŋ mɛi kâai.

Pitɛ Veerɛi 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛɛi dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Zûu 1:1

Ńyãa Zûu, ŋ́gaa a Zîsɛ Kôrai yée-mu-nuu, ŋ́gɛ ƃo a Zĩi ǹêɣe, Diai Ɣâla è dítòli, nyíi-ŋai Ɣâla Nàŋ-nuui è díwɛli, nyíi-ŋai Ɣâla è díkɛ̀ naa Zîsɛ Kôrai mɛni mai.

M̀ɛni-lɛɛi 1:1

Zîsɛ Kôrai ŋɔmɛni-lɛ́ɛi nyíi Ɣâla è dɛ̀ɛ bɔ́ a gɛɛ m̀ɛnii pâi kɛ̂i a maa félaai é lɛ́ ǹyee-mu-ƃelai dîa. Ǹyaŋ è nyíŋi lɛ̀ a ŋɔkélai tɛ́ɛ ǹyée-mu-nuui Zɔ̂ŋ pɔ́naa.

M̀ɛni-lɛɛi 1:20

À kɛ̀ a noo-mɛnii gáa bɛmɛlɛŋ-kao lɔ́ɔlu mɛi feerɛi su nyíi-ŋai í díkàa náa-mii-yee ŋá da gôo-laŋpo see-sɛŋ lɔ́ɔlu mɛi feerɛi, bɛmɛlɛŋ-kao lɔ́ɔlu mɛi feerɛi ƃa Kôrai-toli-kpɔŋ lɔ́ɔlu mɛi feerɛi díkela-ŋai, ǹyaŋ laŋpo see-sɛŋ lɔ́ɔlu mɛi feerɛi ƃa Kôrai-toli-kpɔŋ lɔ́ɔlu mɛi feerɛi.

M̀ɛni-lɛɛi 19:10

Ǹaa pôlu mà, ŋá tòo gɔ́ɔ mu a gɛɛ ŋa vɛ̀li, kɛ́lɛ, è mò mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai da Zîsɛ ŋɔsêre-faai maa-mɛni sòŋ a gbanaŋɔɔ̂i. Ɣâla fɛli.” Kpɛ́ni fêi, Zîsɛ ŋɔsêre-faa-kɛɛi ƃa núu-kpune kɛ̀ é Ɣâla-woo ƃó.

M̀ɛni-lɛɛi 2:12

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Pɛgamɔŋ ŋɔkélai pɔ́naa. ‘Ǹúui m̀óa-sɔkpɔ ŋá kɛ́ɛ gwaa feerɛ mai káa ǹyêei, ŋ̀óo ká ŋí.

M̀ɛni-lɛɛi 2:8

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Simɛnai ŋɔkélai pɔ́naa. ‘Ǹúui gáa a maa-ŋuŋ da gbɛɛ ŋái nyíi sàa é pá pôlu fúlu-laa sui, wóo ká ŋí.

M̀ɛni-lɛɛi 22:9

Kɛ́lɛ, è m̀o mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai díkaa a Ɣâla ŋɔlóno-kɛ-ƃelai, da diai da gɔlɔi ŋí wóo-ŋai lâai kɛ̀i. Ɣâla fɛ̀li.”