Ɛzura 9:3 - Ŋ̀âla Kɔlɔ Maa Waai

³ Tãi ŋá m̀ɛnii ŋí mɛ̀ni lai, ńii è tòo pôlu a ŋ̀ánaa. Nya ƃe ŋá ŋáseɣe fàla-fala ḿâ ŋá ŋ́uŋ lêɣa wêyeŋ, ŋá ńa-leɣa pú, ŋá sée ǹɔii ma a malôŋ-pere.

Ɛzura 9:3 ပူးပေါင်းရင်းမြစ်များ

Samia Veerɛi 1:11

Deeƃé è ŋɔseɣei kùla gɔŋ ma é vála-fala. Ǹyée mu sinaai dia-ni máŋ dí díwɔ̂-ŋai kɛ̀ tí.

Kâloŋ Veerɛi 18:37

È kɛ̀ tí, Iliakiŋ, Sibina da Zoa dí díseɣe-ŋai fàla-fala a lii-too pôlu. Dí lì pôlu dí mɛni-ŋai kélee ƃó gâloŋ ma nyii-ŋai Asiria kɔ-kɔ-ƃelai mɛi-nuui è mòi.

Niɛmaya 1:4

Tãi dí mɛ̀nii ŋí ƃò la ḿâi, ŋá sèe ŋá wɔ́lɔ. Ŋá sèe a malôŋ pere yɛ̂ɛ nya ƃé saa a too ḿâ. Malôŋ è too ḿâ kpɔ́ a ŋ̀ánaa fé mii-sɛŋ da mii ní a ɣele kûu kpɛ́-kpɛɛ. Ŋá Ɣâla nyii gáa Ɣâla-taai fɛ̂li é pîlaŋ m̀ɛnii ŋí ma.

Niɛmaya 13:25

Ŋá ńii ŋwàna dîa ŋá dí náɣaŋ. Ŋá da-ŋa lòkwa, ŋá díŋuŋ nîa wêyeŋ. Ŋá gɛ̀ dí dífoo a Ɣâla láa a gɛɛ dífe pâi wɔ́lɔ ŋɔ́nɔ sîi da kpɛ́ni ŋa dílônii-nɛyâai da kulâi a dínɛyâa kpaa máŋ dílônii-nɛyãai da é sîi da kpɛ́ni kúla a surɔ̂ŋ.

Zôo 1:20

Nya ƃe malôŋ è tòo Zôo ma è mù sìɣe é tɔ́ɔ é ŋɔseɣei fála ma, é ŋuŋ kálaŋ ma é pîlaŋ ŋ̀úme ŋá, é dôŋ-la pîlaŋ ǹɔii ma gɛ́ Ɣâla fɛ̀li.

Wule-woo-ŋa 119:53

Tãi ŋa ŋ̀wana-lɔ̂ɔ-ƃelai kâa la díkɛ ítɔ̂ŋ kàrai, ńii a ŋwâna a ŋ̀ánaa.

Wule-woo-ŋa 143:4

Kili-kɛ-zu da fé ŋɔ́nɔ ńyêei. Ńii toɔ̂ɔi kpɔ́ pôlu a ŋánaa.

Wule-woo-ŋa 66:3

Ka m̀ó Ɣâla ma kâai, “Íkɛ mɛni-ŋai mĩli-mĩliɛɛi. Wála-wala kpanaŋ káa íyêei. Íkpɔara-ƃelai dí tòo íkɔɔ mu a yao maa-pere.

Azaya 15:2

Dibɔŋ-ƃelai da tɛ́ ǹyéei tôŋ su a gɛɛ dí gbêɣei tóo. Môa-ƃelai da díŋuŋ kálaŋ ma da díla-leɣa pú, díkɛ gbêɣei tòo Nibo da Mɛdeba mɛni ma.

Zɛlemaya 36:24

Kɛ́lɛ, gâloŋ, kpaa máŋ ŋɔtíi kɛ́-ƃelai dɔnɔ kpîŋ fé yao ní kpaa máŋ é ŋɔseɣei fála a gɛɛ é ǹɛ́ a gɛɛ malôŋ toɔ̂ɔi ma gɔlɔi ŋí lóno-woo mɛ̀ni ma.

Zɛlemaya 7:29

“Ka káŋuŋ ƃó ká káŋuŋ-leɣa pili. Ka wɔ́lɔ kpɔ́ ǹyée kpaya-kpayai dîa, kpɛ́ni fêi, Yâwɛɛ a ǹyée kúla ká mu, a bôlu tɔɔ kâa, káai a ǹúu-suui nyíi ǹíi ŋwânai kâai.

Izikiɛ 3:15

Nya ƃe ŋá sèri gɔ̀-pu-ƃelai dîa nyii-ŋai kɛ̀ Tɛɛ-a-bii nyii kɛ̀ Siƃa Ya-leei kɔlɛi. Ŋá gɛ̀ naa a fólo lɔ́ɔlu mɛi feerɛ ńdɛ̂i-pere.

Izikiɛ 7:18

Da pâi maloŋ-tôo maa seɣe tôoi dîa. Dí dímaa ɣiri a mɛni-kpɔlu seɣe. Ŋumɛ a pâi dísonîi. Kpólaŋ è tòo díŋûa a tɛɛ ŋa.

Danîa 4:19

Gɛ́ɛ tíi, Danîa nyii da kâa dòli máŋ a Bɛtisazai, ǹáa è kɛ̀ nɔ́ kpɔ́ va pɔ̂ri lônoi. Gâloŋ ǹyɛɛ mai, “Bɛtisaza, zee-wooi maa mɛni fé ílii ƃèla yâ.” Bɛtisaza è zu tòo ǹyɛɛ mai, “Eê pɔ̂ri kɛ̂i a ǹɛ́lɛɛ a kɛ̀ zee-wooi ŋí da zu kulâi pîlaŋɔɔi nɔ́ íkpɔara-ƃelai dîa, yá fêi.

Danîa 8:27

Kɔlɔ è kpɛ̀ɛ ḿâ ŋ́gɔlɔ é fãa ḿâ ɣele kûu kpɛ́-kpɛɛ yée mu. Nya ƃe ŋá lì pôlu ŋátii kɛ́ɛi su gâloŋ pɛrɛi mu. Ŋá zĩ̂ai ŋí làa a ŋ́gili berei máŋ fé ŋ̀á káa-ni la mai.

Levetekɔ 21:5

Zâla láa soŋ nuui da fé ŋ̀uŋ gwaa da ma leɣa pu, ǹáa leɣa kpaa máŋ é pɔ́ɔ kɛ́ gɔlɔ gwaa da ma nyii pâi ǹɛ̂i a gɛɛ malôŋ toɔɔ̂i ma ŋɔnúu da saa mɛni mai.

Maka 1:16

Zuda-ƃela, ka káŋuŋ kálaŋ ma ká wɔ́lɔ káwɛli-kɛ-maa lonii mɛni ma. Ka káŋuŋ kálaŋ ma yɛ̂ɛ kpúlaŋ a tòo núu ŋûa kpɛ́ni fêi, da pâi liî a kálônii kélee luɛ-laa su.

Zasua 7:6

Nya ƃe Zasua da ǹúu ŋuŋ túɛ-ƃelai kɛ́ Eezuɛ dí díseɣe-ŋai fàla dí luu pú díŋûa dí tóo ǹɔii ma Yâwɛɛ Ŋɔkono-têe gãlai ŋɛ́i túɛ é lɛ́ɛ la zu ɣele wulii é kɛ́.