Ɛzura 9:2 - Ŋ̀âla Kɔlɔ Maa Waai

² Zûu kpakolo-ŋai díkɛ̀ sîi da kpɛ́ni-ŋa dílônii-nɛyaai kulâi a dínɛyâa. Dí da-ŋa kùla a nɛyâa dílônii-sinaai mɛni ma. M̀ɛnii ŋí a gɛ́ nani a kɛ́ Ɣâla ŋɔnûai dîa. Ǹúu láa túɛ-ƃelai ƃé díkaa m̀ɛnii ŋí kɛ́-mɛni láa túɛ.

Ɛzura 9:2 ပူးပေါင်းရင်းမြစ်များ

Zɛnɛse 6:2

Ɣâla ǹônii-sinaai dí núu-kpune ǹônii-nɛyâai kàa dílɛlɛɛ. Nya ƃe diai kélee dí díwɛ̂lii, dí díkùla a dínɛyâa.

Kâloŋ Maa-ŋuŋ 11:1

Gâloŋ Saloma è lɔii da kpɛ́ni su nɛyaa támaa kùla é kúla Ize kaloŋ ǹóŋ-nɛnii pôlu. È nɛyâa kùla Môa nuu suui su, Amɔŋ-ŋai, Idɔŋ-ŋai, Sidɔŋ-ŋai da Ita-ŋai.

Ɛzura 10:2

Nya ƃe Elaŋ ŋɔsuui su-ƃelai láa túɛ-nuui Sikania, nyíi kɛ̀ a Zeiɛ ǹóŋ-surɔŋ, è m̀o Ɛzura ma ǹyɛɛi, “Kwa Ɣâla ŋɔtɔ̂ŋ kara. Kwa sîi nɛyaa kula nyíi vé a Ɣâla líi laa mɛnii. Kɛ́lɛ kwa kpera m̀ɛnii ŋí ma. Kili kɛ-zu káa ńyêei a gɛɛ Ɣâla a pâi ŋɔ́nɔ ǹyée seêi kúmù.

Ɛzura 9:12

Dí m̀o kûa a gɛɛ kúfe ǹaa-ƃelai dílônii-nɛyãai da kùla a nɛnî kúmɛni ma kpaa máŋ kú kúlônii-nɛyãai da tɛɛ dípɔ a gɛɛ dí díkula a nɛnî. Kúfe tela kpɔŋ mâa tɛ̀ɛ da pɔ́ a gɛɛ é tɔ́ɔ kpaa máŋ kú laoi-laa kɔ́ri díyêei, à kɛ̀ kwa ŋ̀wɛ̂lii kú ǹɔii kpîŋ ŋ̀aa nɛ̃ɛ kula, kwa sìɣe naa, ǹaa é tínaa lɛ́ɛ kúlônii yêei wɔ́lɔ-wɔlɔ da wɔ́lɔ-wɔlɔ.

Ɛzura 9:14

Kwa pɔ̂ri ŋɔ́nɔ kúyee kulâi ítɔ̂ŋ-ŋai mu kwa ǹúu nyɔ́mɔɔ-ŋai ŋí kú nɛnî kula kúkîe-ni loai? Kwa gɛ̀ tí, ya pâi ílii ŋwânai kpɔ́ kûa í kúsu kara kútɔnɔ kpîŋ fa lɛ̂ɛ ɣele ma.

Niɛmaya 13:17

Nya ƃe ŋá ńii ŋwàna Zuda-ŋai láa túɛ-ƃelai dîa ńyɛɛ dîai, “Ká káa Vii-tɔɔ-ɣelei maa tĩa karâi. Mɛni nyɔ́mɔɔ ká tí ka gɛ̂i.

Niɛmaya 13:28

Iliasi è kɛ̀ a sâla láa soŋ nûu kɛ́tɛ. Ǹóŋ-surɔŋ láa ƃé kɛ̀ a Zioada. Zioada ǹônii-sinaai dɔnɔ è Saŋbala ǹóŋ-nɛnii kùla a ŋɔnɛnî. Saŋbala pɔ́ taai ƃé kɛ̀ a Bɛ-orɔŋ. Nya ƃe ŋá gɛ́ dí Zioada kpɛ́ Zerusâlɛŋ.

Ɛsedɔ 19:6

Ka pâi kɛ̂i a ŋálɔii-ŋuŋ su-ƃela nyii-ŋai pâi tíi kɛ̂i mî yɛ̂ɛ sâla láa-soŋ-ƃelai. Ka pâi kɛ̂i a ŋánûa maa-waa-ŋa. Ŋóo-ŋai ŋí ƃé í m̀ó ǹûai dîa.”

Ɛsedɔ 22:31

“Kákaa a ŋánûa maa-waa-ŋa. Mɛni ma káfe taa-tulɛ mii nyii lɔɔ-fɛnɛ-sãa dí zòŋ. Ka maa-fɛnɛ-sɛŋ píli ŋîla-ŋai dîɛ.”

Ɛsedɔ 34:16

Káfe dílônii-nɛyãai da kùla a nɛyâa kálônii-sinaai mɛni ma. Kà gɛ̀ tí, tãi da kɛ̀ díɣâla-ŋai fɛlîi la pere sîi nyɔ́mɔɔ-ŋa sui, da pâi kálônii-sinaai líi penêi dí nia mâ da dîa-ni díkɛ díɣâla-ŋai fɛ̀li.

Azaya 6:13

À kɛ̀ kpîŋ núu tɔ̂nɔ a lɛ̀ɛ naa, ŋa pâi maa nûui su-karâi. Maa nûui a pâi kɛ̂i nɔ́ yɛ̂ɛ ôo wuru ƃé da mɛi tée maa ŋumei a lɛɛ tɔɔ̂ni.” (Ŋ̀umei káa yɛ̂ɛ ɣéniɛ nina kɔ́ɔ pîlani Ɣâla ŋɔnûai mɛni ma.)

Levetekɔ 21:15

a wàla kɛ́ tí ŋɔnîa-pɛlɛɛi nyii-ŋai maa nɛ̃ɛi dí kɛ́ a dímaa waai, dímaa fé pâi kɛ̂i a ŋ̀waa. Ńyãa ƃa Yâwɛɛ nyii m̀aa waai.”

Malakai 2:11

Zuda-ƃelai da díkono-têei kara Ɣâla yêei, ǹyaŋ da mɛni nyɔ́mɔɔ kpɛɛ pôlu kɛ́ Zerusâlɛŋ da Zuda lɔii gwaa kélee. Da Yâwɛɛ Ŋɔpɛ́rɛi kara nyii è ŋ́wɛlini. Zinâai dí nɛyaai kùla diai Ɣâla ŋɔkpɛtɛ-sãai sîɣe a díɣâlai.

Malakai 2:15

Ɣâla fé kákɛ ní a kpono tɔ̂nɔ mɔ̂leŋ sarâi? È nyíŋi kɛ̀ lé mɛni ma? È nyíŋi kɛ̀ a gɛɛ ká nîa-pɛlɛɛ sɔlɔ ƃó dí kɛ́ a Ɣâla ŋɔnûa. M̀ɛni ma ka kákpîŋ mɛi káa a gɛɛ ká ta fé ŋɔkono-têei kara ŋɔnɛnîi yêei.

Kɔleŋtiɛŋ Maa-ŋuŋ 7:14

Kpɛ́ni fêi, zurɔ̂ŋ nyíi laa-la fé ǹyêei a maa-waa-laa sɔlɔ ƃô nɛnîi sarâi. Ǹɛnîi ǹyaŋ laa-la fé ǹyêei a maa-waa-laa sɔlɔ ƃô ŋɔsurɔ̂ŋ sarâi. À wàla kɛ́ ti, kánîa-pɛlɛɛi maa fé pâi waâi, kɛ́lɛ, yɛ̂ɛ berei gáa lai, dímaa waâi.

Kɔleŋtiɛŋ Veerɛi 6:14

Diai laa-la fé díyêei káfe díkɛ a káƃarâa. Kpɛ́ni fêi, lé ƃé kɛ̀-zu-tɔnɔɔ a gɛ̀ a tɔ̃yâ laa-la da ŋ̀wana-lɔ̂ɔ? Kpaa máŋ, lé ƃé kɛ̀-zu-tɔnɔɔ a gɛ̀ a kwaa-ponoɔ da kpíni?

Dutɛrɔnome 14:2

Kpɛni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Dutɛrɔnome 7:6

Kákaa a núu maa waa-ŋa Yâwɛɛ mɛni ma. Káa ƃé a kásiɣe zu a gɛɛ ká kɛ́ a ŋɔnuui gbîŋ-ŋa ɣele ma.

Zasua 22:15

Nya ƃe dí pà Lubiŋ, Gâa da Manasɛ-ŋai pɔ́ naa Gilia lɔii su, dîɛ dîai,

Zasua 23:12

À kɛ̀ káfe tûa ní a teniŋ ƃô pere, ká ǹɔii-ŋûŋ-ŋai kákaa zui zu-ƃela tûa pere siɣe, ka dîa-ni kákɛ nɛyâa kula kákîe-ni loai,