Ɛzura 5:2 - Ŋ̀âla Kɔlɔ Maa Waai

² Tãi Siatiɛ ǹóŋ Zɛrubabɛɛ da Zasua ǹóŋ Ziozada dí ŋ̀orɛ̂-woo-ŋai ŋí mɛni lai, dí pɛ̀lɛ ŋɔ́nɔ Ŋ̀âla-pɛrɛ Kɛ́tɛi tɔɔ̂ ma Zerusâlɛŋ taa-leei su. Ɣâla ŋɔlóno kɛ́-ƃela feerɛi ŋí dí kpɔŋ-mâa tɛ̀ɛ dípɔ.

Ɛzura 5:2 ပူးပေါင်းရင်းမြစ်များ

Ɛzura 1:8

È zãâi ŋí kélee tɛ̀ɛ Miturɛda pɔ́. Miturɛda ƃé kɛ̀ a gâloŋ yêei-sãai kélee mɛi-ƃelai láa-tuɛ núu. Miturɛda è zãâi kélee lòno é dílaa pú kɔlɔ ma Sibazɛ mì, nyíi kɛ̀ a Zuda lɔii láa-tuɛ nuui a maa tãi tí.

Ɛzura 10:18

Zinâai sîi nɛyaa díkɛ̀ díyêei, dí dílaa pɔ̃yɛ yɛ̂ɛ berei dísuui káa lai. Zâla láa soŋ-ƃelai dílônii sinaai nyíi-ŋai sîi nɛyaa kùlai dílaa ƃa: Maaseia, Iliezɛ, Zari da Gidalia. Ǹûai ŋí dí kùla Ziozada ǹóŋ Zasua da ǹêɣe sinaai dísuui su.

Ɛzura 3:2

Nya ƃe Ziozada ǹóŋ-surɔ̂ŋ Zasua da m̀arâa sala láa-soŋ-ƃelai, Siatiɛ ǹóŋ Zɛrubabɛɛ da ŋɔnûai dí díŋa tɛ̀ díkîe ma. Dí Eezuɛ-ƃelai Díɣâlai ŋɔsâla-ŋai kúla kwaai ma tɔ̀ɔ pôlu dí kɛ kéreŋ sala kula naa yɛ̂ɛ berei bɔ̃yɛɛ̂i la Ŋ̀âla-nuui Mose ŋɔtɔ̂ŋ kɔlɔi sui.

Ɛzura 3:8

Dí lenéɛɛ pôlu Zerusâlɛŋ, maa kôraŋ veerɛi ŋɔɣáloŋ veerɛi su ƃé dí pɛ̀lɛ la Ŋ̀âla-pɛrɛ Kɛ́tɛi tɔ̂ɔ ma. Ǹûai ŋí kélee dí díyee pù Ŋ̀âla-pɛrɛ Kɛ́tɛi tɔɔ mɛni su: Zɛrubabɛɛ, Zasua da Ziozada ŋɔkáayɔɔ-ŋai, zâla láa-soŋ-ƃelai da Liiva-ŋai é pɛ́lɛ diai kélee kùla gɔ́-soŋ laai su dí lene pôlu Zerusâlɛŋ dîa. Liiva-ŋai kélee kɛ̀ a kóraŋ buu feerɛ é tɛ́ naa túɛ-perei, dí dí pù Ŋ̀âla-pɛrɛi ŋí tɔɔ pôlu maa mɛni láa túɛ.

Ɛzura 6:14

Zuda-ŋai láa túɛ-ƃelai dí lì tuɛ-pere a Ŋ̀âla-pɛrɛi tɔɔ tîi. Ɣâla ŋɔlóno kɛ́-ƃelai Egaa da Zɛkɛraya díkɛ̀ díkɔlɛ ma, díkɛ dílii kùla. Dí Ŋ̀âla-pɛrɛi tɔ̀ɔ dí kpɛ́ɛ ma yɛ̂ɛ berei Eezuɛ Ɣalai è maa wâla-wala-laa tɛ̀ɛ la dípɔi. Dí díi ŋí kɛ̀ Pɛsia kaloŋ-ŋai Sarɔ, Darɔ da Atasɛra-ni dí wála-wala laai sârai.

Egaa 2:18

É lɛ́ɛ kákili-ŋá, é síɣe sâa ma, ŋ̀áloŋ lɔ́ɔlu mɛi náaŋ ŋɔfólo buu feerɛ kao náaŋ ɣele ƃe ká ńyãa Yâwɛɛ ŋápɛrɛi kɔ́ɔ pìlaŋ la.

Zɛkɛrâya 4:14

Nya ƃe è mò ḿâ ǹyɛɛ, “Dia ƃa gbakolo feerɛi Kúnuu-namui nyii gáa ǹɔii kélee mɛi a dísiɣe zu é wúlɔ pú díŋûa a gɛɛ dí tíi kɛ́ mì.”

Zɛkɛrâya 4:4

Nya ƃe ŋá Ŋ̀âla-taa-kelai marê kɛ̀ ńyɛ̂ɛi, “Ŋánuu-namui, zãâi ŋí díkaa lé mɛni ma?”

Zɛkɛrâya 6:11

Ƃɔrɔ kpɛtɛ a káne da gôo nyii ǹûai dí dɛ̀ɛ ípɔi í zee Ziozada ǹóŋ Zasua ŋûa nyii gáa a zâla láa-soŋ-nûu kɛ́tɛi.

Zɛkɛrâya 8:9

“Tɔɔ káyee su é kpanáŋ káai kákaa ŋ̀óo-ŋai ŋí mɛnii gɛ́ kùla ŋálono kɛ́-ƃelai lá é síɣe tãi ma dí Ŋápɛrɛi tɔɔ pôlu kɔ́ɔ pìlaŋ lai.

Kɔleŋtiɛŋ Veerɛi 1:24

Zu-kulai fa kúwala-wala è kɛ́ kálaa-lai mɛi. Kwa káa-ni kwa tíi kɛ̀ kálii-nɛ̃ɛi mɛni ma, kpɛ́ni fêi, kákaa tɔ̂ɔni a gbanaŋɔɔ kálaa-lai su.