Ɛzura 5:1 - Ŋ̀âla Kɔlɔ Maa Waai1 Zuda-ŋai kɛ́ɛ da lène pôlu Zuda lɔii da Zerusâlɛŋ taa-leei sui, Ɣâla è ŋɔlóno kɛ́-ƃelai Egaa da Zɛkɛraya tɛ̀ɛ ǹaa. È dí tɛ̀ɛ a gɛɛ dí Ŋ̀âla-pɛrɛ Kɛ́tɛi tɔɔ-ƃelai líi kúla, ǹyaa Eezuɛ Ɣalai ǹáai su. Zɛkɛraya ǹâŋ-láa ƃé kɛ̀ a Ido. အခန်းကိုကြည့်ပါ။ |
Zuda-ŋai láa túɛ-ƃelai dí lì tuɛ-pere a Ŋ̀âla-pɛrɛi tɔɔ tîi. Ɣâla ŋɔlóno kɛ́-ƃelai Egaa da Zɛkɛraya díkɛ̀ díkɔlɛ ma, díkɛ dílii kùla. Dí Ŋ̀âla-pɛrɛi tɔ̀ɔ dí kpɛ́ɛ ma yɛ̂ɛ berei Eezuɛ Ɣalai è maa wâla-wala-laa tɛ̀ɛ la dípɔi. Dí díi ŋí kɛ̀ Pɛsia kaloŋ-ŋai Sarɔ, Darɔ da Atasɛra-ni dí wála-wala laai sârai.
Dairɔ kɛ́ɛ a kâloŋ ŋɔkóraŋ veerɛi su, ŋ̀áloŋ lɔ́ɔlu mɛi-dai ŋɔfólo maa-ŋuŋ ɣele Yâwɛɛ è worɛ̂ tɛ̀ɛ a ŋɔlóno kɛ́-nuui Egaa. È ŋ̀orɛ̂-wooi ŋí tɛ̀ɛ a gɛɛ dí mó Siatiɛ ǹóŋ Zɛrubabɛɛ ma nyii kɛ̀ a gɔmɛnɛ-nuu kɛ́tɛi Zuda-lɔii mɛi. È ŋ̀orɛ̂-woo tɔnɔi ŋí tɛ̀ɛ máŋ Ziozada ǹóŋ Zasua pɔ́ nyii kɛ̀ a zâla láa soŋ-nuu kɛ́tɛi.