Ɛzura 4:7 - Ŋ̀âla Kɔlɔ Maa Waai

⁷ Nyíŋi pôlu ma, tãi dí Atasɛra kɛ̀ la a kâloŋ Pɛsia lɔii mɛi, Bisilaŋ, Miturɛda, Tabee da m̀arâai dí ŋɔ́nɔ tɔɔ-maa kɔlɔ pɔ̃yɛ gâloŋ pɔ́naa. Dí gɔlɔi ŋí pɔ̃yɛ Aramee-wooi su. Kɛ́lɛ dí bène Pɛsia-ŋai dísîi-wooi su.

Ɛzura 4:7 ပူးပေါင်းရင်းမြစ်များ

Kâloŋ Veerɛi 18:26

È kɛ̀ tí, Ɛɛkea ǹóŋ Iliakiŋ, Sibina da Zoa dí mò Asiria-ŋai dí kɔ́-kɔ-ƃela mɛi-nuu kɛ́tɛi ma dîyɛɛi, “Ńâŋ, lóno kú pɔ́ Aramee sii-wooi su, kwa ŋá kàa a ǹɛ́lɛɛ. Ífe Ibulu-woo ƃò, kpɛ́ni fêi, ǹûai kélee lɛɛ̂i ziɣãŋ ma díwoli tɔɔ̂i.”

Ɛzura 4:1

Zuda da Bɛŋsima dísuui su-ƃelai díkpɔara-ƃela díkɛ̀ naa. Ǹûai ŋí dí mɛ̀ni a gɛɛ ǹúu suui ŋí su-ƃelai da kula gɔ-sôŋ laai su da kɛ́ Eezuɛ Ɣalai Yâwɛɛ ŋɔpɛ́rɛ kɛ́tɛi tɔɔ̂i pôlu.

Ɛzura 4:17

Nya ƃe gâloŋ è díkɔlɔi ŋá pène tɛ̀ɛ ǹyɛɛi, “Leuŋ, yái íkaa a Yufeletii Ya-leei ŋɔfólo liî-pere lɔii kpiniŋ mɛi nûui, ka Sisai nyii gáa a gɔlɔ pɔ̃yɛ-nuui é pɛ́lɛ káƃarâai dîa nyii-ŋai díkaa Sameria da diai dí káa Yufeletii Ya-leei ŋɔfólo liî-pere lɔii kpiniŋ sui, ŋá fáa kâa.”

Ɛzura 4:8

Yufeletii Ya-leei ŋɔfólo liî-pere lɔii kpiniŋ mɛi nuui Leuŋ da Sisai nyii kɛ̀ a gɔlɔ pɔ̃yɛ-nuui, dí tɔɔ-ma kɔlɔ pɔ̃yɛ máŋ Gâloŋ Atasɛra pɔ́naa é pîlaŋ Zerusâlɛŋ ma. Gɔlɔi dí bɔ̃yɛɛi, ŋ̀óo ká ŋí.

Ɛzura 4:9

“Gɔlɔi ŋí a kulai ńyãa Leuŋ ńyêei kwa ḿarâai, Sisai nyii gáa a gɔlɔ pɔ̃yɛ-nuui, m̀ɛni sâa ƃó-ƃelai, ǹɔii-ƃela gbéli-ŋai nyii-ŋai díkaa a Irɛ, Babelɔŋ da Susa lɔii-ƃelai. Susa taai ŋí káa Elaŋ lɔii kpiniŋ su.

Ɛzura 5:6

M̀ɛnii dí bù gɔlɔi ŋí sui, nya ká ŋí.

Ɛzura 7:1

Kóraŋ támaa tɛɛ́ pôlu ma, dí Atasɛra kɛ̀ a kâloŋ Pɛsia lɔii mɛi. M̀aa tãi tí nalôŋ tɔnɔ è kɛ̀ naa ǹáa ƃé kɛ̀ a Ɛzura. È dínuu-suui kɔ́ɔ pîlaŋ mɛni pɔlɔi kɔ̂ri é gáa. È gɔ̀lɔŋ a gɛɛ gáa a Eezuɛ ŋɔsâla láa-soŋ nuu kɛ́tɛi Eelɔŋ ŋɔsuui su-nuui da. M̀ɛni-ŋai ŋí ƃé è gàa nyíi ǹɛ ma a gɛɛ gáa a ǹúu suui ŋí su nuu da. Dísuui kɔ́ɔ pîlaŋ-pere káa ŋí: Ɛzura ǹâŋ láa ƃé kɛ̀ a Seraya. Seraya ǹâŋ ƃé kɛ̀ a Azaria, Azaria kɛ́ ƃò a Ɛɛkea ǹóŋ.

Ɛzura 8:36

Gɔlɔi Pɛsia kaloŋ è dɛ̀ɛ dípɔi, dí pà la máŋ dí dɛɛ Yufeletii Ya-leei ŋɔfólo liî pere lɔii mɛi nuui pɔ́ da ŋɔlɔii-ƃela kpaya-kpayai. Gɔlɔi ŋí ƃé gɛ̀ ǹûai ŋí díkɛ díyee sèe dímu díkɛ kpɔŋ mâa tɛ̀ɛ dípɔ Ŋ̀âla-pɛrɛ Kɛ́tɛi mu tii kɛ́ mɛnii ma.

Niɛmaya 2:1

Ɣáloŋ náaŋ tɛɛ pôlu ma, Gâloŋ Atasɛra è kɛ̀ ǹáa miî a ɣele tɔ̂nɔ da. Ŋá lì a ŋɔŋwãai bɔ́ ŋ́ɛi yeŋɔɔ zu. Vé tá wɔ́lɔ ŋ́gaa ní ŋ́ɛi yeŋɔɔ zu a bere sîi ŋí.

Azaya 36:11

È kɛ̀ tí, Iliakiŋ, Sibina da Zoa dí mò Asiria-ŋai dí kɔ́-kɔ-ƃela mɛi-nuu kɛ́tɛi ma dîyɛɛi, “Ńâŋ, lóno kú pɔ́ Aramee sii-wooi su. Kwa ŋ̀áa kàa ma. Ífe Ibulu-woo ƃò, kpɛ́ni fêi, ǹûai kélee lɛɣɛ̂i ziɣãŋ ma díwoli tɔɔ́.”

Danîa 11:2

Ŋ̀âla-taa-kelai è mò ǹyɛɛi, “M̀ɛnii ŋa pá m̀ôi yâi, gáa a tɔ̃yâ ǹyaŋ ŋ̀aa sèe a pâi kɛ̂i. Kâloŋ saaƃa da pâi kâloŋ-laa kɛ̂i Pɛsia lɔii mɛi a tɛɛ-ŋa. Gâloŋ ǹáaŋ ɣelei a pâi pâi nyii pâi kɛ̂i a dɔɔ́ è tɛ́ɛ gâloŋ maa-ŋuŋ saaƃai ma. A dɔɔ lâai ŋí sɔlɔ ƃô, a pâi tɔɔ̂i Gurii lɔii-kpiniŋ ma.

Danîa 2:4

Dáre-ƃelai dí ŋ̀óo su tòo Aramee sii-wooi su dîyɛ mài, “Gâloŋ é kɛ́ ɣele ma wɔ́lɔ-wɔlɔ da wɔ́lɔ-wɔlɔ! Zee-wooi ƃó kûa. Kwa pâi zu-kulâi yɛ̂.”