Ɛzura 4:2 - Ŋ̀âla Kɔlɔ Maa Waai

² Dí lì Zɛrubabɛɛ da ǹúu sûu-ŋai láa túɛ-ƃelai pɔ́ naa dîyɛɛ dîai, “Kwa kâa-ni kwa pâi Yâwɛɛ ŋɔpɛ́rɛi tɔɔ̂i. Kúa máŋ kwa ŋ̀âla-tɔnɔi ŋí fɛ̀li. É síɣe tãi ma Asiria kaloŋ Isɛaadɔŋ è pà la a kúa ǹɔii ŋí sui, Ŋ̀âlai ŋí nɔ́ ƃé kwa sâla kùla ma a kóraŋ kélee.”

Ɛzura 4:2 ပူးပေါင်းရင်းမြစ်များ

Zɛnɛse 10:11

È kùla ǹɔii ŋí su é lí Asiria é Ninivɛ taa-leei, Liobɔ Iî taa-leei, da Kâla taa-leei-ŋai tɔ́ɔ naa,

Kâloŋ Veerɛi 17:24

Asiria kaloŋ è nûa kùla nyii-ŋai kɛ̀ daa-lêe-ŋai ŋí sui. Babelɔŋ, Kuta, Aava, Ama da Sɛfavaiŋ é lí a dia é dí kɛ́ dí sée Sameria lɔii su. Dí sèe daa-ŋai su ƃɛ́i Eezuɛ-ŋai dí wɔ́lɔ kɛ̀ naai é pɛ́lɛ dí taa-leei Sameria ma. Dí naa sìɣe a dípɔɔ.

Kâloŋ Veerɛi 17:41

Ǹûai tí dí Yâwɛɛ fɛ̀li, kɛ́lɛ dí díɣâla-pɔkɔɔŋ-ŋai fɛ̀li máŋ. É kúla tãi tí ma é tóo sâa ma, dísuui su-ƃelai díkaa nîi mɛni tɔnɔi ŋí kɛ̂i.

Kâloŋ Veerɛi 19:37

Ɣele tɔnɔ da tãi è kɛ̀ ŋɔɣâlai Nisirɔ ŋɔpɛ́rɛi mu gɛ́ vɛ̀lii, ǹóŋ sinaai veerɛ, Aduramelɛ da Sarizɛ dí pà dí bàa a díƃoa-sɔkpɔ-ŋai. Tãi dí bàa lai, dí pù dí lí Alala lɔii su. Dí ǹóŋ Isɛaadɔŋ sèe a kâloŋ bɔ́ɔ ŋá.

Ɛzura 1:5

Nya ƃe Zuda da Bɛŋsima dísuui su-ƃelai láa túɛ-ƃelai, zâla láa-soŋ-ƃelai, da Liiva-ŋai dí dímu sìɣe a gɛɛ dí lí dí Yâwɛɛ ŋɔpɛ́rɛi tɔ́ɔ pôlu Zerusâlɛŋ. Dí gɛ̀ tí, kpɛ́ni fêi, Ɣâla ŋɔmɔ̂leŋ è dílii mu sìɣe.

Ɛzura 2:2

Dílaa túɛ-ƃelai láa ƃe kɛ̀ a Zɛrubabɛɛ, Zasua, Niɛmaya, Seraya, Lelaya, Mɔdikai, Beesãŋ, Misipa, Bivai, Leuŋ da Baanaa. Eezuɛ pɛrɛ-ŋai láa túɛ-ƃelai láa ká ŋí da diai kɛ̀ naai dí kɔni:

Ɛzura 3:12

Zâla láa-soŋ-ƃela pɔlɔ-ŋai, Liiva-ŋai, da ǹúu sûu-ŋai láa túɛ-ƃelai nyii-ŋai wɔ́lɔ Ŋ̀âla-pɛrɛ kɛ́tɛ pɔlɔi kaai, díkɛ̀ naa tãi dí bɛ́rɛi ŋí tɔ̂ɔ kɔ́ɔ pìlaŋ lai. Tãi dí nàa kàa lài, ǹûa pɔlɔ-ŋai dí wɔ̀lɔ a maloŋ-pere, ǹúu gbéli-ŋai díkɛ lii-nɛ̃̂ɛ kùla.

Ɛzura 3:2

Nya ƃe Ziozada ǹóŋ-surɔ̂ŋ Zasua da m̀arâa sala láa-soŋ-ƃelai, Siatiɛ ǹóŋ Zɛrubabɛɛ da ŋɔnûai dí díŋa tɛ̀ díkîe ma. Dí Eezuɛ-ƃelai Díɣâlai ŋɔsâla-ŋai kúla kwaai ma tɔ̀ɔ pôlu dí kɛ kéreŋ sala kula naa yɛ̂ɛ berei bɔ̃yɛɛ̂i la Ŋ̀âla-nuui Mose ŋɔtɔ̂ŋ kɔlɔi sui.

Niɛmaya 9:32

“Óo Kúɣâlai, yá ƃa Ŋ̀wála-wâla kélee Ɣalai. Ya zûgbɛlɛ-gbɛlɛ da ŋɛi-kɛ́ maa mɛni kpaya-kpaya ŋa kɛ̀. Ya kono têe kɛ̀, ífaa íwoo maa fâleŋ. Íwɛli kɛ́-maai kóyɛŋ fé ma. M̀ɛni kpɔ̂lui kélee kwa tɛ̀ɛ zu é síɣe Asiria kaloŋ ŋɔtãi ma, é tóo sâa mai, ífe íŋɛi nàɣiŋ dímɛi. Kwa mɔ̃lɛ kwa kúnûai, kúlɔii kâloŋ-ŋai, kúlaa túɛ-ƃelai, zâla láa soŋ-ƃelai da ílono kɛ́-ƃelai, é pɛ́lɛ kúnûa pɔ̂lɔ-ŋai dîa.

Wule-woo-ŋa 73:8

Da ɣɛ́lɛ maa kûla nûa kponôi. Dísu mɛ̂ni kɛ̂tɛi. Da mɛni nyɔ́mɔɔ-ŋa kpɛ̀tɛ é pîlaŋ nûa dîa.

Azaya 37:37

Nyíŋi pôlu ma, Asiria kaloŋ Sinasɛri è lì pôlu Asiria, é sée Ninivɛ taa-leei su.

Azaya 37:38

Ɣele tɔ̂nɔ da tãi è kɛ̀ ŋɔɣâlai Nisirɔ ŋɔpɛ́rɛi mu gɛ́ vɛ̀lii, ǹóŋ sinaai veerɛ, Aduramelɛ da Sarizɛ dí pà dí báa a díƃoa-sɔkpɔ-ŋai. Tãi dí bàa lai, dí pù dí lí Alala lɔii su. Dí ǹóŋ Isɛaadɔŋ sèe bɔ́ɔ ŋá a kâloŋ.

Osia 14:3

Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísarâi.”

Galesiɛŋ 2:4

Dífe nyíŋi kɛ́ ni, berei máŋ diai díkpîŋ kɛ̀ a káƃarâa wôya-pere sui dí pà la loo-pere su a gɛ́ɛ dí kúŋuŋ mâ-ƃoi káa nyíi gáa kúyêei Zîsɛ Kôrai kponôi a gɛ́ɛ dí li a kúa luɛ-laa sui.

Temete Veerɛi 3:8

Yɛ̂ɛ berei Zɛne da Zɛŋƃilii dí tɔ̀ɔ la Mose mai, bere nɔ́ ƃe máŋ ǹûai ŋí da tɔ̂ɔ la dɔ̃yâi ma. Díkaa a ǹûai díkili-ŋa-siai su karâi, wôya laa-la kɛ́ ƃo díyêei.