Ɛzura 3:9 - Ŋ̀âla Kɔlɔ Maa Waai

⁹ Liiva-nuui Zasua, ǹônii sinaai da ŋɔnûai, Kamiɛɛ da ǹônii-sinaai ní díkɛ̀ a bɛ́rɛi ŋí tɔɔ-ƃelai láa-túɛ-nuu kpului su-ƃelai da. Kamɛɛ ŋí da ǹônii dí kùla Odavia nuu-suui su. Díkpɔŋ mâa-ƃelai dí kùla Liiva-ŋai kɛ̀ Inadai, dísuui su.

Ɛzura 3:9 ပူးပေါင်းရင်းမြစ်များ

Kɔlɔnikɔ Maa-ŋuŋ 23:4

È mò ǹyɛɛi, “Ǹûa wála buu feerɛ káo naaŋ (24,000) ŋí ƃé pâi kɛ̂i tíi kɛ̂i Yâwɛɛ ŋɔpɛ́rɛi mu. Dí wála lɔ́ɔlu mɛi da (6,000) ƃé pâi kɛ̂i a dílaa-ƃelai da mɛni-sâa ƃó-ƃelai.

Kɔlɔnikɔ Veerɛi 34:12

Zinaai kɛ bɛ́rɛi ŋí tɔ̂ɔi dí dɔ̀ɔ kpɔ́ a tenîŋ ƃo pere. Ǹûai kɛ̀ dílaa tuɛ diî ŋí kɛ mɛni mai ƃe kɛ́ a: Zoa da Obadaya nyíi ŋai kula Liiva ǹúui Melali ŋɔsuui sui, é pɛlɛ Zɛkɛraya da Mɛsulaŋ dîa nyíi ŋai kula Koa ŋɔnuu-suui sui. Liiva-ŋai ŋí kélee dakâa pɔri ɣale-sãa ɣalêi a ǹɛ́lɛɛ.

Ɛzura 2:40

Liivai ŋɔsuui su-sinaai kúla gɔ-soŋ laai su dílene pôlui: Zasua da Kamiɛɛ dípɛrɛi mu-ƃelai dí kɛ̀ a núu buu lɔ́ɔlu mɛi feerɛ kao náaŋ. Dí kùla Odavia ŋɔsuui su.

Ɛzura 3:8

Dí lenéɛɛ pôlu Zerusâlɛŋ, maa kôraŋ veerɛi ŋɔɣáloŋ veerɛi su ƃé dí pɛ̀lɛ la Ŋ̀âla-pɛrɛ Kɛ́tɛi tɔ̂ɔ ma. Ǹûai ŋí kélee dí díyee pù Ŋ̀âla-pɛrɛ Kɛ́tɛi tɔɔ mɛni su: Zɛrubabɛɛ, Zasua da Ziozada ŋɔkáayɔɔ-ŋai, zâla láa-soŋ-ƃelai da Liiva-ŋai é pɛ́lɛ diai kélee kùla gɔ́-soŋ laai su dí lene pôlu Zerusâlɛŋ dîa. Liiva-ŋai kélee kɛ̀ a kóraŋ buu feerɛ é tɛ́ naa túɛ-perei, dí dí pù Ŋ̀âla-pɛrɛi ŋí tɔɔ pôlu maa mɛni láa túɛ.

Niɛmaya 3:24

Binui è ziɣãŋ tɔ̂ɔ kɔ́ɔ pìlaŋ ƃɛ́i Azaria è kòyaŋ naai é lí la ƃɛ́i ziɣãŋ è kɛ̀ a ŋ̀áleɛɛ ŋá naai. Binui ǹâŋ láa ƃé kɛ̀ a Inada.

Niɛmaya 7:43

Liiva-ŋai dísuui su ƃelai kùla gɔ-soŋ-laai su dí lène pôlu dílaa ká ŋí da dílônii-sinaai díkɔnii: Zasua da Kamiɛɛ díkula Odavia ŋɔsuui su. Dísuui su-sinaa díkɛ̀ a núu buu lɔ́ɔlu mɛi feerɛ kao náaŋ.