Ɛzura 3:2 - Ŋ̀âla Kɔlɔ Maa Waai

² Nya ƃe Ziozada ǹóŋ-surɔ̂ŋ Zasua da m̀arâa sala láa-soŋ-ƃelai, Siatiɛ ǹóŋ Zɛrubabɛɛ da ŋɔnûai dí díŋa tɛ̀ díkîe ma. Dí Eezuɛ-ƃelai Díɣâlai ŋɔsâla-ŋai kúla kwaai ma tɔ̀ɔ pôlu dí kɛ kéreŋ sala kula naa yɛ̂ɛ berei bɔ̃yɛɛ̂i la Ŋ̀âla-nuui Mose ŋɔtɔ̂ŋ kɔlɔi sui.

Ɛzura 3:2 ပူးပေါင်းရင်းမြစ်များ

Zɛnɛse 12:7

Nya ƃe Yâwɛɛ è kùla Eberaŋ ŋɛ́i ǹyɛɛ mai, “Ŋa pâi ǹɔii ŋí tɛɛ̂i ísuui pɔ́.” Nya ƃe Eberaŋ è Ɣâla-teƃele kpɛ̀tɛ naa Yâwɛɛ mɛni ma nyii kùla ŋ̀ɛ́i.

Kɔlɔnikɔ Maa-ŋuŋ 23:14

Kɛ́lɛ dí Ɣâla ŋɔnuui Mose ǹônii-sinaai láa siɣe Liiva-ŋai dínuu-suui sáma.

Kɔlɔnikɔ Maa-ŋuŋ 3:17

Gâloŋ Zɛoasiŋ nyíi Babelɔŋ-ŋai dí wɔ́lɔ zòŋ gɔ́i sui, ǹônii-sinaai ƃé kɛ̀ a: Siatiɛ,

Kɔlɔnikɔ Maa-ŋuŋ 3:19

Pidaya ǹônii-sinaai feerɛi ƃé kɛ̀ a: Zɛrubabɛɛ da Simei. Zɛrubabɛɛ ǹônii-sinaai ƃé kɛ̀ a Mɛsulaŋ da Ananaya. Silomi ƃé kɛ̀ a dísaaƃɔlɔ.

Kɔlɔnikɔ Veerɛi 6:6

Kɛ́lɛ ŋâa nâa Zerusâlɛŋ siɣe zu a gɛ́ɛ ŋá ŋápɛrɛi tɔ́ɔ naa. Ŋaâ ŋɔ́nɔ Deeƃé síɣe a gɛ́ɛ é kɛ́ ŋánûai Eezuɛ-ŋai mɛi.’ ”

Ɛzura 10:18

Zinâai sîi nɛyaa díkɛ̀ díyêei, dí dílaa pɔ̃yɛ yɛ̂ɛ berei dísuui káa lai. Zâla láa soŋ-ƃelai dílônii sinaai nyíi-ŋai sîi nɛyaa kùlai dílaa ƃa: Maaseia, Iliezɛ, Zari da Gidalia. Ǹûai ŋí dí kùla Ziozada ǹóŋ Zasua da ǹêɣe sinaai dísuui su.

Ɛzura 10:20

Imɛ ŋɔsuui su-sinaai ƃé kɛ̀ a Anani da Zebadaya.

Ɛzura 10:21

Ariŋ ŋɔsuui su-sinaai ƃé kɛ̀ a Maaseia, Ilaiza, Simaya, Zeiɛ da Uzia.

Ɛzura 10:22

Pasiɔ ŋɔsuui su-ƃelai ƃé kɛ̀ a Ɛlioenai, Maaseia, Isimai, Nɛtaniɛ, Zozaba da Ilasa.

Ɛzura 2:2

Dílaa túɛ-ƃelai láa ƃe kɛ̀ a Zɛrubabɛɛ, Zasua, Niɛmaya, Seraya, Lelaya, Mɔdikai, Beesãŋ, Misipa, Bivai, Leuŋ da Baanaa. Eezuɛ pɛrɛ-ŋai láa túɛ-ƃelai láa ká ŋí da diai kɛ̀ naai dí kɔni:

Ɛzura 3:8

Dí lenéɛɛ pôlu Zerusâlɛŋ, maa kôraŋ veerɛi ŋɔɣáloŋ veerɛi su ƃé dí pɛ̀lɛ la Ŋ̀âla-pɛrɛ Kɛ́tɛi tɔ̂ɔ ma. Ǹûai ŋí kélee dí díyee pù Ŋ̀âla-pɛrɛ Kɛ́tɛi tɔɔ mɛni su: Zɛrubabɛɛ, Zasua da Ziozada ŋɔkáayɔɔ-ŋai, zâla láa-soŋ-ƃelai da Liiva-ŋai é pɛ́lɛ diai kélee kùla gɔ́-soŋ laai su dí lene pôlu Zerusâlɛŋ dîa. Liiva-ŋai kélee kɛ̀ a kóraŋ buu feerɛ é tɛ́ naa túɛ-perei, dí dí pù Ŋ̀âla-pɛrɛi ŋí tɔɔ pôlu maa mɛni láa túɛ.

Ɛzura 5:2

Tãi Siatiɛ ǹóŋ Zɛrubabɛɛ da Zasua ǹóŋ Ziozada dí ŋ̀orɛ̂-woo-ŋai ŋí mɛni lai, dí pɛ̀lɛ ŋɔ́nɔ Ŋ̀âla-pɛrɛ Kɛ́tɛi tɔɔ̂ ma Zerusâlɛŋ taa-leei su. Ɣâla ŋɔlóno kɛ́-ƃela feerɛi ŋí dí kpɔŋ-mâa tɛ̀ɛ dípɔ.

Niɛmaya 12:1

Zâla láa soŋ-ƃelai da Liiva-ŋai láa ká ŋí nyii-ŋai da Siatiɛ ǹóŋ Zɛrubabɛɛ ni díkùla gɔ́ soŋ-laai su é pɛ́lɛ Zasua ma nyii kɛ̀ a zâla láa soŋ-nuu kɛ́tɛi, dí pá pôlu Zerusâlɛŋ. Zâla láa soŋ-ƃelai ƃé kɛ̀ a Seraya, Zɛlemaya, Ɛzura,

Niɛmaya 12:8

Liiva-ŋai ŋí ƃé kɛ̀ ŋ̀ule-too mɛnii láa túɛ da sɛɣɛ-fêi tɛɛ́ Ɣâla pɔ́ mɛni. Zasua, Binui, Kamiɛɛ, Seribaya, Zuda, da Matania.

Wule-woo-ŋa 78:68

È Zuda ŋɔsîi sìɣe zu da Zãiyɔŋ Yeei ma ƃɛ́i è naa wɛ́lini a ŋ̀ánaai.

Ɛsedɔ 27:1

“Ŋ̀âla-teƃelei kpɛtɛ a kpitili-ƃela. Ŋɔkôya é kɛ́ a kɔ́ɔ-ƃɔlɔni lɔ́ɔlu mɛi feerɛ da gbûra. Ŋɔŋa-kɛtɛ kɛ́ ƃò a kɔ́ɔ-ƃɔlɔni lɔ́ɔlu mɛi feerɛ da gbûra. Ŋɔmɛi-kôyaa é kɛ́ a kɔ́ɔ-ƃɔlɔni lɔ́ɔlu mɛi feerɛ da gbûra. Ŋɔmɛi-kôyaa é kɛ́ a kɔ́ɔ-ƃɔlɔni náaŋ da gbûra. M̀éla kélee é kɛ́ a bɔriɛɛ.

Egaa 1:1

Dairɔ kɛ́ɛ a kâloŋ ŋɔkóraŋ veerɛi su, ŋ̀áloŋ lɔ́ɔlu mɛi-dai ŋɔfólo maa-ŋuŋ ɣele Yâwɛɛ è worɛ̂ tɛ̀ɛ a ŋɔlóno kɛ́-nuui Egaa. È ŋ̀orɛ̂-wooi ŋí tɛ̀ɛ a gɛɛ dí mó Siatiɛ ǹóŋ Zɛrubabɛɛ ma nyii kɛ̀ a gɔmɛnɛ-nuu kɛ́tɛi Zuda-lɔii mɛi. È ŋ̀orɛ̂-woo tɔnɔi ŋí tɛ̀ɛ máŋ Ziozada ǹóŋ Zasua pɔ́ nyii kɛ̀ a zâla láa soŋ-nuu kɛ́tɛi.

Egaa 1:12

Nya ƃe Siatiɛ ǹóŋ Zɛrubabɛɛ da Ziozada ǹóŋ Zasua nyii kɛ̀ a zâla láa-soŋ-nuu kɛ́tɛi, é pɛ́lɛ ǹúui gbêli-ŋai lɛɛ̂i, dí Yâwɛɛ wóo mɛ̀ni nyii gáa a Díɣâlai. Nya ƃe dí Ɣâla ŋɔlóno kɛ́-nuui Egaa wóo mɛ̀ni, kpɛ́ni fêi Yâwɛɛ Ɣâla ƃé dɛ̀ɛ. Ǹyaŋ ǹûai dí yào Yâwɛɛ ma.

Egaa 1:14

Nya ƃe Yâwɛɛ è Siatiɛ ǹóŋ Zɛrubabɛɛ nyii kɛ̀ a gɔmɛnɛ-nuu kɛ́tɛi Zuda lɔii mɛi kponôi kpànaŋ da Ziozada ǹóŋ Zasua nyii kɛ̀ a zâla láa-soŋ-nuui é pɛ́lɛ ǹúu gbêli-ŋai dîa nyii kùla ǹuɛ-laai sui. Nya ƃe díkelee dí pà dí tíi kɛ́ Ŋ̀wála-wâla kélee Ɣalai Yâwɛɛ ŋɔpɛ́rɛi ma,

Egaa 2:21

“Lóno Zɛrubabɛɛ pɔ́ nyii gáa a gɔmɛnɛ-nuu kɛ́tɛi Zuda-lɔii mɛi, a gɛɛ ŋa pâi ŋ̀elei da ǹɔii túmo-tûmoi,

Egaa 2:23

Maa ɣêlei tí ńyãai a Ŋ̀wála-wâla kélee Yâwɛɛi, ŋa pâi ísiɣêi Zɛrubabɛɛ, ŋátíi-kɛ-nuui, Siatiɛ ǹóŋ, ŋa pâi íkɛ̂i yɛ̂ɛ ńyee-ma-gbono kpɛ́ni fêi, ŋá ísiɣe ǹûai sáma.”

Zɛkɛrâya 3:1

Yâwɛɛ è zâla láa-soŋ-nuu kɛ́tɛi Zasua lɛ̀ ḿâ. È kɛ̀ tɔɔ̂ni Ŋ̀âla-taa-kelai kɔlɛ. Nya ƃe Sêtɔŋ è kɛ̀ tɔɔ̂ni Zasua kɔlɛ gɛ́ zɔŋ kɔ̂ri.

Zɛkɛrâya 3:8

Zasua, íwoli tɔ́ɔ, yái íkaa a zâla láa-soŋ-nuu kɛ́tɛi. Ǹyaŋ káai a zâla láa-soŋ-ƃela kpéli-ŋai, ka káwoli tɔ́ɔ: Káa ƃa ŋɛi-kɛ-maa mɛni lɛ́lɛɛ mɛni ma tínaa-tuɛ-pere. Ŋa pâi ńyee-mu-nuui lɛ̂i nyii da dòli a Ŋ̀oŋoi!

Zɛkɛrâya 6:11

Ƃɔrɔ kpɛtɛ a káne da gôo nyii ǹûai dí dɛ̀ɛ ípɔi í zee Ziozada ǹóŋ Zasua ŋûa nyii gáa a zâla láa-soŋ-nûu kɛ́tɛi.

Nɔŋba 28:2

“Mó Eezuɛ-ŋai dîa a gɛɛ ŋámii-sɛŋ salai nyii gáa a kéreŋ-sala kúŋ nɛ̃ɛ ḿɛni mai, dí dɛ́ɛ ḿbɔ a dɛɛ tãi.

Lûu 3:27

nyii kɛ̀ a Zoanɛŋ ǹóŋ, nyii kɛ̀ a Lesɛ ǹóŋ, nyii kɛ̀ a Zɛrubabɛɛ ǹóŋ, nyii kɛ̀ a Siatiɛ ǹóŋ, nyii kɛ̀ a Nɛɛri ǹóŋ,

M̀ɛni-sâa Ƃó-ƃelai 6:24

Gidiɔŋ è Ɣâla-teƃele tɔnɔ tɔ̀ɔ gwaai ŋí ma é ǹáa sée a, “Yâwɛɛ káa a Lii-see.” Gwaai ŋí ma káa a Abiezɛ nuu-suui pɔ́ɔ. È dɔɔ Ofura taa leei su. Gáa tɔ́ɔ ni naa sâa ƃa sâa.