Ɛzura 2:1 - Ŋ̀âla Kɔlɔ Maa Waai

¹ Gɔ-soŋ-ƃelai dámaa ɣele dí kùla Babelɔŋ lɔii kpiniŋ su, dí lene pôlu dítaa-lee-ŋai su. Da-ŋa díkɛ̀ a Zerusâlɛŋ-taa-leei su-ƃela, da-ŋa dí ƃò a Zuda lɔii su-ƃela. Gâloŋ Nɛbukinaza è wɔ́lɔ ǹûai ŋí díkaa-ƃelai sòŋ kɔ́ su é lí a dia Babelɔŋ díkɛ ƃò naa ǹyêei a luɛ-ŋa. Dí kɛ̀ ǹaa ǹyêei kóraŋ támaa yée mu.

Ɛzura 2:1 ပူးပေါင်းရင်းမြစ်များ

Kâloŋ Veerɛi 25:11

Ǹûai lɛ̀ɛ kɛ̀ daa-leei sui, è dí sòŋ, é pɛ́lɛ diai dîa kɛ̀ a Nɛbukinaza yée-mu-ƃelai, é lí a dia Babelɔŋ lɔii su.

Kɔlɔnikɔ Maa-ŋuŋ 9:1

Dí Eezuɛ-ƃelai kélee láa sìɣe dísuu ma dí bɔ̃yɛ Eezuɛ-ŋai díkâloŋ-ŋai dímɛni pɔlɔ kɔlɔi su. Dí wɔ́lɔ Zuda-ƃelai sòŋ a kɔ-soŋ-ŋa dí lí a dia Babelɔŋ kpɛ́ni fêi díwɔlɔ sɔnyɔ̂ŋ kɛ̀ a Ɣâla.

Kɔlɔnikɔ Maa-ŋuŋ 9:2

Diai kɛ̀ a ǹûai m̀aa-ŋuŋ dí lène pôlu dísee dítaa-ŋai su, díkpanâŋ-ŋai lá díkɔ̃liŋ-ŋai mɛi dia ƃé kɛ̀ a Eezuɛ-ŋai, zâla láa-soŋ-ƃelai, Liiva-ŋai da ǹûai da kâa tíi kɛ̀ Ŋ̀âla-pɛrɛ Kɛ́tɛi mui.

Ɛzura 1:11

Zãâi kélee Sibazɛ è kùla la Babelɔŋ lɔii su é lí la Zerusâlɛŋ è kɛ̀ a gôo, káne da sãâ da kpɛ́ni-ŋa ŋɔwála lɔ́ɔlu pôlu ŋuŋ náaŋ (5,400). Da kɔ-soŋ-ƃela da kpɛ́ni-ŋa ƃé kùla Babelɔŋ dí lí Zerusâlɛŋ.

Ɛzura 2:2

Dílaa túɛ-ƃelai láa ƃe kɛ̀ a Zɛrubabɛɛ, Zasua, Niɛmaya, Seraya, Lelaya, Mɔdikai, Beesãŋ, Misipa, Bivai, Leuŋ da Baanaa. Eezuɛ pɛrɛ-ŋai láa túɛ-ƃelai láa ká ŋí da diai kɛ̀ naai dí kɔni:

Ɛzura 2:70

Eezuɛ-ƃelai kélee kɛ̀ gɔ́-soŋ laai sui dílônii dí lène pôlu Eezuɛ. Dí lì dí see dítaa-ŋai su tɛi-tɛi. Diai kɛ̀ gɔ́-soŋ laai sui, da-ŋa ƃa: Zâla láa-soŋ-ƃelai, Liiva-ŋai, Ŋ̀âla-pɛrɛ Kɛ́tɛi ŋɔwule-too-ƃelai, Ŋ̀âla-pɛrɛ Kɛ́tɛi mɛi káa-ƃelai, da Ŋ̀âla-pɛrɛ Kɛ́tɛi mu tii kɛ́-ƃelai.

Ɛzura 5:8

“Gâloŋ, kwa m̀ôi yâ a gɛɛ kú lì Zuda lɔii kpiniŋ su. Kú liɛɛ̂i, kú gàa a gɛɛ dí káa Ŋ̀âla-pɛrɛ Kɛ́tɛi tɔɔ̂i pôlu Zerusâlɛŋ taa-leei su. Díkaa Ŋ̀âla-pɛrɛ Kɛ́tɛi ŋí tɔɔ̂i a kɔni kpaya-kpaya saa-ŋa dí kɛ́ wúru-saa lɛ́lɛɛ-ŋa tɔ̀ɔ gɔ́ɔ mu, díkɛ siɣãŋ tînaŋ ma. Díi ŋí a liî kpɔ́ tuɛ-pere a ǹɛ́lɛɛ.

Ɛzura 6:2

Dí m̀ɛni pɔ̂lɔ kɔlɔi ŋí kàa Ɛbatana taa-leei ŋɔmɛni pɔ̂lɔ kɔlɔi sáma Midia lɔii kpiniŋ su. M̀ɛnii kɛ̀ a bɔ̃yɛɛ gɔlɔi ŋí sui, ǹyaa ká ŋí:

Ɛzura 8:35

Diai kélee kùla gɔ-soŋ-laai su dí lène pôlui, dí pà a kéreŋ sama-sãa Eezuɛ Ŋɔɣâlai mɛni ma. Zãâi ŋí ƃé kɛ̀ a niŋa nâɣa puu káo feerɛ Eezuɛ sii puu káo feerɛ mɛni ma, ƃála sirɛ buu lɔ́ɔlu mɛi náaŋ kao lɔ́ɔlu mɛi da, da ƃála lônii buu lɔ́ɔlu mɛi feerɛ kao lɔ́ɔlu mɛi feerɛ. Dí pà máŋ a ƃoli sîrɛ puu káo feerɛ a sɔnyɔ̂ŋ sama-sãa. Dí pà a daa tûlɛ-ŋai ŋí kélee dí díkereŋ a sama-sàa Yâwɛɛ mɛni ma.

Niɛmaya 12:1

Zâla láa soŋ-ƃelai da Liiva-ŋai láa ká ŋí nyii-ŋai da Siatiɛ ǹóŋ Zɛrubabɛɛ ni díkùla gɔ́ soŋ-laai su é pɛ́lɛ Zasua ma nyii kɛ̀ a zâla láa soŋ-nuu kɛ́tɛi, dí pá pôlu Zerusâlɛŋ. Zâla láa soŋ-ƃelai ƃé kɛ̀ a Seraya, Zɛlemaya, Ɛzura,

Ɛtɛ 1:1

Atasɛra è kɛ̀ a kâloŋ Pɛsia lɔii mɛi. M̀ɛnii kɛ̀ ŋɔtãi mai, ǹyaa ká ŋí. Atasɛra è kɛ̀ a kâloŋ lɔii-kpiniŋ ŋuŋ tɔ̂nɔ pôlu buu feerɛ káo lɔ́ɔlu mɛi feerɛ mɛi (127). Ǹɔii kpîniŋ-ŋai ŋí kɔ́ɔ è pìlaŋ Iŋdia lɔii ma é tóo Itiopia lɔii ma.

Ɛtɛ 1:11

dí lí dí mó ŋɔnɛnîi Vasiti ma a gɛɛ é m̀aa ɣíri é ŋɔkâloŋ-nɛnî ƃɔrɔi sée ŋ̀ûa é pá a gɛɛ é ŋɔlɛ́lɛ-laai lɛ́ ǹɔii lônii dîa da ǹɔii kpîniŋ mɛi-ƃelai.

Ɛtɛ 1:3

Ŋɔkâloŋ-laa kóraŋ zaaƃai su è kúu kɛ́tɛ kɛ̀ ǹyée mu tii kɛ́-ƃela kpaya-kpayai dîa. Diai pà gúui ŋí sui dia ƃa Pɛsia da Midia lɔii kɔ-kuluƃa-ŋai láa túɛ-ƃelai, ǹɔii-ƃela kpaya-kpayai da ǹɔii kâloŋ-ŋai kélee kɛ̀ ǹɔii kpîniŋ-ŋai mɛi.

Ɛtɛ 1:8

Dífe kɛ́-ni ŋwã̂ai kɔ̂ɔnii núu da mɛni ma kpɛ́ni fêi gâloŋ è mò ǹyée mu-ƃelai dîa a gɛɛ nyii kélee núu a ŋ̀wɛ̂lii é gbèlei, nya ƃé é gbele.

Ɛtɛ 8:9

Nya ƃe Mɔdikai è gɔlɔ-pɔ̃yɛ-ƃelai tòli kpɔ́ ŋ̀á ma a góraŋ ŋɔɣáloŋ zaaƃai nyii da kɛ̂ ma Sivaŋ Ibulu-wooi sui ŋɔfólo buu feerɛ káo saaƃa ɣele. M̀ɛnii kélee Mɔdikai è mò dîa é pîlaŋ Zuda-ŋai dîai, dí bɔ̃yɛ. Dí da tɛ̀ɛ Zuda-ŋai pɔ́naa, ǹɔii-ƃelai, da ǹɔii láa túɛ-ƃelai nyíi ŋai kɛ̀ ǹɔii kpîniŋ ŋuŋ tɔnɔ pôlu buu feerɛ káo lɔ́ɔlu mɛi feerɛi (127) mɛi, é siɣe Iŋdia lɔii ma é lí Itiopia lɔii ma. Dí gɔlɔi ŋí pɔ̃yɛ ǹûai dísîi-woo-ŋai su tɛi-tɛi.

Azaya 48:20

Ka lí ká kúla Babelɔŋ lɔii su. Ka pú ká kúla Babelɔŋ-ƃelai yêei. Ká lí ká ǹíi-nɛ̃ɛ tuŋ ƃó kwaa kélee ma ɣelêi-pere a gɛ́ɛ nûa kélee dí mɛni. Ka lí ká mó kâai, “Yâwɛɛ è ŋɔtíi kɛ́-ƃelai Eezuɛ-ŋai ŋuŋ ma ƃó.”

Zɛlemaya 50:19

Ŋa pâi Eezuɛ-ƃelai tɛɛ̂i pôlu dílɔii su. Da pâi mii-sãa lɛ́lɛɛ-ŋa miî nyíi-ŋai da lɛ̂lɛ Kamɛɛ Yeei ma, Basãŋ kpiniŋ sui, da nyíi-ŋai da lɛ̂lɛ Ifiraŋ ŋɔlɔii kpiniŋ su da Giliai. Nyíi-ŋai kélee da pâi wɛ̂lii a diai, da pâi kɛ̂i miî.

Zerusâlɛŋ Karáa Maa Wɔ̂lɔ-wooi 1:3

Zuda-ƃelai dímɔ̃lɛ-laai da maa sɛŋ-soli maai pôlu ma, da kɛ́ a lɔii da kpɛ́ni-ŋa su-ƃela. Da kɛ́ lɔii da kpɛ́ni-ŋa su-ƃela sáma, díkɛ̂i fé ma. Díkpɔara-ƃelai da dímaa tínaŋ, ǹyaŋ pere fé ŋɔ́nɔ díyêei dí pú.

Zerusâlɛŋ Karáa Maa Wɔ̂lɔ-wooi 1:5

Ŋɔkpɔara-ƃelai da kɛ́ a m̀ɛi-ƃela. Lii-sɛlɛŋ fé ŋɔ́nɔ dîa. Ɣâla Yâwɛɛ a lii-too pôlu támaa tɛ́ɛ bɔ́ ŋɔsɔnyɔ̂ŋ ŋánaai mɛni ma. Ǹônii da kɛ́ a lɔii-ŋuŋ da kpɛ́ni-ŋa su-ƃela díkpɔara-ƃelai yêei.

Zerusâlɛŋ Karáa Maa Wɔ̂lɔ-wooi 4:22

Óo Zãiyɔŋ-ƃela, kâa nâa kásɔnyɔ̂ŋ fela fêi kɛ́. Káfe ŋɔ́nɔ pâi kɛ̂i luɛ lâa su a zu kôyaa. Kɛ́lɛ à kɛ̀ a káa óo Idɔŋ-ƃela, Yâwɛɛ a pâi ká kula maa kɛ̂i. Ká mɛni nyɔ́mɔɔ-ŋai a too pono ŋá.

Zɛfɛnâya 2:7

Yúo kɔlɛ ma lɔii a pâi kɛ̂i a pɔɔ-sɛŋ Zuda ŋɔpɛ́rɛi mu-ƃelai mɛni ma nyii-ŋai pâi lɛɛ̂i ɣele mai. Nàa a pâi kɛ̂i a díkpâlaŋ ŋá dítaa tûlɛ-ŋai mɛni ma. Da pâi ǹyîi Asikɛlɔŋ ŋɔpɛ́rɛ-ŋai mu a ɣele wûlii ǹyaŋ Yâwɛɛ a pâi dímɛi kâai é díƃalo.

Zia-ƃelai Kɛ́-mɛni-ŋai 23:34

È gɔlɔi lòno é mare-kɛ̂ɛ kɛ́ ǹɔii nênɛ su ƃé Pɔ̂ɔ è kùla naai. Gɛ́ɛ a gɔ́lɔŋ a gɛ́ɛ Pɔ̂ɔ è kùla Sɛlisiai,