Ɛzura 1:1 - Ŋ̀âla Kɔlɔ Maa Waai

¹ Yâwɛɛ è wɔ́lɔ ŋɔmɔ̂leŋ pù Pɛsia kaloŋ Sarɔ kponôi. M̀ɔlêŋ ŋɔwála-walai è gɛ̀ Sarɔ é kɔlɔ pɔ̃yɛ, é dɛɛ ŋɔkâloŋ-laa lɔii gwaa kélee Zuda-ŋai ŋuŋ ma ƃó mɛni ma. È m̀ɛnii ŋí kɛ̀ ŋɔkâloŋ-laa koraŋ maa-ŋuŋ su. M̀ɛnii ŋí è kɛ̀ a ŋ̀óoi Yâwɛɛ è wɔ́lɔ mò ŋɔlóno kɛ́-nuui Zɛlemaya sârai ŋàa-see kɛ́ɛ. Ŋ̀óo-ŋai è bù gɔlɔi ŋí sui dîa káa ŋí:

Ɛzura 1:1 ပူးပေါင်းရင်းမြစ်များ

Ɛzura 1:5

Nya ƃe Zuda da Bɛŋsima dísuui su-ƃelai láa túɛ-ƃelai, zâla láa-soŋ-ƃelai, da Liiva-ŋai dí dímu sìɣe a gɛɛ dí lí dí Yâwɛɛ ŋɔpɛ́rɛi tɔ́ɔ pôlu Zerusâlɛŋ. Dí gɛ̀ tí, kpɛ́ni fêi, Ɣâla ŋɔmɔ̂leŋ è dílii mu sìɣe.

Ɛzura 4:3

Nya ƃe Zɛrubabɛɛ, Zasua da ǹúu sûu-ŋai láa túɛ-ƃelai dí m̀o dîa dîyɛɛi, “Kúfe kpɔŋ-mâa da kélee wɛ̂lii káyêei Ŋ̀âla-pɛrɛ Kɛ́tɛi tɔɔ mɛni ma. Kúa kpîŋ ƃé pâi dɔɔ̂i yɛ̂ɛ berei Pɛsia kaloŋ Sarɔ è m̀o la kûai.”

Ɛzura 6:14

Zuda-ŋai láa túɛ-ƃelai dí lì tuɛ-pere a Ŋ̀âla-pɛrɛi tɔɔ tîi. Ɣâla ŋɔlóno kɛ́-ƃelai Egaa da Zɛkɛraya díkɛ̀ díkɔlɛ ma, díkɛ dílii kùla. Dí Ŋ̀âla-pɛrɛi tɔ̀ɔ dí kpɛ́ɛ ma yɛ̂ɛ berei Eezuɛ Ɣalai è maa wâla-wala-laa tɛ̀ɛ la dípɔi. Dí díi ŋí kɛ̀ Pɛsia kaloŋ-ŋai Sarɔ, Darɔ da Atasɛra-ni dí wála-wala laai sârai.

Ɛzura 6:22

Dí Dɛ́-sɛŋ fé zu kpoloi maa kûui kɛ̀ ŋɔnɔ. Dí ǹíi-nɛ̃ɛi ŋí kùla a fólo lɔ́ɔlu mɛi feerɛ. Dí lii-nɛ̃ɛ kùla kpɛ́ni fêi, Yâwɛɛ è Pɛsia kaloŋ líi mù sìɣe é kpɔŋ mâa tɛɛ dípɔ Eezuɛ Ɣalai ŋɔpɛ́rɛi tɔ̂ɔ pôlu mɛni ma.

Ɛzura 6:3

“Gâloŋ Sarɔ ŋɔkâloŋ laa-koraŋ maa ŋúŋ su, è wála-wala laa tɛ̀ɛ Zuda-ŋai pɔ́ a gɛɛ dí Ŋ̀âla-pɛrɛ Kɛ́tɛi tɔ́ɔ pôlu Zerusâlɛŋ taa-leei su. Ǹaa ƃé da pâi kɛ̂i sâla-ŋa kulâi naa díkɛ kéreŋ-sala sãa kèreŋ naa. Ŋ̀âla-pɛrɛi ŋɔmɛi kôyaa é kɛ́ a kɔ́ɔ ƃɔ́rɔni buu lɔ́ɔlu mɛi náaŋ, ŋɔmu-kɛtɛ kɛ́ ƃò a kɔ́ɔ ƃɔ́rɔni buu lɔ́ɔlu mɛi náaŋ.

Ɛzura 7:27

Ɛzura è m̀o ǹyɛɛi, “Ŋa laa-maa tɛ̂ tɛɛ̂i kúnuu-pɔlɔ-ŋai Díɣâlai Yâwɛɛ pɔ́. A gɛ́ Pɛsia kaloŋ a ƃaa kɛ́ maa tɛ́ɛ ǹyaa Yâwɛɛ Ŋɔpɛ́rɛi kɛ́tɛi pɔ́ a tela gɛ́ gâloŋ a wála-wala laa tɛɛ Zuda-ŋai pɔ́ a gɛɛ dí ǹyaa Yâwɛɛ ŋɔpɛ́rɛi tɔ́ɔ pôlu a ǹɛ́lɛɛ Zerusâlɛŋ taa-leei su.

Wule-woo-ŋa 106:46

È gɛ̀ díkpɔara-ƃelai dí díŋɛi malôŋ káa.

Táre-woo-ŋa 21:1

Kâloŋ ŋɔmɛni-kpɛtɛɛ káa yɛ̂ɛ ya ƃoloŋ-ƃoloŋ Ɣâla Yâwɛɛ yêei, gɛ́ déniŋ tɔ̀ɔ ƃɛ́i a ŋ̀wɛ̂lii é lí naai.

Azaya 44:28

Ŋá mò Sarɔ mà ńyɛɛi, ‘Yá ƃé ŋá ísiɣe zu a gɛ́ɛ í tɔ́ɔ ŋánûai túɛ é díteniŋ tɔ́ɔ. M̀ɛni-ŋai ŋá mò yâi, ya pâi díkɛ̂i. Ya pâi lɛɛ̂i dítuɛ dí Zerusâlɛŋ taa-leei tɔ́ɔ pôlu, dí Ŋ̀âla-pɛrɛ Kɛ́tɛi tɔɔ́ kɔ́ɔ pîlaŋ naa.’ ”

Azaya 45:1

Yâwɛɛ a Sarɔ siɣe zu a gɛ́ɛ é kɛ́ a ŋɔtii kɛ́-nuu. È zìɣe zu a gɛ́ɛ é lɔii ŋuŋ-ŋa mɛi kâloŋ-ŋa yée mɛi ɣále. A pâi daa-lêe-ŋai maa kóli siɣãŋ-ŋai wôloi berêi. Yâwɛɛ è m̀o ŋɔ́nɔ Sarɔ ma ǹyɛɛi,

Zɛlemaya 1:1

È kɛ̀ a tãi tɔnɔ da, Yâwɛɛ è lòno nalôŋ tɔnɔ pɔ́ nyíi da kâa kɛ̀ m̀a Zɛlemaya. Zɛlemaya ŋí è kɛ̀ a zâla láa-soŋ nuui dɔnɔ ǹóŋ nyíi da kâa kɛ̀ mà Ɛɛkea. Ɛɛkea ǹyaŋ è kùla taa tɔ̂nɔ da su nyíi da kɛ̂ mà Anatɔi. Anatɔi è kɛ̀ a Bɛŋsima ŋɔlɔii kpîniŋ su taai dɔnɔ.

Zɛlemaya 29:10

Yâwɛɛ è mò ǹyɛɛ, “À kɛ̀ Babelɔŋ a gɛ̀ ká mɛi a kóraŋ buu lɔ́ɔlu mɛi feerɛ, gɛ̀ ní ká malôŋ a pâi ńzonîi ŋákono-teei kíli a pâi toôi ŋ́gili-ŋá, ŋá pá a káa pôlu ká pɔ́-taai.

Izikiɛ 38:5

Kɔkuluƃa-ŋa dí kùla Pɛsia, Itiopia, da Puti díƃoa-sɔkpɔ-ŋai kɛ́ ƃò díyêei, díkɔ-kɔ-gbaƃɛlɛ-ŋai kɛ́ ƃò díŋûa nyii-ŋai kɛ̂ a Gɔ̂ɔ ŋɔkɔ-kuluƃa-ŋai dai.

Danîa 1:21

Danîa è lɛ̀ɛ tíi kɛ̂i gâloŋ ŋɔtíi kɛ́-pɛrɛi mu é lɛ́ɛ la zu Gâloŋ Sarɔ ŋɔkâloŋ koraŋ maa-ŋuŋ é seri.

Danîa 2:1

Gâloŋ Nɛbukinaza kɛ́ɛ à kâloŋ ŋɔkóraŋ veerɛi su, è see-ŋa ƃò. Zee-woo-ŋai ŋí mɛni è ǹíi sɛ̀lɛŋ a ŋ̀ánaa va kâa nyìi.

Danîa 6:25

Nya ƃe Gâloŋ Dairɔ è m̀ɛnii ŋí pɔ̃yɛ ǹûai kélee pɔ́naa ǹɔii-kpîniŋ-ŋai su a tɔ̂ŋ ǹyɛɛi, “Ŋa laa tí-maa láa serîi kâa.

Danîa 9:2

Ŋɔkâloŋ-laa koraŋ maa-ŋuŋ su, ńyãa, Danîa, ŋá kɛ̀ Ɣâla ŋɔkɔlɔi lônoi ŋ́gɛ ŋ́gili ŋá sìa é pîlaŋ ma nyii Zɛlemaya è bɔ̃yɛ é pîlaŋ Zerusâlɛŋ ma nyii pâi kɛ̂i lâani a bûŋ a kóraŋ buu lɔ́ɔlu mɛi feerɛi.

Zɔ̂ŋ 1:23

E mò, ǹyɛɛi, “Ńyãa ƃa ǹúui ŋ̀óo káa tɛ̂i vɛ̃ɛ-kpâlaŋ sui, ‘Ka Kúnuu-namui ŋɔperei su sã́a,’ yɛ̂ɛ berei Ɣâla ŋɔlóno-kɛ-nuui Azaya e mò lai.”