Ɛsedɔ 7:4 - Ŋ̀âla Kɔlɔ Maa Waai

⁴ Gâloŋ fé pâi ŋ̀óli tɔɔ̂i káwoo mâ. Gɛ̀ ní ŋa pâi ǹyée lâai Ize mɛi a mɛni ŋá-teɛɛ ŋá ŋákɔ kɔ́-ƃelai kúla Ize lɔii su, nyii-ŋai dí káa a Eezuɛ-ŋai.

Ɛsedɔ 7:4 ပူးပေါင်းရင်းမြစ်များ

Ɛsedɔ 10:1

Yâwɛɛ è ŋɔ́nɔ mò Mose mà ǹyɛɛi, “Lí Gâloŋ pɔ́ naa, ŋa ǹíi su kpànaŋ da ŋɔtíi kɛ́-ƃelai a gɛɛ ŋ̀ɛi-kɛ-maa-ŋai ŋí kɛ́ dísama.

Ɛsedɔ 11:9

Gɛɛ tíi, Yâwɛɛ è mò Mose mà ǹyɛɛi, “Gâloŋ fé pâi ŋ̀óli tɔɔ̂i íwoo ma. Mɛni ma ŋá ŋɛi-kɛ-maa támaa kɛ̂i Ize lɔii su.”

Ɛsedɔ 12:51

Ǹyaŋ Yâwɛɛ è Eezuɛ-ŋai kélee kùla Ize lɔii su díkpulu mâ a maa ɣelei tí.

Ɛsedɔ 13:3

Nya ƃe Mose è mò ǹûai dîa ǹyɛɛi, “Ŋele-kûui ŋí é lɛ́ɛ kákili ŋá nyii ká kùla la Ize lɔii su ǹuɛ-laai sui. Kpɛ́ni fêi, Yâwɛɛ è kákùla naa a ŋɔwála-wala-laai. Káfe kpólo mìi nyii tɛ́-sɛŋ káa zui.

Ɛsedɔ 13:9

Gúui ŋí é kɛ́ a ŋɛi-kɛ-maa káyeêi. É kɛ́ yɛ̂ɛ kili-too-ŋa sɛŋ nyii gbulûŋɔɔi káyee mà gɛ ƃò kátôŋ lá a gɛɛ Yâwɛɛ ŋɔtɔ̂ŋ é kɛ́ nɔ́ ká lá a tãi kélee. Kpɛ́ni fêi, è kákùla Ize lɔii su a ŋɔwála-wala-laai

Ɛsedɔ 18:8

Nya ƃe Mose è mɛni-ŋai kélee ƃò m̀ɔ̂lɔ ma nyii Yâwɛɛ è gɛ̀ a Ize Kâloŋ, Eezuɛ-ŋai mɛni mai. È mɛni-soli-ŋai kélee mɛni ƃò mà nyii-ŋai kùla dîa berei su, da berei Yâwɛɛ è díŋuŋ ma ƃò la Ize-ŋai yêei.

Ɛsedɔ 3:19

Ŋa gɔ́lɔŋ a gɛɛ Ize kaloŋ fé pâi ká lɛɛ̂i naa ká lí fɛ̂ɛ ŋá gɛ́ la a wála-wala-laa.

Ɛsedɔ 3:20

Mɛni ma ŋa pâi tíi kɛ̂i a ŋáwala-wâla-laai ŋá tɔ̀ŋ-kpɛ-maa tɛ́ɛ Ize pɔ́ a ŋ̀ɛi-kɛ-maa-ŋai ŋa pâi gɛ̂i. Gɛ̀ ní a pâi ká lɛɛ̂i naa ká lí.

Ɛsedɔ 6:1

Nya ƃe Yâwɛɛ è mò Mose mà ǹyɛɛi, “Ƃa pâi nâa gâai mɛnii ŋa pâi gɛ̂i a Gâloŋ. Ŋa pâi gɛ̂i a wála-wala-laa a gɛɛ é dílɛɛ naa dí lí. Ŋa pâi máŋ gɛ̂i a wála-wala-laa é díkula ŋɔlɔii su”

Ɛsedɔ 6:26

Eelɔŋ ŋí da Mose ƃé Yâwɛɛ è mò dîa a gɛɛ dí Eezuɛ-ŋai kúla Ize lɔii su díkpulu mai.

Ɛsedɔ 6:6

Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei.

Ɛsedɔ 7:13

Kɛ́lɛ yɛ̂ɛ berei Yâwɛɛ è mò lai, Gâloŋ líi su è kɛ̀ nɔ́ nîi a gbanaŋɔɔ. Vé ŋ̀óli tɔɔ ní díwoo ma.

Ɛsedɔ 7:16

M̀ó mà yɛ̂ɛi, ‘Yâwɛɛ nyii gáa a Ibulu-ŋai Díɣâlai, è ńdɛ̀ɛ ípɔ naa ǹyɛɛ í ŋɔnûai lɛ́ɛ naa dí lí a gɛɛ dí vɛ̀li vɛ̃ɛ-kpâlaŋ su. Kɛ́lɛ gáa, ífe niî íwoli tɔ̀ɔ ní ŋ́oo ma.’ ”

Ɛsedɔ 8:15

Kɛ́lɛ tãi Gâloŋ è gàa la a gɛɛ a pere loŋ sɔlɔ ƃôi, è ǹíi su kpànaŋ ŋɔ́nɔ. Vé ŋ̀óli tɔ̀ɔ ní ŋɔ́nɔ Mose da Eelɔŋ díwoo ma, yɛ̂ɛ berei nɔ́ Yâwɛɛ è mò lai.

Ɛsedɔ 8:19

Nya ƃe Gâloŋ ŋɔpóniŋ kɛ́-ƃelai dí mò mà dîyɛɛi, “Ɣâla kɛ́-mɛni ká ŋí.” Kɛ́lɛ Gâloŋ líi su è kɛ̀ a gbanaŋɔɔ. Vé ŋ̀oli tɔ̀ɔ ni Mose da Eelɔŋ dîa yɛ̂ɛ berei nɔ́ Yâwɛɛ è mò lai.

Ɛsedɔ 9:12

Kɛ́lɛ yɛ̂ɛ berei Yâwɛɛ è mò la Mose mai, Yâwɛɛ è Gâloŋ líi su kpànaŋ. Vé ŋ̀óli tɔ̀ɔ ní Mose-ni dîa.

Ɛsedɔ 9:3

gɛ̀ ní ŋa pâi tɔ̂ŋ kpanaŋɔɔ kpɛ̂i yâ a kɔlɔ-fela nyɔ́mɔɔ ítaa-tulɛ-ŋai dîa, ísoo-ŋai, íwɛlɛ-sôo ŋai, ísoo-falaŋ-ŋai da ítaa-tulɛ kpéli-ŋai.

Táre-woo-ŋa 19:29

Ɣɛ́lɛ-maa kula-nuu a tɔŋ-kpɛ-maa sɔlɔ ƃô. Ƃoo-nuu ŋɔtɔŋ-kpɛ-maa ƃa ká lókwa.

Azaya 26:9

Kpíni a pɛ̀lɛ ímaa mɛni kíli káa nɔ́ ńii su. Yà kɛ̀ núu-kpune kula maa kɛ̂i ǹɔii ma, da pâi tɔ̃yâ-laa mɛni maa kɔ̂rii.

Zerusâlɛŋ Karáa Maa Wɔ̂lɔ-wooi 3:3

A ŋ́gula maa kɛ́ a ŋ̀ánaa a kpíni da fólo.

Izikiɛ 14:21

M̀ɛnii Ŋwála-wala kélee Yâwɛɛi è mòi ǹya ƃa, “Ŋa pâi ŋá mɛni kula maa kɛ́ pere náaŋ tɛɛi Zerusâlɛŋ. Dîa ƃa, kɔ́, puru, lɔɔ-fɛnɛ-sãa, da kɔlɔ-fela a gɛɛ dínûai da vɛnɛ-sãai su-kara.

Izikiɛ 25:11

Ŋa pâi Môa ŋɔmɛnii ŋá têei a bere sîi ŋí é gɔ́lɔŋ a gɛɛ ńyãa ƃa Yâwɛɛ.”

Izikiɛ 30:14

Ŋa pâi Ize lɔii ŋɔséɣai-pere lɛɛ̂i a bûŋ, ŋá ŋɔŋ tóo Zoaŋ taa-leei mâ nyii gáa yá-ŋua perei. Ŋa pâi Tɛbi taa-lee kɛ́tɛi kula maa kɛ̂i a ŋ̀ánaa.

Izikiɛ 30:19

Bere ƃé ŋa pâi Ize kula maa kɛ̂i la. À kɛ̀ tí, da pâi gɔlɔnii a gɛɛ ńyãa ƃa Yâwɛɛ.”

M̀ɛni-lɛɛi 15:4

Gbɛ̂ɛ ƃé vé pâi yaôi yâ é ílaâi ŋɔfólo-laai maa tɛ́, Óo Kúnuu-namui? Kpɛ́ni fêi, ƃia tɔnɔ nɔ́ ƃe ímaa waâi. Lɔii-ŋuŋ kélee a pâi pâi é ífɛli, kpɛ́ni fêi, ímɛni-ŋa-teɛɛ sã́ai a lɛ́.”

M̀ɛni-lɛɛi 16:7

Nya ƃe ŋá wóo su kɛ́tɛ mɛni gɛ kula Ŋ̀âla-teƃelei mâ, nyɛɛi, “Tɔ̃yâ ma, Kúnuu-namui, Ŋ̀wála-wâla kélee Ɣalai, ímɛni-ŋa teɛɛ-ŋai díkaa a tɔ̃yâ, dísãa!”

M̀ɛni-lɛɛi 19:2

Kpɛ́ni fêi, ŋɔmɛni-ŋa teɛɛi káa a tɔ̃yâ, zã́a. A ŋwulu-wulu-nɛni kɛ́tɛi ŋɔmɛnii ŋá tée, nyíi ǹɔii su kàra a ŋɔwulu-wulu-kɛɛi. È tɔ̂ŋ kpɛ̀ ma ǹyaa Ɣâla yée-mu-ƃelai ŋãa mɛ̂ni ma.”

M̀ɛni-sâa Ƃó-ƃelai 2:15

Da kâa lì a gɛ́ɛ dí kɔ́ díkpɔara-ƃelai pɔ́, Yâwɛɛ a kùla dípôlu yɛ̂ɛ berei nɔ́ è wɔ́lɔ mò la dîai. M̀ɛnii ŋí è gɛ̀ lii too pôlu támaa é pá dípɔ.