Ɛsedɔ 20:3 - Ŋ̀âla Kɔlɔ Maa Waai

³ “Ífe ɣâla da kpɛ́ni fɛ́li é tée ḿbôlu.

Ɛsedɔ 20:3 ပူးပေါင်းရင်းမြစ်များ

Dutɛrɔnome 5:7

“ ‘Káfe Ɣâla da kpɛ́ni fɛli é tée ḿbôlu.

Maafîu 4:10

Nya ƃe Zîsɛ è mò Dɛ̂ƃele ma, ǹyɛɛi, “Siɣe ŋ́gɔlɛ, Sêtɔŋ! Kpɛ́ni fêi, bɔ̃yɛɛ̂i, ‘Ínuu-namui Ɣâla fɛli, í tíi kɛ́ nɔ́ mì ǹyaa tɔnɔ.’ ”

Wule-woo-ŋa 81:9

Káfe wɔ́lɔ ɣâla da kpɛ́ni fɛ̀li. Káfe pɛ̀lɛ ɣâla da kpɛ́ni kɔ́ɔ mu.

Azaya 46:9

Ka kákili ŋá sía é pîlaŋ m̀ɛni-ŋai ma ŋá wɔ́lɔ dí kɛ̀ kásamai. Ka gɔ́lɔŋ a gɛ́ɛ ńyãa tɔnɔ nɔ́ ƃa Káɣâlai. Ɣâla da kpɛ́ni fé naa é kúla ḿbôlu.

Dutɛrɔnome 6:5

Ka ŋ̀wɛ́li a kálii kélee, kámɔlêŋ kélee da káwala-walai kélee.

Zɛlemaya 25:6

Káfe lɛ̀ɛ ɣâla da-kpɛ́ni-ŋa pôlu. Kpaa máŋ kákɛ dífɛ̀li. Ńyãai ŋ́gaa a Yâwɛɛi, káfe ńii ŋwána mɛni kɛ̀ a ɣâla da-kpɛ́ni-ŋa fɛliɛɛ nyíi-ŋai ká díkpɛ̀tɛ a káyeei. Kà wàla dí fɛ́li, ḿve pâi kákula maa kɛ̂i.

Dutɛrɔnome 6:14

Káfe kànaŋ ɣâla da kpɛ́ni-ŋa dîa, dia ƃa diai ka dîa-ni ká káa kwaa tɔnɔ mai díkpɛtɛ ɣâla-ŋai,

Zɛlemaya 35:15

Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátii kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Kɔleŋtiɛŋ Maa-ŋuŋ 8:6

É máŋ kɛ́ tí, a kɛ̀ a kúa, Ɣâla tɔnɔ nɔ́ ƃe gáa naa. Ǹyaa ƃa Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa. Ǹyaa ƃa Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

M̀ɛni-lɛɛi 19:10

Ǹaa pôlu mà, ŋá tòo gɔ́ɔ mu a gɛɛ ŋa vɛ̀li, kɛ́lɛ, è mò mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai da Zîsɛ ŋɔsêre-faai maa-mɛni sòŋ a gbanaŋɔɔ̂i. Ɣâla fɛli.” Kpɛ́ni fêi, Zîsɛ ŋɔsêre-faa-kɛɛi ƃa núu-kpune kɛ̀ é Ɣâla-woo ƃó.

Kolasiɛŋ 2:18

Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Felepiɛŋ 3:19

Díkpɛɛ ŋá ƃa su-kara. Díɣâlai ƃa díkoi. Da dínîa kɛ̀ díŋumɛ-mɛni su. Díkili káa ǹɔii-su-sãai dîa.

Ifisiɛŋ 5:5

Ka láa la a gɛ́ɛ goyaŋ-wulu-wulu kɛ-nuu, kpaa máŋ núu maa liƃiɛ, kpaa máŋ sɛŋ maa-lii-tee-nuu (nyíi gáa a ɣâla da kpɛni fɛliɛɛi), va Ɣâla da Kôrai díkâloŋ-laai su-sãai da sɔlɔ ƃo.

Azaya 26:4

Ka láa a Yâwɛɛ wɔ́lɔ-wɔlɔ da wɔ́lɔ-wɔlɔ. Ǹyaa ƃa kúmaa kɔ̃ɔ-nuu wɔ́lɔ-wɔlɔ da wɔ́lɔ-wɔlɔ.

Ɛsedɔ 15:11

“Gbɛ̂ɛ ƃé gáa yɛ̂ɛ yá ŋ̀âla-ŋai sáma Óo Yâwɛɛ? Gbɛ̂ɛ ƃé gáa yɛ̂ɛ yá, yái íwala-walai maa-waa-laa su, ímaa pɔlɔ-pɔlɔɔ fólo-laa tua-kɛɛ su, da ŋɛi-kɛ-maa kɛ́ɛi?

Ɛsedɔ 20:23

Káfe sɛŋ da kpɛ́ni kpɛ̀tɛ kámɛni ma a gɛɛ dí kɛ a káɣâla-ŋa ká dí fɛli kwa dia-ni à nɛ̃ɛ ma kpîŋ dí kɛ a káne da gôo.

Azaya 44:8

Ŋánûa, káfe yào. M̀ɛni-ŋai pâi kɛ̂i, ŋá gélee ƃo kâa a gɔ́ɔ-pîlani. Káa kpîŋ ka gɔ́lɔŋ. Kákaa a ŋásêre-ŋa. Ɣâla da kpɛ́ni káa naa é kúla ḿbôlu? Kɔni da fé naa é kpanaŋ yɛ̂ɛ ńyãa. Fé dɔnɔ kpîŋ da kɔ́lɔŋ.”

Azaya 43:10

“Eezuɛ-ƃela, káa ƃa ŋásêre-ŋa. Ŋá kásìɣe zu a gɛ́ɛ ká kɛ́ a ŋátii kɛ́-ƃela, a gɛ́ɛ ká gɔ́lɔŋ ńyãa nɔ́ ƃa Káɣâla tɔnɔi, ká láa a ńyãa. É kúla ḿbôlu, ɣâla da kpɛ́ni kélee fé naa. Da fé naa, ǹyaŋ da fé pâi wɔ́lɔ kɛ̂i naa.

Wule-woo-ŋa 73:25

Gbɛ̂ɛ ƃé ŋ́gili káa ma ŋ̀elei su perei, yá fêi? Sɛŋ da fé naa nyii ŋ̀wɛli káa ḿâ ǹɔii mâ ƃɛ́ é tɛ́ɛ yâ.

Wule-woo-ŋa 29:2

Ka Yâwɛɛ láa ma tɛ́ ŋɔfólo-laai maa mɛni ma. Ka pɛlɛ Ɣâla kɔ́ɔ mu nyii gáa a Ŋ̀âla Kɛ́tɛi a tãi a pâ lai.

M̀ɛni-lɛɛi 22:9

Kɛ́lɛ, è m̀o mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai díkaa a Ɣâla ŋɔlóno-kɛ-ƃelai, da diai da gɔlɔi ŋí wóo-ŋai lâai kɛ̀i. Ɣâla fɛ̀li.”

Kɔleŋtiɛŋ Maa-ŋuŋ 8:4

Mɛni ma a kɛ̀ a mii-sɛŋ da dɛ̀ɛ ɣâla-pɔkɔɔŋ-ŋa pɔi da miɛɛ, kú gɔ́lɔŋ a gɛ́ɛ “ɣâla-pɔkɔɔŋ fé ɣele ma. Ɣâla tɔnɔ nɔ́ ƃe naa.”

Ɛsedɔ 32:8

Berei ŋá nɛ̀i da siɣe ma. Da niŋa-sirɛ pɔkɔɔŋ kpɛtɛ a gôo díkpîŋ mɛni ma díkɛ vɛ̀li díkɛ sâla kùla ma. Díkɛ mò dîyɛɛ ŋ̀âlai díkùla Ize lɔii sui ǹyaa ká tí.”

Ɛsedɔ 34:14

“Káfe Ɣâla da kpɛ́ni fɛ̀li. Kpɛ́ni fêi, Ńyãai a Yâwɛɛ, ŋ́gaa a tólo Ɣâla.

Azaya 42:8

“Ńyãa tɔnɔ kpéŋ nɔ́ ƃa Káɣâlai Yâwɛɛ. Ńaa ká ŋí. Fa ŋáfolo-laai da tɛ̀ɛ ɣâla da kpɛ́ni pɔ́. Fa ŋálaa maa tɛ̂i tɛ̂ɛ ɣâla da kpɛ́ni pɔ́.

Zɛlemaya 7:9

Ka pɔ̂ri ŋúma kɛ̂i, ká núu páa, kákɛ ɣâla da kpɛ́ni-ŋa fɛ̀li, kákɛ ká fòo a lɛ́ɛ pere, kákɛ kéreŋ-sɛŋ kúŋ-nɛ̃ɛ kèreŋ Bêe ma, kákɛ ƃò ɣâla-da-kpɛ́ni-ŋa pôlu nyíi-ŋai káfe dí kɔ́lɔŋ,

Osia 13:4

Ńyãa ƃa Yâwɛɛ, Káɣâlai. Ńyãa ƃé kákùla Ize-lɔii su. Káfe Ɣâla da kpɛ́ni kɔ́lɔŋ é kúla ńyãa ḿbôlu. É kúla ḿbôlu, káƃalo nuu da kpɛ́ni fé naa.

Ɛsedɔ 22:19

“Núui kélee à lɔ pɔ̂rɔŋ a fɛnɛ-sɛŋ, fɛ̂ɛ dí maa núui páa.

Ɛsedɔ 23:24

Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

M̀ɛni-sâa Ƃó-ƃelai 6:10

Ŋá mò kâa a gɛ́ɛ Ńyãa ƃa Káɣâlai. Amɔra-ŋai dílɔii ŋí ka seêni mai, ŋ̀âla-ŋai da vɛlîi káfe da fɛli. Kɛ́lɛ ká ŋ́oo pìli.”

Kâloŋ Maa-ŋuŋ 11:4

Saloma pɔlɔɔi, ŋɔnɛyâai dí ǹíi pène é pɛ́lɛ Ɣâla da kpɛ́ni-ŋa fɛliɛɛ ma. Ǹíi fé ŋɔ́nɔ kɛ́ ní a gúlaa Ŋɔɣâlai Yâwɛɛ mɛni ma, yɛ̂ɛ berei ǹâŋ Deeƃé líi è kɛ̀ a gúlaa lai.

Wule-woo-ŋa 81:10

Ńyãa ƃa Yâwɛɛ, Káɣâlai. Ńyãa ƃé kákùla Ize lɔii su. Ka ká lá táa, ǹyaŋ ŋa pâi ǹáa fɛ̂ɛ a mii-sɛŋ.

Danîa 3:18

A nɛ̃ɛ ma kpîŋ vé gɛ̀, kúfe pâi wɔ́lɔ tíi kɛ̂i íɣâla-ŋai da mì kpaa máŋ kú pɛ́lɛ ígôo ɣala pɔkɔɔŋ í gbɛtɛi gɔ́ɔ mu kú vɛli a dɔnɔ kpîŋ.”