Ɛsedɔ 10:9 - Ŋ̀âla Kɔlɔ Maa Waai

⁹ Mose ǹyɛɛ mai, “Kwa pâi liî kwa kúnîa-pɛlɛɛi kúnuu-pɔlɔ-ŋai, kúlônii-sinaai, kúlônii-nɛyãai, é pɛ́lɛ kútaa-tulɛ-ŋai dîa. Kpɛ́ni fêi, kwa pâi kúu kɛ̂i Yâwɛɛ ma.”

Ɛsedɔ 10:9 ပူးပေါင်းရင်းမြစ်များ

Zɛnɛse 50:8

Zosɛ ŋɔpɛ́rɛi mu-ƃelai máŋ é pɛ́lɛ ǹêɣe da ǹîa-ni dîa da ǹâŋ ŋɔpɛ́rɛi mu-ƃelai kélee dí lì. Nîa-pɛlɛɛi nɔ́ ƃé lɛ̀ɛ Gosɛŋ lɔii-kpiniŋ su da m̀ála-ŋai é pɛ́lɛ daa-tulɛ kpéli-ŋai dîa.

Ɛsedɔ 10:10

Gâloŋ è mò dîa ǹyɛɛi, “À kɛ̀ ŋá kálɛ̀ɛ naa ká lí a kánɛyâai da kálônii, gɛ̀ ní Yâwɛɛ a kpɔŋ kâa. Fé pâi kálɛɛ̂i naa ká lí a kánɛyâai da kálônii. Gáa a tɔ̃yâ a gɛɛ kákaa mɛni nyɔ́mɔɔ kpɛtɛ̂i kákili ŋá.

Ɛsedɔ 10:26

Fɛ̂ɛ nɔ́ kú lí a kútaa-tulɛ-ŋai. Dɔnɔ kpîŋ fa lɛ̀ɛ pôlu. Kpɛ́ni fêi, fɛ̂ɛ nɔ́ kú da siɣe kú sâla kula la Yâwɛɛ Kúɣâlai mâ. Ǹyaŋ kúfe nyii kɔ́lɔŋ-ni kwa pɔ̂ri ziɣêi fɛ̂ɛ kú seri.”

Ɛsedɔ 12:32

Ka kátaa-tulɛ-ŋai síɣe ka lí yɛ̂ɛ berei ká mò lai. Ka Ɣâla fɛli ḿaa mɛni ma máŋ.”

Ɛsedɔ 12:37

Nya ƃe Eezuɛ-ŋai dí kùla Laŋse dí lí Sukɔ. Núu kɛ́ɛ yɛ̂ɛ núu wála ŋuŋ lɔ́ɔlu mɛi da (600,000) ƃé kɛ̀ siâi díkɔɔ ŋá é kúla nɛyâai da nîa-pɛlɛɛi pôlu.

Ɛsedɔ 12:38

Da nûa da kpɛ́ni-ŋa díkɛ̀ máŋ dísama díkɛ lì é pɛ́lɛ taa-tulɛ támaa dîa.

Ɛsedɔ 13:6

Ka tɛ́-sɛŋ fé zu kpolo mii a fólo lɔ́ɔlu mɛi feerɛ. Vóloi lɔ́ɔlu mɛi feerɛi kpɛɛ ŋá ɣele, ká kúu kɛ́ Yâwɛɛ mà.

Ɛsedɔ 3:18

“Ŋánûai da pâi díwoli tɔɔ̂i yâ. Gɛ̀ ní ka dîa-ni ka lí Ize kaloŋ pɔ́ naa kâa mai, ‘Yâwɛɛ, nyii gáa a Ibulu-ŋai Díɣâlai a pá kúpɔ. Mɛni ma kpera yɛ̂ ǹɛɛ naa kú lí a ɣele-kûu saaƃa sia vɛ̃ɛ-kpâlaŋ su a gɛɛ kú sâla kula Yâwɛɛ Kúɣâlai ma.’

Ɛsedɔ 5:1

Nàa pôlu ma Mose da Eelɔŋ dí lì Gâloŋ pɔ́ naa dîyɛɛ mai, “Yâwɛɛ nyii gáa a Eezuɛ Ŋɔɣâlai è mò ǹyɛɛi, ‘Ŋánûai lɛ́ɛ naa dí lí a gɛɛ dí kúu kɛ́ ḿâ vɛ̃ɛ-kpâlaŋ su.’ ”

Ɛsedɔ 5:3

Nya ƃe dí mò dîyɛɛi, “Kwa Ibulu-ŋai Díɣâlai kú kúkîe-ni kàa. Mɛni ma kpera yɛ̂ ǹɛ́ɛ naa kú lí vɛ̃ɛ-kpâlaŋ su a ɣele-kûu saaƃa sia a gɛɛ kú sâla kúla Yâwɛɛ Kúɣâlai ma. A wàla kɛ́ tí, a pâi kúpaâi a kɔlɔ-fela kpaa máŋ a kɔ́.”

Táre-woo-ŋa 3:9

Ƃaa-kɛ-maa tɛ́ɛ Ɣâla Yâwɛɛ pɔ́ a sama-sɛŋ é kúla íkɔ̃liŋ da ísi-sɛŋ-ƃai maa-ŋuŋ kélee su.

Ikilisiati 12:1

Núu-tɔɔ-ŋa, káfe ǹɛɛ naa ɣéniɛ su-sãai maa lii-nɛ̃ɛi é gɛ́ ká nia kákpɛtɛ-nuui ma. Ka gɛ́ tí, tãi ka pâi lii la kápɔlɔ yêe lai, ka pâi môi kâai, “Kúfe kúɣeniɛi ŋãa-nɛ̃ɛ kula ní.”

Nɔŋba 29:12

Ŋ̀áloŋ ǹɔ́ɔlu mɛi feerɛi ŋɔɣele-kûu puu káo lɔ́ɔlu ɣelei ka Ɣâla fɛli koyâŋ maa waa tóo. Káfe tíi da kɛ̀, ká kúu kɛ́ Yâwɛɛ mɛni ma ɣele-kuu lɔ́ɔlu mɛi feerɛ yée mu.

Ifisiɛŋ 6:4

Lóŋ kaa-naŋ-ŋa, káfe kálônii líi ŋwana-mɛni kɛ̀, kɛ́lɛ, ka dítɔɔ Kúnuu-namui ŋɔsɛŋ-lɛɛi su da ŋɔyao-maai.

Zasua 24:15

À kɛ̀ káfe ŋ̀wɛ̂lii a gɛ́ɛ ká tíi kɛ́ Yâwɛɛ mì, ka sâa ǹúui lɛ́ nyíi ka pâi kɛ̂i tíi kɛ̂i m̀ii. À kɛ̀ kà pâi tíi kɛ̂i ŋ̀âla-ŋai kánûai díkɛ̀ dífɛlîi Mɛsopotemia kpiniŋ sui, kpaa máŋ Amɔra-ŋai díɣâla-ŋai nyíi-ŋai kákaa dílɔii sui, ka m̀ó ḿâ. Kɛ́lɛ, mɛni a kpera ḿâ, kwa ŋá ǹûai, kwa pâi tíi kɛ̂i Yâwɛɛ mì.”