Ɛtɛ 7:9 - Ŋ̀âla Kɔlɔ Maa Waai

⁹ Aabona nyii kɛ̀ a gâloŋ ŋɔnɛyâai mɛi káa-nuui dɔnɔi, è mò ǹyɛɛi, “Emaŋ a yeŋkêŋ tɔɔ ŋɔpɛ́rɛi pôlu. Ǹyeŋkêŋ ŋí ŋɔtɔɔ-mɛi káa a kɔ́ɔ ƃɔ́rɔni buu lɔ́ɔlu mɛi-feerɛ káo lɔ́ɔlu. È dɔ̀ɔ a gɛɛ é Mɔdikai, nyíi wɔ́lɔ ífulu-laai ŋuŋ ma ƃoi, sɛ̂lɛŋ ma.” Gâloŋ è mò dîa ǹyɛɛi, “Ka Emaŋ kpîŋ sɛ̂lɛŋ ma!”

Ɛtɛ 7:9 ပူးပေါင်းရင်းမြစ်များ

Kâloŋ Veerɛi 9:32

È ŋ̀ɛ́i tɛ̀ ɣelêi é vãa-lâɣi soŋ-kpôŋ lá káa é mare kɛ̂ɛ kɛ́, “Núu ta kâa ŋ̀elei tí su nyii gáa ŋáƃelai mai? Gbɛ̂ɛ ƃé naa?” Gâloŋ ŋɔpɛ́rɛ kɛ́tɛi mu tii-kɛ́-ƃelai veerɛ kpaa zaaƃa dí díŋuŋ kûla vãa-lâɣi soŋ-kpôŋ lá.

Ɛtɛ 1:10

Gúui ŋí ŋɔɣele kûu mɛi feerɛ ɣelei, ǹɔɔi è nâa kɛ̀ Gâloŋ Atasɛra kponôi ǹíi nɛ̃ɛ kpɔ́ a ŋ̀ánaa. È ŋɔtíi kɛ́-ƃela ǹɔ́ɔlu mɛi feerɛ tòli. Dia ƃé kɛ̀ a Miumaŋ, Bizita, Aabona, Bita, Abata, Zɛtɛ da Kakai. Zinâai ŋí ƃé da kâa ŋɔnɛyâai mɛi kâa. È mò dîa a gɛɛ

Ɛtɛ 5:14

Nya ƃe ŋɔnɛnîi da m̀arâai dí mò ma dîyɛɛi, “Yeŋkêŋ tɔɔ mɛi kɛ́ ƃò a kɔ́ɔ ƃɔ́rɔni buu lɔ́ɔlu mɛi feerɛ káo lɔ́ɔlu. À kɛ̀ tí, m̀ó gâloŋ ma é Mɔdikai sɛ̂lɛŋ ma a tínaa ɣele-wala. Gɛ̀ ní ya pâi liî gúui su a lii-nɛ̃ɛ.” Ǹia-wooi ŋí è ǹíi làa. È gɛ̀ dí ǹyeŋkêŋ tɔ́ɔ.

Ɛtɛ 6:14

Díkɛɛ m̀ɛnii ŋí ƃôi mài, gâloŋ ŋɔnɛyâai mɛi káa-ƃelai da-ŋa dí pà Emaŋ perêi a gɛɛ dí lí gúui su a ma félaa nyii Ɛtɛ è maa ƃɛlɛ tòli ƃò a diai.

Ɛtɛ 6:2

Gɔlɔi m̀ɛ́i dí ǹaa lònoi, è kɛ̀ a bîlaŋɔɔ m̀ɛnii ma Mɔdikai è gɛ̀ gâloŋ mii. Nya ƃa tãi Bitanaŋ da Tɛrɛsi dí gbɛ̀tɛ la a gɛɛ dí gâloŋ paai. Mɔdikai è wɔ́lɔ lì é m̀ó gâloŋ ma. Ǹûai ŋí ƃé kɛ̀ a gâloŋ ŋɔkpôŋ-lá mɛi káa-ƃelai láa túɛ-ƃela.

Ɛtɛ 8:7

Gâloŋ Atasɛra è mò Ɛtɛ ma da Zuda-nuui Mɔdikai ǹyɛɛi, “M̀ɛni nyɔ́mɔɔi Emaŋ è gbɛ̀tɛ Zuda-ŋai láa mai, ŋá gùla maa kɛ̂ la. Ŋá zɛ̀lɛŋ gbɔ́ɔi yeŋkeŋ ma è gbɛ̀tɛi, ŋá gɔ̃liŋ tɛɛ Ɛtɛ pɔ́.

Ɛtɛ 9:14

Gâloŋ è fàa Ɛtɛ wóo ma. È wála-wala-laa tɛ̀ɛ Zuda-ŋai pɔ́ a gɛɛ dí Emaŋ ǹônii-sinaa puui poma sɛ̂lɛŋ ŋ̀úru yeŋkeŋ-ŋai ma Susa taa-leei su.

Ɛtɛ 9:25

Ɛtɛ è lì gâloŋ pɔ́ naa é m̀ɛnii ŋí su kula ma. Nya ƃe gâloŋ è kɔlɔ tɛ̂ɛ ǹɔii kpîniŋ-ŋai su a gɛɛ m̀ɛni nyɔ́mɔɔi Emaŋ è gbɛ̀tɛ Zuda-ŋai mɛni mai, dí gɛ́ a ǹyaa Emaŋ. Dí zɛ̀lɛŋ ǹyeŋkêŋ-ŋai dîa da ǹônii-sinaai.

Wule-woo-ŋa 141:10

Tɔ́ɔ ŋ̀wana-lɔ̂ɔ-ƃelai dí kɔ́ a díkpɔɔi ƃare-ŋai, ŋ́gɛ tɛ̂ɛ ŋuŋ mâ ƃóɔɔ.

Wule-woo-ŋa 35:8

Kɛ́lɛ mɛni kpɔ̂lu a pâi kulâi dîa dítɛ̂i-pere. Da pâi kɔ̂i a díkpɔɔi ƃarei dísu é kara.

Wule-woo-ŋa 73:19

Ya pâi dísu karâi tãi kpua yée mu. Díɣeniɛi kpɛɛ-ŋai a pâi kɛ̂i a nyɔ́mɔɔ.

Danîa 6:24

Gâloŋ è mò a gɛɛ diai kélee pà a Danîa sɔŋ, dí dípili ǹyala-sului loai su, da dínɛyâai é pɛ́lɛ dílônii dîa. Dí díkelee pìli naa. Dí piliɛɛ ǹóai sui, dí lɛ́ɛ pâi serîi ǹóai kpɔ́ŋ ma, ǹyala-sulu-ŋai dí dísu tée-tee a gbua-kpua.

Danîa 6:7

Kúkelee kú gbɛ̀tɛ kúai a ǹɔii kpîniŋ mɛi-ƃelai láa túɛ-ƃelai, ǹɔii kpiniŋ tɛi-tɛi mɛi-ƃelai, ǹɔii kpiniŋ mɛi-ƃelai kɔlɛ ma-ƃelai, da ítii kɛ́-ƃela kpaya-kpayai kpéli-ŋai, kú fáa ma a gɛɛ núu da fé ɣâla da kpɛ́ni fɛ̀li fɛ̂ɛ nɔ́ yá gâloŋ é lɛ́ɛ lá zu fólo buu saaƃa é tɛ́ɛ. Núu da a m̀ɛnii ŋí kùla ŋ̀ôlii, kú maa nûui píli ǹyala-sulu loai su.

Samia Maa-ŋuŋ 17:51

Deeƃé è kîrɛ sìɣe é Golaya ŋɔƃóa-sɔkpɔi síɣe é gúla daâi é ŋ̀uŋ tée la. Tãi Felesia-ŋai dí gàa la a gɛ́ɛ dí kɔ-kuluƃa kɛ́tɛi a saai, díkelee dí pɛ̀lɛ púɔɔ ma.