Ɛtɛ 5:9 - Ŋ̀âla Kɔlɔ Maa Waai

⁹ Emaŋ è kùla gúui su a lii-nɛ̃ɛ gɛ́ yoŋka tèe. Tãi è kùla la ŋ̀énii ŋái, è Mɔdikai kàa. Emaŋ è ŋ̀á kàa a gɛɛ Mɔdikai fé ŋumɛ maa tɛɛ-ni bɔ́ yɛ̂ɛ berei ǹúui gbéli-ŋai díkɛ̀ gɛ̂i lai. M̀ɛnii ŋí è gɛ̀ gbɔara lîi kɛ̀ Emaŋ líi su é pîlaŋ Mɔdikai mai, zu é kɛ́tɛ.

Ɛtɛ 5:9 ပူးပေါင်းရင်းမြစ်များ

Ɛtɛ 3:5

Tãi Emaŋ è gàa la a gɛɛ m̀ɛnii gâloŋ è mòi Mɔdikai fé gɛ̂i, è ǹíi ŋwána a ŋ̀ánaa.

Maafîu 2:16

Tãi Ɛɛlɔ e gɔ̀lɔŋ la a gɛɛ dáre-ƃelai dí bɛ̀lɛi, ǹíi è ŋwàna kpɔ́ a ŋánaa é nûa tɛɛ a gɛɛ dí zinâa-nɛyaai kélee páa Bɛpeleɣɛ̃ɛ da nàa kɔlɛ mâ kpiniŋ-ŋai kélee su, nyii-ŋai díkoraŋ è kɛ̀ é siɣe kóraŋ feerɛ ḿâ é yéŋ mu-pere, yɛ̂ɛ berei dáre-ƃelai dí maa-tãi lɛ̀ la mà, a tãi è dímarê kɛ̀ la é pîlaŋ bɛmɛlɛŋ-kaoi káa tãi mai.

Zĩi 4:9

Malôŋ é tóo kâa, ká malôŋ-see ƃó, ká wɔ́lɔ. Tɔɔ káɣɛlɛ̂i é kɛ́ a maloŋ too-maa. Kálii-nɛ̃ɛi é kɛ́ a ŋumɛ.

Zɔ̂ŋ 16:20

Tɔ̃yâ kpîŋ, ŋá m̀ó kâa, ka pâi gbêɣei toôi. Kɛ́lɛ, ǹɔii a pâi lii-nɛ̃ɛ kulâi, malôŋ a pâi toôi kâa. Kɛ́lɛ, kámaloŋ-too-maai a pâi penêi a lii-nɛ̃ɛ.

Lûu 6:25

Kpalo ƃélaâi kâa, káai kápelaâi loníi mai, kpɛ́ni fêi, puru a pâi kákɛ̂i. Kpalo ƃélaâi kâa, káai ɣɛ́lɛ̂i loníi mai, kpɛ́ni fêi, ka pâi gbêɣei toôi, ka wɔlɔ.

Danîa 3:13

M̀ɛnii ŋí è ŋ̀wana kpɔ́ gâloŋ ma a ŋ̀ánaa, é nûa tɛɛ ǹyaŋkpa-ŋai ŋí kanai. Dí pà a dia Gâloŋ ŋɛ́i túɛ.

Wule-woo-ŋa 27:3

A nɛ̃ɛ ma kpîŋ kɔ-kuluƃa támaa dí tínaŋ ḿâ a gɛɛ dí kɔ́ pɛ́lɛ ḿâ, fé pâi yaôi a dɔnɔ kpîŋ. A nɛ̃ɛ ma kpîŋ ŋ́gbɔara-ƃela dí gbã tée ḿberêi, ŋa pâi ŋ́gili tɔɔ̂i kpɔ́ nɔ́ Ɣâla ma.

Wule-woo-ŋa 15:4

Dia ƃa diai dífa díyee see ǹúui mu Ɣâla mɛni fé gbonôi. Kɛ́lɛ ǹúui a ŋûmɛ Yâwɛɛ ma gɛ́ ƃaa kɛ́-maa tɛ̀ɛ bɔ́i. Dia ƃa diai da tɔ̂ɔ díwoo pôlui, a nɛ̃ɛ ma kpîŋ é gɛ́ dí mɔ̃lɛi

Zôo 31:31

Ŋ́gaayɔɔ-ŋai kélee dí gɔ́lɔŋ a gɛɛ diai kélee kùla ḿâ a ŋɔ̃yai, ŋá díseêi kùla kpɔ́ a ǹɛ́lɛɛ.

Zôo 20:5

zɔnyɔ̂ŋ-ƃelai dílii-nɛ̃ɛi káa nɔ́ a tãi kpua? Tɔ̃yâ ma, diai Ɣâla kíli fa lɛ̂ɛ dí ŋái dílii-nɛ̃ɛi káa nɔ́ tãi kpua yée mu.

Ɛtɛ 3:2

Gâloŋ Atasɛra è mò ŋɔtíi kɛ́-ƃelai kélee dîa kɛ̀ tíi kɛ̂i ŋɔpɛ́rɛi lái, a gɛɛ tãi kélee da Emaŋ kàa lai, dí dímaa pɛ́lɛ. Ǹûai kélee da kâa gɛ̀ tí. Kɛ́lɛ Mɔdikai è mò nyɛ̀ɛ vá pɔ̂ri gɛ̂i tí.

Ɛtɛ 2:19

Tãi ǹɛnî-kpela-ŋai dí díŋaa tɛ̀ la ma a tãi veerɛ ɣelei, Mɔdikai è kɛ̀ seêni gâloŋ ŋɔpɛ́rɛi ŋɛ́i-tuɛ.

Kâloŋ Maa-ŋuŋ 21:4

Nya ƃe Eɣa è lì pôlu bɔ́-taai, lii-too pôlu da lii-ŋwâna su, kpɛ́ni fêi, Zariɛɛ-nuui Neeƃɔ è mò ma ǹyɛɛi, “Fé pâi ńâŋ pɔlɔ-ŋai díkɔ̃liŋ tɛɛ̂i ípɔ.” È làa ŋɔgbìŋ ŋá a lii-ŋwâna. Vé fáa ní ma a gɛ́ɛ é mii-sɛŋ da mii.

Zia-ƃelai Kɛ́-mɛni-ŋai 7:54

M̀ɛni-ŋai ŋí mɛniɛɛ dîɛi, dílii è tèe díkoi díkɛ dísîa-mii la.

Maafîu 10:28

Káfe yâo diai dîa da núu kpono pâa kɛ́lɛ, dífa pɔ̂ri ŋɔmɔ̂leŋ paâi. Kɛ́lɛ, fɛ̂ɛ ka yao ǹúui ḿâ nyii a pɔ̂ri núu kponoi da ŋɔmɔ̂leŋ su karâi Dɛ̂ƃele-taai.

Ɛtɛ 5:13

Kɛ́lɛ nyíŋi kélee fé ḿâ a lii-laa mɛni a kɛ̀ nɔ́ ŋà kɛ̀ Zuda-naloŋ Mɔdikai kâai gâloŋ ŋɔpɛ́rɛi lá a vúlu.”

Kâloŋ Maa-ŋuŋ 21:6

È ŋɔnɛnîi wóo su tòo ǹyɛɛ m̀ai, “Ŋá mò Zariɛɛ-nuui Neeƃɔ ma, ‘Íkpɔmɔ kpâlaŋ kɔ́lɛ ḿâ kpaa máŋ yà kɛ̀ ŋ̀wɛ̂lii, ŋa pâi kpɔmɔ kpâlaŋ da kpɛ́ni tɛɛ̂i ípɔ a bɔɔ-ŋa too.’ Kɛ́lɛ è mò ḿâ ǹyɛɛi, ‘Ḿve pâi ŋá kpɔmɔ kpâlaŋ tɛɛ̂i ípɔ.’ ”