Ɛtɛ 4:4 - Ŋ̀âla Kɔlɔ Maa Waai

⁴ Ɛtɛ yée mu-nɛyãai da m̀ɛi káa sinaai dí lì dí m̀ɛnii ŋí ƃó ma. Ǹíi è tòo pôlu a ŋ̀ánaa. È seɣe sîɣe é dɛ̀ɛ Mɔdikai mì a gɛɛ é m̀aloŋ tôo maa seɣei kúla ma. Kɛ́lɛ Mɔdikai fé zoŋ ní.

Ɛtɛ 4:4 ပူးပေါင်းရင်းမြစ်များ

Wule-woo-ŋa 77:2

Ŋà kɛ̀ mɛni kpɔ̂lu su, ŋa Ǹuu-namui fɛli. Ŋa ńyee tɛ̀ ɣelêi a kpíni kélee ŋ́gɛ vɛ̀li kɛ́lɛ fa ŋa-nɛnɛ da sɔlɔ ƃô ǹyêei.

Zɛlemaya 31:15

Yâwɛɛ è mò ǹyɛɛ, “Ŋà wóo da mɛnîi gɛ́ kùla Lama. Gáa a maloŋ too maa wɔlɔ-woo. Leesɛ káa wɔ̂lɔi ŋɔnîa-pɛlɛɛi mɛni ma. Vé fáa ní ma a gɛɛ díŋa kpɛ́, kpɛ́ni fêi, ŋɔnîa-pɛlɛɛi dífe ŋɔ́nɔ naa.

Azaya 56:3

Ŋɔ̃́ya nyíi a gbîŋ kɛ́ a Yâwɛɛ ŋɔnûai dai, vé m̀o ǹyɛɛ, “Tɔ̃yâ ma Yâwɛɛ fé pâi ǹɛɛ̂i naa kwa ŋɔnûai kú vɛli kwaa tɔnɔ ma.” Zurɔ̂ŋ nyíi dí m̀elâi, vé m̀o ǹyɛɛ, “Lóŋ káa pɔ̂ri da fé ḿî, m̀ɛni ma, fa pɔ̂ri wɔ́lɔ kɛ̂i a Ɣâla ŋɔnûai da.”

Ɛtɛ 1:12

Kɛ́lɛ tãi ǹûai ŋí dí lì la dí m̀ó Vasiti mai, vé gɛ́ ní é pá. Nya ƃe gâloŋ è ǹíi ŋwàna a ŋ̀ánaa.

Kâloŋ Veerɛi 9:32

È ŋ̀ɛ́i tɛ̀ ɣelêi é vãa-lâɣi soŋ-kpôŋ lá káa é mare kɛ̂ɛ kɛ́, “Núu ta kâa ŋ̀elei tí su nyii gáa ŋáƃelai mai? Gbɛ̂ɛ ƃé naa?” Gâloŋ ŋɔpɛ́rɛ kɛ́tɛi mu tii-kɛ́-ƃelai veerɛ kpaa zaaƃa dí díŋuŋ kûla vãa-lâɣi soŋ-kpôŋ lá.

Samia Maa-ŋuŋ 8:15

A pâi kámii-sãai buu ɣelei siɣei da kákpɔmɔ ƃai é dɛ́ɛ ŋɔtíi kɛ́-ƃelai da dímɛi-ƃela pɔ́.

Zɛnɛse 37:35

Ǹônii-sinaai da ǹônii-nɛyâai kélee dí dímu sìɣe dí lí a gɛɛ dí ŋ̀á nɛnɛ. Kɛ́lɛ vé fáa ní a gɛɛ dí ŋ̀á nɛnɛ. È mò ǹyɛɛi, “Kpao, ŋa pâi lɛɛ̂i ńoŋ maa wɔ̂lɔ kɛ̂i é lɛ́ɛ la zu ŋá sáa.”

Zia-ƃelai Kɛ́-mɛni-ŋai 8:27

Nya ƃe è m̀u-siɣe é lí. Itiopia naloŋ tɔnɔ, nyíi kɛ̀ a duɛ-saai, è kɛ̀ pâi Zerusâlɛŋ Ɣâla fɛli mɛni ma. Ǹalôŋ ŋí è kɛ̀ a gɔmɛnɛ-nuu kɛ́tɛ Kɛŋdɛsi yée mu, è ƃo ŋɔ́nɔ a ŋɔsɛŋ-kao láâi-kɛ-nuu. Kɛŋdɛsi è kɛ̀ a kâloŋ-nɛni Itiopia-ƃelai mɛi.

Ɛtɛ 4:3

Ƃɛ́i kélee Zuda-ŋai paa mɛni duŋ è sèri naai, Zuda-ŋai kélee kɛ̀ naai dí sèe malôŋ-pere su. Díkɛ̀ sûŋ siɣêi díkɛ wɔ̀lɔ. Dámaa ɣele dí kɛ̀ nɔ́ luu siâi dîa dí kɛ́ maloŋ tôo-maa seɣe tòo dîa.

Ɛtɛ 4:5

Nya ƃe Ɛtɛ è Atasi tòli nyii kɛ̀ a gâloŋ ŋɔnɛyâai mɛi káa ǹúui dɔnɔi. Ǹalôŋ ŋí ƃé kɛ̀ Ɛtɛ mɛi kâai. È dɛ̀ɛ Mɔdikai pɔ́ naa a gɛɛ é gáa lé ƃé kɛ̂i lai.