Ɛtɛ 2:9 - Ŋ̀âla Kɔlɔ Maa Waai

⁹ Ɛtɛ maa mɛ̂ni è Egai líi sòŋ a ŋ̀ánaa. È sia mâa-sãa kúŋ lɛ́lɛɛ-ŋa tɛ̀ɛ bɔ́ da ŋɔmii sãai a maa félaa. È bù gâloŋ-pɛrɛi mu kwaai ǹɛ́lɛɛ dɔnɔ ma. È nɛnî kpela lɔ́ɔlu mɛi feerɛ tɛ̀ɛ naa dí kɛ́ tíi kɛ̀ mì díkɛ mɛi kâa.

Ɛtɛ 2:9 ပူးပေါင်းရင်းမြစ်များ

Táre-woo-ŋa 16:7

Ɣâla Yâwɛɛ líi à làa ítûa-pere su, a gɛ̀ ka íkpɔara-ƃelai ká kɛ́ kákîe ma lii-see su.

Zɛnɛse 39:21

Kɛ́lɛ Yâwɛɛ è kɛ̀ nɔ́ Zosɛ pôlu. È ŋɔwɛli-kɛ-maai lɛ̀ ma. È gɛ̀ gbini-pɛ̂rɛ lá-nuu kɛ́tɛi é Zosɛ wɛ́li.

Ɛtɛ 2:12

Da kâa núu kpono maa nɛ̃ɛ sãa tɛ̀ɛ ǹɛnî-kpela-ŋai ŋí pɔ́ a tɛɛ-ŋa. Dí wúlɔ kúŋ nɛ̃ɛ-ŋa tɛ̀ɛ dípɔ a gɛɛ díkɛ zìa dîa ɣáloŋ lɔ́ɔlu mɛi da yée mu. Naa pôlu ma, dí wée kúŋ nɛ̃ɛ-ŋa tɛ́ɛ dípɔ a gɛɛ díkɛ zia dîa ɣáloŋ lɔ́ɔlu mɛi da yée mu. Ŋ̀áloŋ puu káo feerɛi ŋí a tɛ̀ɛ, maa nɛnîi a nâa lì gâloŋ pɔ́naa.

Ɛtɛ 2:3

Íyee kpamo ǹɔii láa túɛ-ƃelai da-ŋa dîa ǹɔii kpiniŋ-ŋai su a tɛɛ-ŋa a gɛɛ dí kɛ́ m̀ɛnii ŋí láa túɛ dí ǹɛnî-kpela-ŋai ŋí kɔ́ri dí pá a dia Susa taa-leei su. Da pà a dia, dítɛɛ Egai pɔ́ nyii gáa ínɛyâai mɛi káa mɛnii láa-tuɛi. A pâi kɛ̂i dímɛi kâai gɛ́ mii-sãa lɛ́lɛɛ-ŋa tɛ̀ɛ dípɔ da sãâ nyii a gɛ̀ nɛnî è lɛ́lɛi.

Danîa 1:9

Ǹyaŋ Ɣâla è gɛ̀ Asipena é Danîa maloŋ káa.

Ɛzura 7:6

Ɛzura è kɛ̀ a dáreɛɛ a ŋ̀ánaa. E kɛ̀ a gili-ŋa ponoɔɔ Eezuɛ Ɣalai Yâwɛɛ ŋɔtɔ̂ŋ kɔlɔi mɛni su, nyíi è dɛ̀ɛ Mose pɔi. Ŋɔɣâlai Yâwɛɛ è lûwa làa ma. Zãâi kélee è Pɛsia kaloŋ marê kɛ̀ mɛni mai, è dɛ̀ɛ bɔ́. Ɛzura è kùla Babelɔŋ é lí Zerusâlɛŋ. È lì naa a Gâloŋ Atasɛra ŋɔkâloŋ-laa koraŋ ǹɔ́ɔlu mɛi feerɛi su. È lì a Eezuɛ nuu-kpulu-ŋa naa. Ǹúu kpulu-ŋai ŋí ƃé kɛ̀ a zâla láa soŋ-ƃelai, Liiva-ŋai, Ŋ̀âla-pɛrɛi mu wule too-ƃelai, Ŋ̀âla-pɛrɛi mɛi káa-ƃelai da tíi kɛ́ kpakolo-ŋa.

Zia-ƃelai Kɛ́-mɛni-ŋai 7:10

È gùla ŋɔmɛni kpɔ̂lui kélee su é lûwa láa ma é táre tɛ́ɛ bɔ́ Ize kaloŋ Feelo ŋɛ́i tuɛ, nyíi gɛ̀ a Ize lɔii da ŋɔpɛ́rɛi mɛi-nuui.

Wule-woo-ŋa 106:46

È gɛ̀ díkpɔara-ƃelai dí díŋɛi malôŋ káa.

Kâloŋ Maa-ŋuŋ 8:50

Ínûai malôŋ káa, nyii-ŋai sɔnyɔ̂ŋ kɛ̀ a yai, zɔnyɔ̂ŋ-ŋai kélee dí gɛ̀ ílii kɛ́ ŋwànai, ǹyaŋ í tela gɛ́ diai dí sòŋ a luɛi, dí dímalôŋ káa,

Niɛmaya 2:8

Ŋá gâloŋ marê kɛ̀ máŋ a gɛɛ é kɔlɔ tɛ́ɛ ḿbɔ ŋà lì ŋá dɛɛ Asafa pɔ́ wúru-ƃela mɛni ma. Asafa ƃé kɛ̀ a ǹɔii ŋɔwolâ kɛ́tɛi láa túɛ nuui. Ŋ̀úru ƃela-ŋai ŋí da-ŋa da pâi kɛ̂i Ŋ̀âla-pɛrɛ Kɛ́tɛi maa kóli konaŋ-ŋai kpɛtɛ mɛni ma, da-ŋa kɛ́ ƃò Zerusâlɛŋ taa-leei maa kóli gala-ŋai kpɛtɛ mɛni ma da bɛ́rɛi ŋa pâi kɛ̂i mui gbɛ̀tɛ mɛni. Gâloŋ è m̀ɛnii kélee kɛ̀ mî ŋá marê kɛ̀ dímɛni mai, kpɛ́ni fêi, Ɣâla è kɛ̀ ŋ́gɔlɛ.

Ɛtɛ 5:2

Ɛtɛ káa mii, maa mɛ̂ni è ǹíi làa. È ŋɔgôo kaloŋ-wuruii sãa ma. Ɛtɛ è lɛ̀ɣɛ la é ǹyée lɛ́ɣɛ ŋ̀úrii ma.

Zɛnɛse 39:4

Mɛni ma è nâa Zosɛ wɛ̀li, é ǹyée sée mu. Potifa è Zosɛ kɛ̀ ŋɔpɛ́rɛi mɛi a núu kɛ́tɛ, é gɛ́ gɔ̃liŋ kélee mɛi.