Ɛtɛ 10:2 - Ŋ̀âla Kɔlɔ Maa Waai

² M̀ɛni-ŋai kélee è gɛ̀i, da berei è Mɔdikai kɛ̀ la a núu kɛ́tɛ ŋɔkâloŋ-laai sui, gélee pɔ̃yɛɛ̂i Pɛsia da Midia kaloŋ-ŋai dímɛni pɔ̂lɔ-kɔlɔi su.

Ɛtɛ 10:2 ပူးပေါင်းရင်းမြစ်များ

Kâloŋ Maa-ŋuŋ 11:41

M̀ɛni da kpɛ́ni-ŋai Saloma è gɛ̀ gɛ́ɛ ɣele mai, ŋɔtârei è nɛ̀i, gélee pɔ̃yɛ̂i ŋɔkâloŋ-laai su mɛni-ŋai maa kɔlɔi su.

Kâloŋ Maa-ŋuŋ 14:19

Zɛroboaŋ ŋɔkâloŋ-laai su mɛni-ŋai kpéli-ŋai, gɔ́-ŋai è gɔi, da berei è ŋɔkâloŋ-laai kɛ̀ lai, gélee pɔ̃yɛɛ̂i Eezuɛ kaloŋ-ŋai dímɛni pɔlɔ-ŋai maa kɔlɔi su.

Kâloŋ Maa-ŋuŋ 22:39

Eɣa ŋɔkâloŋ-laai su mɛni-ŋai kpéli-ŋai kélee è gɛ̀i, gâloŋ-pɛrɛ kɛ́tɛi è dɔ̀ɔi, é zu-pere kpɛ̀tɛ a séle-nyiŋ da daa-lêe kpaya-kpayai è dɔ̀ɔ é dímaa tínaŋ a siɣãŋ, gélee pɔ̃yɛ̂ɛi Eezuɛ kaloŋ-ŋai dímɛni pɔlɔ kɔlɔ-ŋai su.

Ɛtɛ 2:23

M̀ɛnii ŋí su káa gâloŋ mii, è kɛ̀ a tɔ̃yâ. È mò a gɛɛ dí ǹúu feerɛi ŋí sɛ̂lɛŋ wúru ma. Dí m̀ɛnii ŋí pɔ̃yɛ Gâloŋ-ŋai dímɛni-pɔlɔ kɔlɔi su.

Ɛtɛ 6:1

Gâloŋ Atasɛra fé nyìi ní a gbínii tí. È mò a gɛɛ dí pá a ǹɔii ŋɔmɛni-pɔlɔ kɔlɔi dí ǹóno mì.

Ɛtɛ 8:15

Mɔdikai è kɛ̀ a maa ɣiriɛɛ a kâloŋ seɣe. Zeɣei ŋí pɔ̃yɛ è kɛ̀ a doɔɔ a buluŋ da gole. Gôo kaloŋ ƃɔrɔ kɛ́tɛ tɔnɔ è kɛ̀ a zeɛɛ ŋ̀ûa. Ŋɔseɣei mɛi-pere ŋɔi è kɛ́ a seɣe kpɔ̂lu mu tɛi-yɛɛ nɛnɛ fɛfɛ. Susa taa-leei su-ƃelai kélee dí maa koi-nɛ̃ɛ kùla.

Ɛtɛ 8:2

Gâloŋ Atasɛra è wɔ́lɔ ŋɔkâloŋ gbònoi tɔnɔ tɛ̀ɛ Emaŋ pɔ́ a ŋɔwála-wala laai. Emaŋ kɛ́ɛ da zɛ̂lɛŋ pôlu ma, gâloŋ è gbònoi sîɣe è dɛ́ɛ Mɔdikai pɔ́. Ɛtɛ è Mɔdikai pù Emaŋ kɔ̃liŋ kélee mɛi nyii gâloŋ è dɛ̀ɛ bɔi.

Ɛtɛ 9:4

Mɔdikai tɔɔ̂i è kɛ̀ a gɛ́tɛ ŋɔwála-wala-laai su kɛ́ kɛ̀tɛ gâloŋ-pɛrɛi mu. Ǹáa è tàa-taa ǹɔii kpîniŋ-ŋai su gwaa kélee mâ.

Wule-woo-ŋa 18:35

Yaâ ŋuŋ ma ƃô kɔli-kalaŋ tɛ́ɛ ḿbɔ. Ya ŋ́gɛ a núu kɛ́tɛ a íwala-wala laai. Ŋa ŋuŋ ma ƃo sɔlɔ ƃó íwala-walai sârai.

Danîa 2:48

Gâloŋ Nɛbukinaza è tíi kɛ́tɛ tɛ̀ɛ Danîa pɔ́ da ƃaa kɛ́-maa sãa támaa lɛ́lɛɛ-ŋa. È Babelɔŋ lɔii-gwaa kélee tɛ̀ɛ bɔ́ a gɛɛ é kɛ́ nàa mɛi dáre-ƃelai kélee dí kɛ́ ƃò ǹyée mu.