Egaa 2:9 - Ŋ̀âla Kɔlɔ Maa Waai

⁹ Bɛ́rɛ ninai a pâi fôloi é tɛ́ɛ bɔlɔi ma. Ŋa pâi tɔɔ-laa tɛɛ̂i ŋánûai pɔ́ da lii-sêe gwaa ŋí ma.”

Egaa 2:9 ပူးပေါင်းရင်းမြစ်များ

Azaya 60:7

Da pâi pâi ípɔ a Kedɛ ƃála-ŋai kélee. Da pâi pâi máŋ a Nibayo ƃála sirɛ-ŋai ípɔ sâla kula mɛ̂ni ma. Da díkùla a sâla, Yâwɛɛ líi a pâi lâai m̀ɛni ma. Yâwɛɛ a pâi gɛ̂i ƃaa kɛ́-maa kɛ́ ƃò Ŋɔpɛ́rɛ maa waai ma.

Azaya 66:12

Yâwɛɛ ǹyɛɛ, “Ŋa pâi gɛ̂i í ƃûu ƃó a zu kôyaa. Ǹɔii-ŋuŋ-ŋai su tɔɔ-sãai da pâi kɛ̂i pâi ípɔ yɛ̂ɛ yá nyii ɣilîŋ nii, va kpâlai. Ya pâi kɛ̂i yɛ̂ɛ lôloŋ ƃé ǹee è ŋwɛ̂lini, gɛ́ ŋákɔ̂ŋ, gɛ́ ǹaa ńyee tɔ̃ɔ̂i gɛ́ lí la.

Izikiɛ 43:5

Nya ƃe Yâwɛɛ ŋɔmɔ̂leŋ è ńziɣe é lɔ́ a ńyãa ziɣãŋ su-pere ŋ̀ɔi su. Yâwɛɛ ŋɔfólo-laai è kɛ̀ kpɔ́ a Ŋ̀âla-pɛrɛ Kɛ́tɛi láa fɛ́ɛ.

Maka 5:5

ǹyaŋ a pâi pâi a lii-sêe. Tãi Asiria-ŋai da pâi pâi la a gɛɛ dí kúlɔii síɣe, dí kú maa kɔ̃ɔ kwaa-ŋai ma siɣei, kwa pâi núu láa túɛ-ƃela lɔ́ɔlu mɛi feerɛ siɣêi da kɔ́-kaloŋ lɔ́ɔlu mɛi saaƃa dí tɔɔ kútuɛ kú kɔ́ dípɔ.

Egaa 1:8

Ka lí ǹyée-ŋai ma ká wúru-ŋa tée ká Ŋápɛrɛi tɔ́ɔ nyii pâi ńii lâai ŋáfolo-laai é lɛ́i.

Egaa 2:3

‘Gbɛ̂ɛ ƃé kásama è wɔ́lɔ bɛ́rɛi ŋí maa-ŋuŋ kàa berei è kɛ̀ a ǹɛ́lɛɛ lai? Gáa sáa léŋ káŋɛi? Vé káŋɛi nɔ́ kpɛ́ni-kpɛni?

Zɛkɛrâya 2:5

Yâwɛɛ a mó a gɛɛ ǹyaa kpîŋ a pâi kɛ̂i a ŋɔŋ-siɣãŋ é tínaŋ daa-lêei ma, gɛ́ m̀ɛi kâa, ǹyaŋ a pâi kɛ̂i naa ŋɔfólo-laai kélee su.”

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Zɔ̂ŋ 14:27

“Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Zia-ƃelai Kɛ́-mɛni-ŋai 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ƃa lii-sêe maa mɛni ƃóɔɔ Zîsɛ Kôrai sarâi, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Zĩi 2:1

Ŋánûa, su-ɣɛɛ-mɛni kélee da fé kɛ̀ kásama tãi kákaa la Kúnuu-namui Zîsɛ Kôrai ŋɔlaa-lai su, nyíi gáa a Kúnuu-namui ŋɔfólo-laa namui.