Egaa 2:7 - Ŋ̀âla Kɔlɔ Maa Waai

⁷ Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá pɛ́rɛi ŋí láa é fɛ́ɛ a sɛŋ lɛ́lɛɛ-ŋa.

Egaa 2:7 ပူးပေါင်းရင်းမြစ်များ

Malakai 3:1

Ŋ̀wála-wâla kélee Yâwɛɛ a môi ǹyɛɛi, “Ŋa pâi ŋáworɛ̂-woo ƃó-nuui tɛɛ̂i a gɛɛ é ŋáperei su kpɛtɛ. À kɛ̀ tí, Ŋ̀âlai ka gɔ̂rii a pâi pâi Ŋɔpɛ́rɛi Kɛ́tɛi mu a maa félaa. Gɛ̀ ní ŋ̀orɛ̂-woo ƃó-nuui ka wɔ́lɔ berei kâai, a pâi pâi é ŋáworɛ̂-wooi ƃó kâa.”

Kâloŋ Maa-ŋuŋ 8:11

M̀ɛnii ŋí è gɛ̀ zâla-laa soŋ-ƃelai dífe pɔri ní dítii kɛ̂i, kpɛ́ni fêi, Yâwɛɛ ŋɔfólo-laai è ŋɔɣâla-pɛrɛ kɛ́tɛi láa fɛ̀ɛ.

Zɛnɛse 49:10

Zudasi ŋɔkâloŋ-wuruii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Lûu 2:46

Nya ƃe e kɛ̀ ti, ɣele-kuu saaƃa e tɛ̀ɛ, dí gáa Ŋ̀âla-pɛrɛ Kɛ́tɛi mu, gɛ ƃo seêni dɔ̂ŋ-lɛ-ƃelai sama, gɛ ŋ̀óli tɔɔ dîa, gɛ mare-kɛɛ-ŋa kɛ̀ dîa.

Lûu 2:27

Ǹyaŋ M̀ɔlêŋ Maa Waai e lì la Ŋ̀âla-pɛrɛ Kɛ́tɛi mu. Tãi ǹee da ǹâŋ dí pa kɛ̀ a ǹôloŋ Zîsɛ a gɛɛ dí mɛnii kɛ́ mì yɛ̂ɛ berei dɔ̂ŋ-kɔlɔi è mò lai,

Izikiɛ 21:27

Ŋa pâi kátaa-leei lɛɛ̂i a gbolôŋ. Kɛ́lɛ ḿve pâi gɛi fɛ̂ɛ ŋa núu tɛɛ nyii pâi daa-leei ŋɔ m̀ɛnii ŋa-teei. Nya ƃe ŋa pâi dɛɛi bɔ.”

Azaya 60:7

Da pâi pâi ípɔ a Kedɛ ƃála-ŋai kélee. Da pâi pâi máŋ a Nibayo ƃála sirɛ-ŋai ípɔ sâla kula mɛ̂ni ma. Da díkùla a sâla, Yâwɛɛ líi a pâi lâai m̀ɛni ma. Yâwɛɛ a pâi gɛ̂i ƃaa kɛ́-maa kɛ́ ƃò Ŋɔpɛ́rɛ maa waai ma.

Zɛnɛse 22:18

Ǹɔii-ŋuŋ-ŋai kélee da pâi ḿarê kɛ̂i a gɛɛ ŋá kpɔ́ŋ dîa ísuui sârai. Kpɛ́ni fêi, í ŋ́oo mɛ̀ni.”

Galesiɛŋ 3:8

Ŋ̀âla-kɔlɔi è gàa nàa tuɛ a gɛ́ɛ Ɣâla a pɔ̂ri Zɛ̃tai-ŋai kɛ̂i a tɔ̃yâ-ƃela laa-la sarâi, ǹyaŋ Ŋ̀âla-kɔlɔi è Duŋ Lɛ́lɛɛi ƃò Eberaɣɛ̃ɛ ma nàa tuɛ, ǹyɛɛi, “Lûwa a pâi kɛ̂i ǹɔii-ŋûŋ-ŋai kélee dîa ísarâi.”

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Lûu 21:38

Nya ƃe ɣele-wâla nɛ̃ɛ-nɛ̃ɛ ǹûai kélee dí pà bɔ́ Ŋ̀âla-pɛrɛ Kɛ́tɛi mu a gɛɛ dí ŋ̀óo mɛni.

Lûu 19:47

Nya ƃe e kɛ̀ Ɣâla-woo lɛ̂i Ŋ̀âla-pɛrɛ Kɛ́tɛi mu a ɣele kélee. Zâla láa soŋ-ƃela kpaya-kpayai da gɔlɔ-pɔ̃yɛ-ƃelai, bɛlɛɛ ǹɔii-namelai dîa, dí kɛ̀ bàa-pere kɔ́rîi;

Wule-woo-ŋa 80:1

Íwoli tɔ́ɔ kûa, óo yái ya Eezuɛ mɛi kâa yɛ̂ɛ ƃála mɛi káa-nuui, í Zosɛ ŋɔsuui téniŋ tɔ́ɔ yɛ̂ɛ ƃála mɛi káa-nuu. Íkaa seêni íkâloŋ see-sɛŋ ŋá ŋ̀âla-taa kooŋ-sãai kélee mɛi-pere.

Lûu 20:1

Nya ƃe e kɛ̀ ti, ŋele-ŋai ti dɔnɔ ma tãi e kɛ̀ Ɣâla-woo lɛ̂i la ǹûai dîa gɛ Duŋ Lɛ́lɛɛi mɛni ƃo Ŋ̀âla-pɛrɛ Kɛ́tɛi mui, zâla láa soŋ-ƃela kpaya-kpayai da gɔlɔ-pɔ̃yɛ-ƃelai, bɛlɛɛ ǹúu-pɔlɔ-ŋai dîa, dí pà bɔ.

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ́rɔni íŋuŋ ma, yáŋ ya pâi dínyinîi díkɔɔ ma.”

Kolasiɛŋ 2:9

Kpɛ́ni fêi, Ɣâla Ŋɔɣâla-laai kélee káa gbonôi.

Wule-woo-ŋa 85:9

Gbîŋ kpɛtɛɛi kpɔ́ a tɔ̃yâ a gɛɛ é diai ŋuŋ ma ƃó da vɛlii, gɛ́ ƃò díkɔlɛ ma a ɣele kélee.

Azaya 2:19

Yâwɛɛ à pà a gɛɛ é ǹɔii su-ƃela maa yao, núu-kpune a pâi kɛ̂i ǹoôi kɔni-wôlo-ŋa su ǹyée-ŋai tôŋ su da ǹóa-ŋai ǹɔii mai a gɛɛ dí díloo Yâwɛɛ ŋɔlii-ŋwânai da ŋɔfólo-laa kɛ́tɛi perêi.

Azaya 60:4

Íkɔlɛ ma káa, ímɛni-ŋai káa díkaa kɛ̂i. Ínûai díkaa díŋa tɛ̂i gîe ma, díkɛ pá dípɔ-taai. Ílônii-sinaai da pâi kulâi kwaa kôyaa ma dí pa. Da pâi liî a ílônii nɛyãai yɛ̂ɛ nîa-pɛlɛɛ.

Izikiɛ 31:16

Ǹyaŋ tãi ŋa pâi doôi la saa-taai, ǹɔii-ŋûŋ-ŋai kélee kpɔ́ da pâi tûmoi a m̀aa tîŋ tí. Ŋ̀úru-ŋai díkaa Idɛŋ suai sûi da ŋ̀úru lɛ́lɛɛ-ŋai da ŋ̀úru-ŋai nyii-ŋai díkaa Lɛƃanɔŋ da kâa yá támaa sɔlɔ ƃôi, nyii-ŋai da lí saa táai díkelee dílii a pâi nɛ̃ɛ̂i a doo tîŋ.

Izikiɛ 38:19

Ŋá mò a gɛɛ maa ɣêlei tí ŋa pâi ńii ŋwânai ŋá Eezuɛ lɔii kɛ́ é pú zu.

Izikiɛ 44:4

Naa kɛ́ɛ tíi, kwa ǹalôŋ kú lì yá-ŋua pere siɣãŋ lá-pere Ŋ̀âla-pɛrɛi ŋɛ́i-tuɛ. Nya ƃe ŋá tìnaŋ ŋá Yâwɛɛ ŋɔfólo-laai káa a Yâwɛɛ ŋɔpɛ́rɛi láa fɛ́ɛ. Ŋá tôo ǹɔii mâ ŋá ŋuŋ mâ pîlaŋ.

Egaa 1:8

Ka lí ǹyée-ŋai ma ká wúru-ŋa tée ká Ŋápɛrɛi tɔ́ɔ nyii pâi ńii lâai ŋáfolo-laai é lɛ́i.

Kâloŋ Maa-ŋuŋ 8:10

Zâla-laa soŋ-ƃelai kuláa kɛ̀ gwaa maa waai mai, ŋ̀ele-kɔlɔŋ kolei è Yâwɛɛ ŋɔɣâla-pɛrɛ kɛ́tɛi láa fɛ̀ɛ.