Egaa 2:4 - Ŋ̀âla Kɔlɔ Maa Waai

⁴ Óo Zɛrubabɛɛ, ílii kpéle, óo Ziozada ǹóŋ Zasua, íkaa a zâla láa-soŋ-nuui, ílii kpéle, bɛ́lɛɛ ǹúui gbéli-ŋai kélee dîa. Ka tíi kɛ́, kpɛ́ni fêi, ŋ́gaa kákɔlɛ, ŋ́gaa a Ŋ̀wála-wâla kélee Yâwɛɛ,

Egaa 2:4 ပူးပေါင်းရင်းမြစ်များ

Samia Veerɛi 5:10

Deeƃé ŋɔwála-walai su è kɛ̀ nɔ́ kɛ̂tɛi, kpɛ́ni fêi, Yâwɛɛ ŋ̀wála-wala kélee Ɣalai è kɛ̀ gɔlɛ.

Kɔlɔnikɔ Maa-ŋuŋ 22:13

À kɛ̀ tí, ya pâi mɛni lɛ́lɛɛ sɔlɔ ƃôi à kɛ̀ ya ímɛi kâa, í dɔ̂ŋ nyíi Yâwɛɛ è wɔ́lɔ dɛ̀ɛ Mose pɔ́ Eezuɛ-ŋai mɛni mai mɛi káa. Kɛ́ a ítɔɔ̂i kpanaŋɔɔ ílii kpeliɛɛ. Ílii fé tòo pôlu kpaa máŋ í yao.

Kɔlɔnikɔ Maa-ŋuŋ 28:20

Ǹaa kɛ́ɛ tíi, Deeƃé è mò ǹóŋ Saloma m̀a ǹyɛɛi, “Kɛ́ a ítɔɔ̂i kpanaŋɔɔ, íkili kuláa a ǹɛ́lɛɛ í díi ŋí kɛ́. Ífe yao, kpaa máŋ ílii é kɔ́ kɔ̀, kpɛ́ni fêi, Íɣâlai Yâwɛɛ, kpaa máŋ Ŋáɣâlai káa íkɔlɛ. Vé pâi ǹɛɛ̂i naa í fɛ́ɣɛ, kpaa máŋ é bôlu tɔɔ yâ é lɛ́ɛ la zu díi-ŋai díkaa Yâwɛɛ ŋɔpɛ́rɛi mai é kpɛ́ɛ.

Ɛzura 10:18

Zinâai sîi nɛyaa díkɛ̀ díyêei, dí dílaa pɔ̃yɛ yɛ̂ɛ berei dísuui káa lai. Zâla láa soŋ-ƃelai dílônii sinaai nyíi-ŋai sîi nɛyaa kùlai dílaa ƃa: Maaseia, Iliezɛ, Zari da Gidalia. Ǹûai ŋí dí kùla Ziozada ǹóŋ Zasua da ǹêɣe sinaai dísuui su.

Ɛzura 5:2

Tãi Siatiɛ ǹóŋ Zɛrubabɛɛ da Zasua ǹóŋ Ziozada dí ŋ̀orɛ̂-woo-ŋai ŋí mɛni lai, dí pɛ̀lɛ ŋɔ́nɔ Ŋ̀âla-pɛrɛ Kɛ́tɛi tɔɔ̂ ma Zerusâlɛŋ taa-leei su. Ɣâla ŋɔlóno kɛ́-ƃela feerɛi ŋí dí kpɔŋ-mâa tɛ̀ɛ dípɔ.

Ɛsedɔ 3:12

Ɣâla ǹyɛɛ mai, “Ŋa pâi kɛ̂i íkɔlɛ. Ŋ̀ɛi-kɛ-maai ká ŋí nyii pâi ǹɛ̂i a gɛɛ ŋa ítɛɛ̂i. Ƃà kùla a ǹûai Ize, ƃà pà a dia, ka ḿvɛli ǹyéei ŋí ma.”

Egaa 1:13

Nya ƃe Yâwɛɛ ŋɔworɛ̂-woo ƃó-nuui Egaa è Yâwɛɛ ŋɔworɛ̂-wooi ƃò ǹûai dîa ǹyɛɛi, “Ŋ́gaa kákɔlɛ ma.”

Zɛkɛrâya 4:6

Ŋ̀óoi Yâwɛɛ è mò Zɛrubabɛɛ mai ǹyaa ká ŋí: “Kɔ́kɔ-sãa díwala-wâla-laai kpaa máŋ íwala-wâla-laai fêi, kɛ́lɛ ŋá-mɔ̂leŋ sârai ƃé ƃa pâi nyee-tɛɛ-maai sɔlɔ ƃôi la.

Zɛkɛrâya 8:9

“Tɔɔ káyee su é kpanáŋ káai kákaa ŋ̀óo-ŋai ŋí mɛnii gɛ́ kùla ŋálono kɛ́-ƃelai lá é síɣe tãi ma dí Ŋápɛrɛi tɔɔ pôlu kɔ́ɔ pìlaŋ lai.

Mâki 16:20

Nya ƃe ŋɔpôlu-ƃelai dí kùla naa dí lí, dí kɛ́ Ɣâla-woo ƃó kwaa kélee ma. Kúnuu-namui è kɛ́ díkɔlɛ, gɛ́ tɔɔ ŋ̀orɛ̂-wooi pôlu a ŋɛ́i-kɛ-maa-ŋa kɛ́ɛ. É kɛ́ ti.]

Zia-ƃelai Kɛ́-mɛni-ŋai 7:9

“Kánâŋ pɔlɔ-ŋai ŋí dí kɛ̀ tólo kulâi Zosɛ ma. Dí gɔ̀lɛ Ize lɔii su. Kɛ́lɛ, Ɣâla è kɛ̀ gɔlɛ.

Kɔleŋtiɛŋ Maa-ŋuŋ 16:13

Ka kámɛi káa, ká tɔ́ɔ a gbanaŋɔɔ kálaa-lai su, lii-kpele é kɛ́ káyêei, kákponôi é kpanaŋ.

Ifisiɛŋ 6:10

Gbɛɛ ŋái, kákponôi é kpánaŋ Kúnuu-namui kponôi da ŋɔwála-wala-laai ŋɔsu-kpanaŋ.

Dutɛrɔnome 31:23

Yâwɛɛ è mò Nuŋ ǹóŋ Zasua ma ǹyɛɛi, “Ílii kpéle íkɛ yɛ̂ɛ kpakolo. Yá ƃé pâi liî a Eezuɛ-ŋai gono-tee lɔii su. Ŋa pâi kɛ̂i íkɔlɛ.”

Temete Veerɛi 2:1

Gɛ̀ ní ńoŋ, íkponôi é kpanaŋ m̀ɛlɛ-sêei su gáa Zîsɛ Kôrai kponôi,

Temete Veerɛi 4:17

Kɛ́lɛ, Kúnuu-namui è tɔ̀ɔ ŋ́gɔlɛ é wála-wala tɛɛ ḿbɔ a gɛ́ɛ ŋá ŋɔwóoi ƃó kpɔ́ a ǹáa fɛ́ɛ, a gɛ́ɛ Zɛ̃tai-ŋai kélee dí m̀ɛni. M̀ɛni ma Kúnuu-namui è ŋ́gùla ǹyala-sului lá.

Zasua 1:6

Tɔɔ a gbanaŋɔɔ, í ílii kpele, kpɛ́ni fêi, yá ƃé pâi gɛ̂i ǹûai ŋí dí see ǹɔii ma ŋá ŋ́gono tèe la dínâŋ-ni yêei.

Zasua 1:9

Fé m̀ó ní yâ? Tɔɔ a gbanaŋɔɔ, í ílii kpéle, ífe yao, ílii fé tòo pôlu, kpɛ́ni fêi, ńyãa Yâwɛɛ Íɣâlai, ŋa pâi kɛ̂i ípôlu ƃɛ́i kélee ƃa lî naai.”

M̀ɛni-sâa Ƃó-ƃelai 2:18

Yâwɛɛ a kâa Eezuɛ-ŋai láa túɛ-nuu lɛ̀, a tɔ̀ɔ m̀aa nuui pôlu a gɛ́ɛ é díŋuŋ ma ƃó díkpɔara-ƃelai yêei. A kâa tɔ̀ɔ ǹúu láa túɛ-ƃelai ŋí pôlu é lɛ́ɛ la zu díwɔ̂ tãi é kpɛ́ɛ. Yâwɛɛ a kâa kɛ̀ dímalôŋ kâai, kpɛ́ni fêi, da kâa kɛ̀ wɔ̂lɔi m̀a dímɛni sôlii su.

Samia Maa-ŋuŋ 16:18

Ŋɔtíi kɛ́-nuu kɛ́tɛi dɔnɔ è mò ma ǹyɛɛi, “Bɛpeleɣɛ̃ɛ nalôŋ tɔnɔ da káa naa da kɛ̀ m̀â Zɛse. Ǹóŋ-surɔŋ dɔnɔ a kɔnîŋ ɣale kpɔ́ a ǹɛ́lɛɛ. Gáa a kɔ-kuluƃa líi kpeliɛɛ, ǹɛ́lɛɛ kpɔ́ a ŋ̀ánaa. A lòno nûa pɔ́ a ǹɛ́lɛɛ. Yâwɛɛ káa bôlu.”