Egaa 2:2 - Ŋ̀âla Kɔlɔ Maa Waai

² “Lóno Siatiɛ ǹóŋ Zɛrubabɛɛ pɔ́ nyii gáa a gɔmɛnɛ-nuu kɛ́tɛi Zuda-lɔii mɛi, da Ziozada ǹóŋ Zasua, nyii gáa a zâla láa-soŋ-nuu kɛ́tɛi, da ǹúui gbêli-ŋai kélee yɛɛ dîa,

Egaa 2:2 ပူးပေါင်းရင်းမြစ်များ

Ɛzura 1:8

È zãâi ŋí kélee tɛ̀ɛ Miturɛda pɔ́. Miturɛda ƃé kɛ̀ a gâloŋ yêei-sãai kélee mɛi-ƃelai láa-tuɛ núu. Miturɛda è zãâi kélee lòno é dílaa pú kɔlɔ ma Sibazɛ mì, nyíi kɛ̀ a Zuda lɔii láa-tuɛ nuui a maa tãi tí.

Ɛzura 2:63

Zuda-ŋai dílɔii láa túɛ-nuui fé fáa ní ma a gɛɛ m̀ii-sãai da gùla Ɣâla ma a sâlai, ǹûai ŋí dí da mii. É lɛ́ɛ pâi kɛ̂i tí, fɛ̂ɛ sâla láa sóŋ-nuu kpîŋ é Uliŋ da Tumiŋ tóo é gáa à kɛ̀ maa nɛ̃ɛi é kɛ́ tí.

Ɛzura 3:2

Nya ƃe Ziozada ǹóŋ-surɔ̂ŋ Zasua da m̀arâa sala láa-soŋ-ƃelai, Siatiɛ ǹóŋ Zɛrubabɛɛ da ŋɔnûai dí díŋa tɛ̀ díkîe ma. Dí Eezuɛ-ƃelai Díɣâlai ŋɔsâla-ŋai kúla kwaai ma tɔ̀ɔ pôlu dí kɛ kéreŋ sala kula naa yɛ̂ɛ berei bɔ̃yɛɛ̂i la Ŋ̀âla-nuui Mose ŋɔtɔ̂ŋ kɔlɔi sui.

Niɛmaya 8:9

Tãi ǹûai dí Mose ŋɔtɔ̂ŋ-ŋai ŋí lóno woo mɛ̀ni lai, díkelee dí wɔ̀lɔ a zu kɛ́tɛ. Nya ƃe Zuda lɔii kpiniŋ mɛi nuui Niɛmaya, zâla láa soŋ nuui Ɛzura, nyii kɛ̀ a dɔ̂ŋ-ŋai lɛ́ nuui dɔnɔi da Liiva-ŋai nyii-ŋai kɛ̀ dɔ̂ŋ-ŋai ŋá lɛ̂i ǹûai dîai, dí mò dîa dîyɛɛi, “Ŋ̀elei ŋí maa waai Káɣâlai Yâwɛɛ mɛni ma. M̀ɛni ma, káfe sèe a malôŋ pere, kpaa máŋ ká wɔ́lɔ.”

Egaa 1:1

Dairɔ kɛ́ɛ a kâloŋ ŋɔkóraŋ veerɛi su, ŋ̀áloŋ lɔ́ɔlu mɛi-dai ŋɔfólo maa-ŋuŋ ɣele Yâwɛɛ è worɛ̂ tɛ̀ɛ a ŋɔlóno kɛ́-nuui Egaa. È ŋ̀orɛ̂-wooi ŋí tɛ̀ɛ a gɛɛ dí mó Siatiɛ ǹóŋ Zɛrubabɛɛ ma nyii kɛ̀ a gɔmɛnɛ-nuu kɛ́tɛi Zuda-lɔii mɛi. È ŋ̀orɛ̂-woo tɔnɔi ŋí tɛ̀ɛ máŋ Ziozada ǹóŋ Zasua pɔ́ nyii kɛ̀ a zâla láa soŋ-nuu kɛ́tɛi.

Egaa 1:12

Nya ƃe Siatiɛ ǹóŋ Zɛrubabɛɛ da Ziozada ǹóŋ Zasua nyii kɛ̀ a zâla láa-soŋ-nuu kɛ́tɛi, é pɛ́lɛ ǹúui gbêli-ŋai lɛɛ̂i, dí Yâwɛɛ wóo mɛ̀ni nyii gáa a Díɣâlai. Nya ƃe dí Ɣâla ŋɔlóno kɛ́-nuui Egaa wóo mɛ̀ni, kpɛ́ni fêi Yâwɛɛ Ɣâla ƃé dɛ̀ɛ. Ǹyaŋ ǹûai dí yào Yâwɛɛ ma.

Egaa 1:14

Nya ƃe Yâwɛɛ è Siatiɛ ǹóŋ Zɛrubabɛɛ nyii kɛ̀ a gɔmɛnɛ-nuu kɛ́tɛi Zuda lɔii mɛi kponôi kpànaŋ da Ziozada ǹóŋ Zasua nyii kɛ̀ a zâla láa-soŋ-nuui é pɛ́lɛ ǹúu gbêli-ŋai dîa nyii kùla ǹuɛ-laai sui. Nya ƃe díkelee dí pà dí tíi kɛ́ Ŋ̀wála-wâla kélee Ɣalai Yâwɛɛ ŋɔpɛ́rɛi ma,