Dutɛrɔnome 7:7 - Ŋ̀âla Kɔlɔ Maa Waai

⁷ “Vé kásiɣe ní kátama mɛni ma kpaa máŋ káa ƃa ǹúu-kpulu loŋ ŋ̀éniɛi su.

Dutɛrɔnome 7:7 ပူးပေါင်းရင်းမြစ်များ

Kɔlɔnikɔ Maa-ŋuŋ 16:19

Ɣâla ŋɔnûai dífe kɛ́ ní a dítamaa. Díkɛ̀ nɔ́ a ŋɔ̃ya-ŋa Keena.

Wule-woo-ŋa 105:12

Tãi è m̀ɛnii ŋí ƃò lai, dífe kɛ́-ni a dítamaa. Díkɛ̀ nɔ́ a ŋɔ̃ya-ŋa ǹɔii kpîŋ su.

Wule-woo-ŋa 115:1

Yâwɛɛ, laa maa tɛ̂ fé kúmɛni ma, fɛ̂ɛ nɔ́ yá tɔnɔ kpéŋ. M̀ɛni ma, fɛ̂ɛ kú ífolo-laai mɛni ƃó, íwɔlɔ-wɔlɔ wɛli kɛ-maai, da íteniŋ ƃô-laai.

Wule-woo-ŋa 44:3

Ínûai dífe ǹɔii su-ƃelai yée mɛi ɣále ní a díƃoa-sɔkpɔ-ŋai, kpaa máŋ díkpîŋ wala-wala-laai. Kɛ́lɛ yá ƃé gɛ̀ a íwala-wala-laai da íkɛ naa-laai. Íkɛ naai maa laa laai è ǹɛ a gɛɛ í díwɛlini.

Azaya 51:2

Ka kákili ŋá sía é pîlaŋ kákaa-ƃela pɔlɔ-ŋai Eberaɣɛ̃ɛ, da Seera ni dîa nyii-ŋai ká kùla díkponôi. Tãi ŋá Eberaɣɛ̃ɛ tòli lai, lóŋ fé kɛ́ ní ǹyêei, kɛ́lɛ ŋá lûwa tòo m̀a, zuu é kɛ́ ma. Ŋá gɛ̀ ŋɔsuui su é kɛ́tɛ.

Azaya 63:9

é díkula dímɔ̃lɛ-laai su. Ɣâla-taa kêla fé m̀ɛnii ŋí kɛ́ ní. Kɛ́lɛ Yâwɛɛ ǹyaa kpîŋ ƃé díŋuŋ mâ ƃò. È díŋuŋ mâ ƃò ŋɔmaloŋ kâai da ŋɔwɛli kɛ́-maai sârai. A wɔ́lɔ dímɛi kâa nɔ́ a bɔlɔ.

Izikiɛ 20:5

Ye mò dîa yɛɛi Ŋ̀wála-wâla kélee Yâwɛɛi ǹyɛɛi, tãi ŋá Eezuɛ siɣe la zui, ŋá mò dîa a gɛɛ ŋa pâi ŋ́gbîŋ lɛi dîa Ize-lɔii su. Ŋá ŋ́gono-tee díyeei a gɛɛ ńyãa ƃa Yâwɛɛ nyii gáa a Díɣâlai.

Izikiɛ 36:22

“M̀ɛni ma mó Eezuɛ-ŋai dîa yɛ̂ɛ Ŋ̀wála-wâla kélee Yâwɛɛi ǹyɛɛ, ‘Káai a Eezuɛ-ŋai ká maa mɛ̂ni fé ŋá tùa la a gɛɛ ŋi. Kɛ́lɛ ŋa tûai a gɛɛ ŋí ńaa maa-waai mɛ̂ni ma nyii ká ƃâa kùla ma ǹɔii ŋuŋ da kpɛ́ni-ŋai su ƃɛ́i ká kɛ̀ a ká táa tâa naai.

Maafîu 7:14

Kɛ́lɛ, góraŋ la kuro-téɛɛ̂i da bere su-kuro-téɛɛ̂i da lî a núu fulu-laa su, mɛni ma, núu tɛi-tɛi nɔ́ ƃa tɛ̂ɛ là.

Lûu 12:32

“Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Lomaŋ 11:6

Kɛ́lɛ, à kɛ̀ e dílɛ̀ ŋɔƃɛlɛ-sêei sârai, gɛ̀ ní ve dílɛ ni dítii kɛ́ɛ sârai; à wàla kɛ́ ti gɛ̀ ní Ɣâla ŋɔƃɛlɛ-sêei fe ŋɔ́nɔ pâi kɛ̂i a ƃɛlɛ-sêe.

Lomaŋ 9:18

Mɛni ma a diai malôŋ kàa a ŋ̀wɛli e dímalôŋ káai, gɛ diai líi kpanaŋ a ŋ̀wɛli é dílii kpanaŋ.

Lomaŋ 9:21

Wala-wala káa leɣi-tɔɔ-nuu yêei ŋɔleɣi-pɔrɔi mɛi, a gɛ́ɛ e da tɔɔ a ǹɛ́lɛɛ e da tɔɔ gɔ kpaaŋ tee mɛni ma a neɣi-pɔrɔ tɔnɔi ti, Kɛrɛ̂e?

Dutɛrɔnome 1:10

Káɣâlai Yâwɛɛ a gɛ́ kásuui su a kɛ́tɛ ka kɛ́ yɛ̂ɛ bɛmɛlɛŋ kao-ŋai díkaa ŋ̀elei sui.

Dutɛrɔnome 10:22

Kánuu-pɔlɔ-ŋai dí kɛ̀ buu lɔ́ɔlu mɛi feerɛ. Kɛ́lɛ Káɣâlai Yâwɛɛ è gɛ̀ kátama ká kɛ́ yɛ̂ɛ bɛmɛlɛŋ-kao-ŋai díkaa ŋelei sui.

Dutɛrɔnome 14:2

Kpɛni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Dutɛrɔnome 4:37

È kákùla Ize lɔii su é pá a káa ǹyaa kpîŋ ŋ̀ɛ́i a ŋɔwála-wala-laai. Kpɛ́ni fêi, è kánâŋ-ni díwɔ̂ naŋ-ni wɛ́li ní.

Zɔ̂ŋ Maa-ŋuŋ 3:1

Ka ŋwɛli-kɛ-maa kɛ́tɛi káa Nàŋ-nuui a gɛ̀ a kûai, a gɛ́ɛ díkɛ kútoli a Ɣâla ńonîi, ǹyaŋ kúkaa la. Sapoi ŋ̀éniɛi fé kúkɔlɔŋ lai ƃa, ŋ̀éniɛi fé gɔ̀lɔŋ.

Zɔ̂ŋ Maa-ŋuŋ 4:10

Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.