Dutɛrɔnome 7:4 - Ŋ̀âla Kɔlɔ Maa Waai

⁴ Ka gɛ̀ tí da pâi gɛ̂i kálônii sinaai líi é pene ɣâla da kpɛ́ni pɔ́ naa pere. Gɛ̀ ní Yâwɛɛ a pâi ǹíi ŋwanâi kâa é kásu-kara.

Dutɛrɔnome 7:4 ပူးပေါင်းရင်းမြစ်များ

Kâloŋ Maa-ŋuŋ 16:31

Zɔnyɔ̂ŋ ŋí mɛni fé kɛ́ ní ŋ̀ɛ́i a mɛni kɛ́tɛ ta. Vé kɛ́ ní a gɔ́lɔŋɔɔ a gɛ́ɛ ŋɔsɔnyɔ̂ŋ è kɛ̀ a gɛ́tɛ é tɛ́ɛ Neba ǹóŋ Zɛroboaŋ ma. È Sidɔŋ kaloŋ Ɛbêe ǹóŋ-nɛnii Zɛsebɛɛ kùla a ŋɔnɛnî. M̀ɛnii ŋí è gɛ̀ è pɛ̀lɛ tíi kɛ̂i Bêe mì, gɛ́ vɛ̀li.

Ɛsedɔ 20:5

Ífe pɛ̀lɛ díkɔɔ mu kpaa máŋ í dífɛli. Kpɛ́ni fêi, ńyãai a Yâwɛɛ Íɣâlai, ŋ́gaa a tólo Ɣala. Ŋa lóŋ-naŋ-ŋa kélee dísɔnyɔ̂ŋ maa tɔ̂ŋ pú dílônii dîa. Ŋa bù dílônii díwɔ-lônii dîa da díwɔ lonii nyii-ŋai da ŋ́gbɔarai.

Ɛsedɔ 34:16

Káfe dílônii-nɛyãai da kùla a nɛyâa kálônii-sinaai mɛni ma. Kà gɛ̀ tí, tãi da kɛ̀ díɣâla-ŋai fɛlîi la pere sîi nyɔ́mɔɔ-ŋa sui, da pâi kálônii-sinaai líi penêi dí nia mâ da dîa-ni díkɛ díɣâla-ŋai fɛ̀li.

Dutɛrɔnome 20:18

A wàla kɛ́ tí, da pâi díɣâla fɛli-pere sii nyɔ́mɔɔ-ŋai kélee lɛ̂i kâa. À kɛ̀ tí ka pâi sɔnyɔ̂ŋ kɛ̂i a Káɣâlai Yâwɛɛ.

Dutɛrɔnome 4:26

ŋa pâi ǹɔii da ŋ̀elei tôlii dí tɔ́ɔ kâa, ǹyaŋ kásu a pâi karâi ǹɔii ma ka liî naai.

Dutɛrɔnome 6:15

kpɛ́ni fêi, Káɣâlai Yâwɛɛ káa a tólo Ɣâla. Ǹíi a pâi ŋwânai kâa é kásu kara ǹɔii su.

Zasua 22:15

Nya ƃe dí pà Lubiŋ, Gâa da Manasɛ-ŋai pɔ́ naa Gilia lɔii su, dîɛ dîai,

Zasua 23:12

À kɛ̀ káfe tûa ní a teniŋ ƃô pere, ká ǹɔii-ŋûŋ-ŋai kákaa zui zu-ƃela tûa pere siɣe, ka dîa-ni kákɛ nɛyâa kula kákîe-ni loai,

M̀ɛni-sâa Ƃó-ƃelai 2:11

Nya ƃe Eezuɛ-ŋai dí dípôlu tɔ̀ɔ Yâwɛɛ ma dí pɛ́lɛ Bêe Ɣalai fɛliɛɛ ma.

M̀ɛni-sâa Ƃó-ƃelai 2:20

Ǹyaŋ tãi nɔ́ da kâa kɛ̀ tûai la a gɛ́ɛ tíi, Yâwɛɛ a kâa ǹíi ŋwàna kpɔ́ dîa a ŋ̀ánaa gɛ́ mò ǹyɛɛ, “Ǹûai ŋí dífe gbanaŋ-wooi mɛi káa ní nyíi ŋá wɔ́lɔ gɛ̀ dínûa pɔlɔ-ŋai dí m̀ɛi kâai, kpɛ́ni fêi, dífa díwoli tɔ̀ɔ ḿâ.

M̀ɛni-sâa Ƃó-ƃelai 3:6

Da ǹûai ŋí ni dí nɛnî kùla díkîe-ni dínuu-suui su, díkɛ̀ díɣâla-ŋai fɛli.