Emɔ 8:3 - Ŋ̀âla Kɔlɔ Maa Waai

³ Yâwɛɛ Ɣâla è mò ǹyɛɛ, Ŋ̀âla-pɛrɛ Kɛ́tɛi mu wule-woo-ŋai da pâi penêi a wɔ́lɔ-wôo a ŋ̀elei tí. Boma-ŋai da pâi kɛ̂i a dítamaa. Da pâi kɛ̂i a dímɛi saá díkɛ boma-ŋai pìli díkîe-ni mɛi kwaa kélee ma.”

Emɔ 8:3 ပူးပေါင်းရင်းမြစ်များ

Wule-woo-ŋa 39:9

Ŋa pâi ńa tɛ̂i, fé pâi mɛni da kélee ƃôi. Yá ƃé gɛ̂i ŋ́gɛ m̀ɛni sôlii ŋí sɔlɔ ƃô a dáre kɛ́ɛ ŋí.

Azaya 37:36

Maa kpînii tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È díkɔ-kɔkuluƃai ŋɔwála ŋuŋ tɔ̂nɔ pôlu buu lɔ́ɔlu mɛi saaƃa káo lɔ́ɔlu (185,000) pàa. Bôlu ma ɣele ƃɔ́ɔi, díƃûui láa è kɛ̀ a vɛ́ɛ a poma-ŋa.

Zɛlemaya 22:18

M̀ɛni-ŋai ŋí ƃé Yâwɛɛ è mò é pîlaŋ Zosaya ǹóŋ Zɛoakiŋ ma, nyíi kɛ̀ a kâloŋ Zuda lɔii sui. “Núu da fé pâi malôŋ-see ƃôi zaa mɛ̂ni ma, kpaa é m̀ó, ‘Lé mɛni kpɔlu ƃè ŋí, ǹaoi, lé mɛni kpɔlu ƃè ŋí!’ Núu da fé pâi wɔ̂lɔi ŋuŋ-su, kpaa é wɔ́lɔ a ɣelêi-pere ǹyɛɛ, ‘Óo ŋákâloŋ! Óo ŋánuu-namui!’

Zerusâlɛŋ Karáa Maa Wɔ̂lɔ-wooi 2:10

Zãiyɔŋ nuu-pɔlɔ-ŋai dí maloŋ seɣe tòo dîa dí muluŋ pú díŋûa, dí sée ǹɔii ma dímɛi saá. Ǹɛnî-kpela-ŋai dí díŋuŋ pîlaŋ ǹɔii ma.

Zooɛ 1:11

Ká malôŋ see ƃó, óo kpâlaŋ-ŋa tii kɛ́-ƃela, káai kpâlaŋ káa káyêei, ká wɔ́lɔ kási-sãai mɛni ma kpɛ́ni fêi, ká sí-sãai kélee su a kara.

Zooɛ 1:13

Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:5

Lɔɔ-kpele-ƃela, ka kámu siɣe ká wɔ́lɔ. Ka gbêɣei-too ŋwã̂ai nɛ̃ɛ-ŋai kélee su a kara.

Levetekɔ 10:3

Nya ƃe Mose è m̀o Eelɔŋ ma ǹyɛɛi, “M̀ɛnii ká ŋí Yâwɛɛ è mòi, ‘Ŋa pâi ŋ́gîŋ lɛ̂i a ḿaa waa diai sáma díkaa ŋ́gɔlɛi, ǹyaŋ ǹûai kélee da pâi ńaa maa tɛ̂i.’ ” Eelɔŋ è lɛ̀ɛ a m̀ɛi saa.

Emɔ 4:10

“Ŋa mɛni kpɔ̂lu tɛ̀ɛ kásama yɛ̂ɛ Ize ŋ̀ɔi. Ŋá ká nyáŋkpa-ŋai pàa a ƃóa-sɔ̂kpɔ, ŋá kásoo-ŋai síɣe, ŋá káƃûui kúŋ nyɔ́ŋ kásũai. Berei máŋ è kɛ̀ tí lai, káfe pá ní ḿbɔ pôlu.”

Emɔ 5:16

M̀ɛni ma Ɣâla Yâwɛɛ ǹyaa kpîŋ ǹyɛɛi, “Wɔ́lɔ-woo a pâi kɛ̂i gwaa-ŋai kélee ma nûa da kpɔ̂ŋ naai. Da pâi lâɣii bere-lee-ŋai kélee mâ, dîyɛɛi, ‘Óo! Óo!’ Da pâi gbâlaŋ ŋá tii kɛ́-ƃelai tôlii ŋ̀ɔ́lɔi mɛni ma, da diai dí wɔ́lɔ-pere kɔ́lɔŋ.”

Emɔ 5:23

Ka kula ŋ́ôlii a ká wolii kâra wule-ŋai. Fe pâi ŋ́oli tɔɔ̂i káɣale-sãai wóo ma.

Emɔ 6:4

Kpalo ƃêlaai diai dîa díkaa laâni séle-nyiŋ gbìŋ-ŋai ŋá díkɛ dísama lɔ̀ dí làli-ŋai su, díkɛ díƃala sua-ŋai mîi da díniŋa wúlɔɔ-ŋai.

Emɔ 6:5

Ka wule-folo-ŋa tòo kákɔniŋ ma, kákɛ ɣale-sãa kpɛ̀tɛ kákpîŋ mɛni ma yɛ̂ɛ berei Deeƃé è kɛ̀ gɛ̂i lai.

Emɔ 6:8

Yâwɛɛ Ɣâla è vòo ǹyaa kpîŋ m̀a ǹyɛɛi, “Ŋa Zeeka ŋɔyoŋkai kpɔara da ŋɔpɛ́rɛ-ŋai. Ŋa pâi kulâi daa-leei pôlu da zu-sãa kélee.”

Emɔ 8:10

Ŋa pâi kákuu-ŋai penêi a wɔ́lɔ-kuu, ŋá káwule-ŋai kélee pene a wɔ́lɔ-woo. Ŋa pâi maloŋ tôo-maa sêɣe toôi kákelee káleŋei, ŋá kpúlaŋ tóo kaŋûa nyii pâi ǹɛ̂i a gɛɛ kákaa maloŋ tôo-maa su. Ká pâi kɛ̂i wɔ̂lɔi yɛ̂ɛ núu ƃé lóŋ tɔnɔ kpéŋ maa-wɔlɔ kɛ̂i. M̀ɛni-ŋai ŋí kélee kpɛɛ-ŋa a pâi kɛ̂i a maloŋ too-maa kɛ́tɛ.”

Neeuŋ 3:3

Zoo sia-ƃelai díkɛ nɔ́ lì, m̀óa sɔ̂kpɔ-ŋai díkɛ kɛ̀ mãla-mãla, zɔla-ŋai díkɛ fòlo, núu poma támaa púɔɔ nyii núu fa pɔ̂ri dílônoi, díkɛ kàreŋ a dia!

Zɛfɛnâya 1:7

Ímɛi sáa Ɣâla Yâwɛɛ ŋɛ́i túɛ! Yâwɛɛ ŋɔmɛni ŋátee ɣelei a seri. Yâwɛɛ aâ gbîŋ kpɛ̀tɛ a gɛ̀ɛ é ŋɔnûai kúla a sâla. Ǹyaŋ aâ nûa tóli a gɛɛ dípa.