Emɔ 7:7 - Ŋ̀âla Kɔlɔ Maa Waai

⁷ Ɣâla Yâwɛɛ è ŋɔ́nɔ mɛni da kpɛ́ni lɛ̀ ḿâ zĩ̂a su. Ŋázĩ̂ai su, ŋá Ɣâla Yâwɛɛ kàa. È kɛ̀ tɔɔ̂ni pɛ́rɛ kaŋ kɔlɛ, nyii dí dɔ̀ɔ a sɛŋ-kɔ̂ɔŋ-sɛŋ, ǹyaŋ sɛŋ-kɔ̂ɔŋ-sɛŋ è kɛ̀ ǹyêei.

Emɔ 7:7 ပူးပေါင်းရင်းမြစ်များ

Zɛnɛse 28:13

Yâwɛɛ è tɔ̀ɔ délei ŋuŋ túɛ ǹyɛɛi, “Ńyãa ƃa Yâwɛɛ, nyii gáa a ínâŋ Eberaɣɛ̃ɛ da Aise díɣâlai. Ǹɔii íkaa lâa-ni mai, ŋa pâi dɛ̂ɛi ípɔ ká ísuui.

Samia Veerɛi 8:2

Naa pôlu ma è Môa-ŋai yée mɛi ɣàle máŋ. Nya ƃe è gɛ̀ ǹûai kélee dílaa ǹɔii ma. Ƃɛ́i dílaa naai, è naa kɔ̀ɔŋ a ɣɛli. Ƃɛ́i è naa kɔ̀ɔŋ a ŋ̀ɛlii laai feerɛi, è naa-ƃelai kélee pàa. Ƃɛ́i è naa kɔ̀ɔŋ a ŋ̀ɛlii laai tɔnɔi, è naa-ƃelai kélee ŋuŋ ma ƃò, díkɛ ƃò a ŋɔtíi-kɛ-ƃela díkɛ ŋuŋ-fela-fei tɛ̀ɛ bɔ́.

Kâloŋ Veerɛi 21:13

Zerusâlɛŋ-ƃelai sɔŋ nyɔ́mɔɔi a ŋánaa kpɔ́ nɔ́ yɛ̂ɛ berei Gâloŋ Eɣa da Sameria-ƃelai dí wɔ́lɔ kɛ̀ lai. Mɛni ma, ŋa pâi Zerusâlɛŋ-ƃelai su-karai yɛ̂ɛ berei ŋa wɔ́lɔ gɛ̀ la a Sameria-ƃelai, ŋá naa kɔɔ yɛ̂ɛ núu a kawúlu wàa é zu kɔ̀ɔ, é bene é bɛlɛ a gɛɛ ma é kpála a ǹɛ́lɛɛ.

Azaya 28:17

Tɔ̃yâ-laa da teniŋ-ƃô-laa ƃé ŋa pâi gɛ̂i a zônoŋ su kɔnii ŋí kɔ̂ɔŋ sãa.” Sãɔ a pâi kálɛɛ mɛni-ŋai kákili tɔɔ̂i dîai su-karâi, ya-fɛ̂ɛ é lí a káyêei sãa kélee.

Azaya 34:11

Kɛ́lɛ ǹaa a pâi kɛ̂i a mûu-ŋa da gɔ̃̀ɔ-ŋa kɛ̂i. Ɣâla a pâi ǹɔii ŋí kɛ̂i a ƃɛ́i mɛni lɛ́lɛɛ da kélee fa pɔ̂ri kɛ̂i naai.

Zerusâlɛŋ Karáa Maa Wɔ̂lɔ-wooi 2:8

Yâwɛɛ è gbɛ̀tɛ a gɛɛ é ziɣãŋ wólo Zãiyɔŋ ma. È ǹaa kɔ̀ɔŋ é naa su kara. Da ŋɔyeŋkêŋ-ŋai da ŋɔsiɣãŋ-ŋai wólo.

Izikiɛ 40:3

Tãi è pà la a ńyãa naai, nalôŋ tɔnɔ è kɛ̀ naa nyii gbɛ̀tɛ pere è kɛ̀ yɛ̂ɛ ƃarai. Sɛŋ kɔ̂ɔŋ ɣɛli fɛlɛŋ-fɛlɛŋ da sɛŋ kɔ̂ɔŋ wuru díkɛ̀ ƃò ǹyêei. È kɛ̀ tɔɔ̂ni ziɣãŋ láƃelei.

Emɔ 7:6

Malôŋ è tòo Ɣâla Yâwɛɛ ma m̀ɛnii ŋí ma máŋ, ǹyɛɛi, “Nyíŋi fé pâi kɛ̂i máŋ.”

Emɔ 7:8

Nya ƃe è ḿarê kɛ̀ ǹyɛɛi, “Emɔ, lé ƃé ƃa gâai?” Nya ƃe ŋá mò mà, ńyɛɛi, “Sɛŋ-kɔ̂ɔŋ-sɛŋ.” Nya ƃe è mò ḿâ ǹyɛɛi, “Gáa, ŋa sɛŋ-kɔɔŋ-sɛŋ lâai Eezuɛ-ŋai sáma nyii-ŋai díkaa a ŋánûai. Fé pâi ŋɔ́nɔ dísu-mɛni lɛɛ̂i.

Zɛkɛrâya 4:10

Ǹúui a ŋ̀ɛi nàɣiŋ sɛŋ-lôŋ mɛi, a pâi máŋ lii-nɛ̃̂ɛ kulâi, ǹyaŋ a pâi sɛŋ-kɔ̂ɔŋ-sɛŋ kâai Zɛrubabɛɛ yêei. “Yâwɛɛ ŋɔŋɛ́i-gao lɔ́ɔlu mɛi feerɛi ŋí ƃé ǹɔii kélee su kâai.”

M̀ɛni-lɛɛi 11:1

Nya ƃe dí sɛŋ-kɔɔ̂ŋ-wuru tɛ̀ɛ ḿbɔ gɛ́ɛ yɛ̂ɛ sîa-wuru, díyɛɛ ḿâi, “Ímu síɣe í Ɣâla ŋɔpɛ́rɛ Kɛ́tɛi kɔɔ̂ŋ da Ŋ̀âla-teƃelei da diai da Ɣâla fɛ̀li naai.

M̀ɛni-lɛɛi 21:15

Ǹúui lòno ḿbɔi, sɛŋ-kɔɔ̂ŋ-wuru è kɛ̀ ǹyêei, nyíi kɛ̀ a gbɛ́tɛɛ a gôoi, a gɛɛ é daa-leei kɔɔ̂ŋ, da ziɣãŋ-ŋai lá, é pɛ́lɛ ziɣãŋ kpîŋ ma.