Emɔ 5:4 - Ŋ̀âla Kɔlɔ Maa Waai

⁴ Ɣâla Yâwɛɛ è mò Eezuɛ-ƃelai dîa ǹyɛɛi, “Ka ŋ́gɔri ká kɛ́ ɣele ma.

Emɔ 5:4 ပူးပေါင်းရင်းမြစ်များ

Kɔlɔnikɔ Veerɛi 15:2

Nya ƃe Azaria è lì é mó Asa da Zuda-ƃelai é pɛ́lɛ Bɛŋsima ŋɔsuui su-ƃelai kélee dîa ǹyɛɛi, “Ka ŋ́oo mɛ́ni. Yâwɛɛ káa kápôlu à kɛ̀ kà kɛ̀ bôlu. À kɛ̀ ka vɛli, ka pâi gâai. Kɛ́lɛ à kɛ̀ ka káyee kùla mu, a pâi ǹyée kulâi ká mu.

Zɛfɛnâya 2:3

Ka tínaŋ Yâwɛɛ pɔ́ káai kálii maa yeŋɔɔ̂i ǹɔii sui, káai kà ŋɔtɔ̂ŋ mɛi kâai, ká mɛni sãa kɛ́. Ka ká maa yéŋ Yâwɛɛ ŋɛ́i-tuɛ tãi da ka pɔ̂ri kɛ̂i a káloɔɔ a Yâwɛɛ ŋɔlii-ŋwâna ɣelei.

Wule-woo-ŋa 14:2

Yâwɛɛ káa ɣâla-taa gɛ́ núu-kpune kàa ǹɔii ma ƃɛ́. A díkâai à kɛ̀ dí táreɛɛ̂i, kpaa máŋ díta a vɛ̀li tɔ̃yâ-pere su.

Azaya 55:3

“Ŋánûa, ka káwoli tɔ́ɔ ḿâ, ká pá ḿbɔ. Kà pà ḿbɔ, ka pâi lɛɛ̂i ɣele ma. Ŋa pâi wɔ́lɔ-wɔlɔ da wɔ́lɔ-wɔlɔ kpanaŋ-woo kɛ̂i káyêei. Ŋa pâi lûwa lâai kâa yɛ̂ɛ berei ŋá wɔ́lɔ ŋ́gono tèe la Deeƃé yêei, a ŋáwɔlɔ-wɔlɔ da wɔ́lɔ-wɔlɔ wɛli kɛ́-maai.

Maafîu 7:8

Kpɛ́ni fêi, ǹúui kélee a sɛŋ fɛ̂lii, a pâi zɔlɔ ƃôi. Ǹúui a sɛŋ kɔ̂rii, a pâi gáâi. Ǹúui a gbôŋ tuai, da pâi ǹá ƃôi mì.

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípôlu tɔɔ m̀a, a pâi ípilîi kpɔ́ wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Veerɛi 20:3

Zeosafa kɛ́ɛ a m̀ɛnii ŋí mɛ́nii, è yào kpɔ́ a ŋánaa. Nya ƃe è nâa gbɛ̀tɛ gíli-ŋa a gɛ́ɛ é Yâwɛɛ marê kɛ́. È nâa mò a gɛ́ɛ Zuda-ƃelai kélee dí sûŋ siɣe.

Emɔ 5:6

Ka Ɣâla Yâwɛɛ kɔ́ri ká kɛ́ ɣele ma, à wàla kɛ́ tí, a pâi toôi Zosɛ ŋɔpɛ́rɛi ma yɛ̂ɛ ŋɔŋ é géreŋ, ǹyaŋ núu da fé pâi kɛ̂i Bɛtɛ é ǹiîŋ.

Wule-woo-ŋa 69:32

Tɔɔ diai mɔ̃lɛi, da naa kàa dílii é nɛ̃ɛ, diai tíi kɛ̂i Ɣâla mii dílii é kúla.

Wule-woo-ŋa 27:8

Tãi í m̀o la ńyɛ̂ɛi, “Pá í ḿvɛlîi,” ŋá íwoo su tòo ńyɛ̂ɛi, “Yâwɛɛ ŋa pâi pâi.

Wule-woo-ŋa 22:26

Diai pɔ̂ri mâa fé dîɛi, da pâi dílaa miî dí píla. Diai da Yâwɛɛ fɛlii, da pâi sɛɣɛ fêi tɛɛ̂i bɔ́. Tɔɔ dí mɛni kpɛtɛɛ-ŋai ŋ̀aa-see é kɛ́ díyêei wɔ́lɔ-wɔlɔ da wɔlɔ-wɔlɔ.

Kɔlɔnikɔ Veerɛi 34:3

Gɛ́ɛ gâloŋ-laai su ŋɔkóraŋ ǹɔ́ɔlu-mɛi saaƃai, tãi ŋí su è kɛ̀ niî a ǹyaŋkpa. È nâa pɛ̀lɛ ǹâŋ pɔlɔi Deeƃé Ŋɔɣâlai fɛlíɛɛ ma. Góraŋ buu-káo feerɛi su, è nâa pɛ̀lɛ ŋ̀âla da kpɛ́ni-ŋai fɛli kwâa-ŋai mâ su karâi. È ŋâla-nɛnii Asira ŋ̀ɛi-kɛ-maa wuruii, ŋâla-pɔkɔɔŋ nyii-ŋai dí gbɛ̀tɛ a wuruii da nyii-ŋai dí dɔɔ̂i kélee kulâi Zuda da Zerusâlɛŋ.

Dutɛrɔnome 4:29

Kɛ́lɛ à kɛ̀ kà Káɣâlai Yâwɛɛ kɔ̀ri a kálii kélee da kámɔlêŋ, ka pâi gâai.

Dutɛrɔnome 32:46

È mò dîa ǹyɛɛi, “Ŋ̀óoi ŋa m̀ôi kâai ka zìɣe a gbanaŋɔɔ. Ka ǹɛ́ kálônii dîa dí gɔ́lɔŋ dí m̀ɛi káa a ǹɛ́lɛɛ.

Dutɛrɔnome 32:47

Ŋ̀óo-ŋai dífe nɔ́ a wóo kpɛ́ni. Díkaa a wóo kpanaŋ káfulu-laai mɛni ma. Kà làa-la mɛnii kélee a pâi kɛ̂i a ǹɛ́lɛɛ kámɛni ma ǹɔii ma ka liî naa Zɔdiŋ Ya-leei pôlui.”

Azaya 31:1

Kpalo-ƃelaâi diai dîa da lì Ize kpɔŋ mâa mɛni mai. Díkili tɔɔ̂i Ize ŋɔkɔ́ kɔ́-soo-ŋai dîa, gɔ́ kɔ́-keleŋ-ŋai da díkɔ kɔ́-ƃelai. Dífe láa ní a Yâwɛɛ, Eezuɛ Ŋɔɣâla Maa Waai. Dífa fúlɔi máŋ m̀arê kɛ̀ kpɔŋ mâa mɛni ma.

Izikiɛ 18:9

gɛ ŋá tɔ̂ŋ mɛi kâa, gɛ sia a ŋatɔ̂ŋ lá-woo. M̀aa ǹúui tí káa a teniŋ ƃo nuu vé pâi saâi.” Ńyãai a Ŋ̀wála-wâla kélee Yâwɛɛi, ńyãa ƃe mò tí.

Kâloŋ Veerɛi 20:3

“Yâwɛɛ, ífe nia a gɛɛ ńâai a ƃía, ŋ́gɛ tíi kɛ̀ yɛ̂. Ŋa wɔ́lɔ woo-mɛni kɛ́ yɛ̂ a ńii kélee. Ŋa wɔ́lɔ mɛnii kɛ̂ nyii ƃa nɛ̀ a gɛɛ ǹɛ̂lɛɛi.” Nyíŋi pôlu ma, è wɔ̀lɔ kpɔ́ a ŋánaa.

Kɔlɔnikɔ Veerɛi 20:4

Zuda-ƃelai kélee dí kùla Zuda taa-lêe-ŋai su dí díŋaa tɛ́ gîe ma a gɛ́ɛ dí Yâwɛɛ marê kɛ́ é kpɔŋ-ma tɛɛ dípɔ.

Wule-woo-ŋa 69:33

Yâwɛɛ a ŋ̀oli tɔ̀ɔ diai dîa kpɔ̂ŋ mâa wɛ̂lii. Va ǹîa diai dîa kpini-pɛrɛ mui.

Zɛlemaya 38:20

Ŋá mò mà, “Dífe pâi ítɛɛ̂i dípɔ. Ŋa pɛlɛ̂i a íkɔɔ a gɛɛ í íwoli tɔ́ɔ Yâwɛɛ ŋɔworɛ̂-wooi ma. Gɛ̀ ní, m̀ɛnii kélee a pâi kɛ̂i a ǹɛ́lɛɛ ímɛni ma, ílɛɛ a ífulu.

Osia 10:12

Ka tɔ̃yâ kɔ́ri. Gáa yɛ̂ɛ sí-sɛŋ kao lɛ́lɛɛ síɣɛɛ ká kpâlaŋ ŋá. Ka tɔ̃yâ mɛni kɛ̀, ka pâi ƃɛlɛ-sêe sɔlɔ ƃôi ńyêei. Gáa yɛ̂ɛ sí-sɛŋ lɛ́lɛɛ ƃâ kuláa. Ka ńyãa Yâwɛɛ ḿvɛ̀li, ŋa pâi lûwa toôi kâa ŋá ká ƃálo. A pâi kɛ̂i yɛ̂ɛ tuna nyii pâi pûi ká sí-sãai dîa a gɛɛ dí ƃɔ̀lɔ.